ಬೆಂಗಳೂರು: ಬೆಂಗಳೂರಿನಲ್ಲಿ ಐವರು ಶಂಕಿತ ಉಗ್ರರನ್ನು ಬಂಧಿಸಲಾಗಿದ್ದು, ಸದ್ಯ ನಾಪತ್ತೆಯಾಗಿರುವ ಜುನೈದ್ ಮಾಹಿತಿಯನ್ನು ಸಿಸಿಬಿ ಟೀಂ ಕಲೆ ಹಾಕುತ್ತಿದೆ.
2021 ರಲ್ಲಿ ಜುನೈದ್ ಬೆಂಗಳೂರು ಬಿಟ್ಟಿದ್ದು, ಕೊಲೆ ಕೇಸ್ಗೂ ಮುಂಚೆಯೇ ಜುನೈದ್ ಬಳಿ ಪಾಸ್ ಪೋರ್ಟ್ ಇತ್ತು. ಅದೇ ಪಾಸ್ ಪೋರ್ಟ್ ಬಳಸಿ ಜುನೈದ್ ವಿದೇಶಕ್ಕೆ ಹಾರಿದ್ದು, ಒರಿಜಿನಲ್ ಪಾಸ್ ಪೋರ್ಟ್ ಮೂಲಕ ಪ್ರಯಾಣ ಮಾಡಿರುವುದು ಪತ್ತೆಯಾಗಿದೆ.
2017ರಲ್ಲಿ ಕೊಲೆ ಕೇಸ್ನಲ್ಲಿ ಜುನೈದ್ ಭಾಗಿಯಾಗಿದ್ದು, ಕೊಲೆ ಕೇಸ್ನಲ್ಲಿ ಯಾವ ಇಂಟರ್ನ್ಯಾಷನಲ್ ಲಿಂಕ್ ಇರಲಿಲ್ಲ. ಹೀಗಾಗಿ ಪೊಲೀಸರು ಪಾಸ್ ಪೋರ್ಟ್ ಸೀಜ್ ಮಾಡಿರಲಿಲ್ಲ. 2021ರಲ್ಲಿ ಜುನೈದ್ ದುಬೈ ವೀಸಾ ಪಡೆದು ಹೋಗಿದ್ದು, ನಂತರ ದುಬೈನಿಂದ ಮಿಡಲ್ ಈಸ್ಟ್ನಲ್ಲಿರುವ ದೇಶದ ನಗರವೊಂದಕ್ಕೆ ಜಂಪ್ ಮಾಡಿದ್ದಾನೆ.
ಅಜೆರ್ಬೈಜಾನ್ ದೇಶದ ಬಾಕು ಎಂಬ ನಗರದಲ್ಲಿ ಜುನೈದ್ ಇರೋ ಮಾಹಿತಿ ಸಿಕ್ಕಿದ್ದು, ಸದ್ಯ ಇಂಟರ್ ಪೋಲ್ ಮೂಲಕ ಜುನೈದ್ ಪತ್ತೆಮಾಡಲು ಸಿಸಿಬಿ ಮುಂದಾಗಿದೆ.