ಚೋಕ್ಸಿಯನ್ನು ಕರೆತರಲು ಡೊಮಿನಿಕಾದಲ್ಲಿ ಸಿಬಿಐ ತಂಡ ಸನ್ನದ್ಧ

ನವದೆಹಲಿ : ಪಂಜಾಬ್​ ನ್ಯಾಷನಲ್ ಬ್ಯಾಂಕ್​ ವಂಚನೆ ಪ್ರಕರಣದಲ್ಲಿ ಆರೋಪ ಎದುರಿಸುತ್ತಿರುವ ವಜ್ರೋದ್ಯಮಿ ಮೆಹುಲ್ ಚೋಕ್ಸಿ ಅವರನ್ನು ಡೊಮಿನಿಕಾ ಸರ್ಕಾರ ಭಾರತಕ್ಕೆ ಹಸ್ತಾಂತರಿಸಿದ ಪಕ್ಷದಲ್ಲಿ ಅವರನ್ನು ಕೂಡಲೇ ವಾಪಸ್​ ಕರೆತರಲು ಸಿಬಿಐ ತಂಡ ಸಿದ್ಧವಾಗಿದೆ. ಪ್ರಕರಣದ ತನಿಖಾಧಿಕಾರಿಯಾಗಿರುವ ಶಾರದಾ ರೌತ್​ ನೇತೃತ್ವದಲ್ಲಿ 6 ಸಿಬಿಐ ಅಧಿಕಾರಿಗಳು ಈಗಾಗಲೇ ಡೊಬಿನಿಕಾದಲ್ಲಿದ್ದಾರೆ.

ಡೊಮಿನಿಕನ್ ಕೋರ್ಟ್​ ಹಸ್ತಾಂತರದ ಆದೇಶ ಹೊರಡಿಸಿದರೆ, ಚೋಕ್ಸಿಯನ್ನು ಖಾಸಗಿ ಜೆಟ್​ನಲ್ಲಿ, ಈ ಸಿಬಿಐ ತಂಡ ಭಾರತಕ್ಕೆ ಕರೆತರಲಿದೆ. ಭಾರತದಲ್ಲಿ ವಿಮಾನ ಇಳಿದ ಕೂಡಲೇ ಶಾರದಾ ರೌತ್​ ಅವರು, ಚೋಕ್ಸಿ ಅವರನ್ನು ಬಂಧನಕ್ಕೆ ಒಳಪಡಿಸಲಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: ವೈದ್ಯರ ಮೇಲಿನ ಹಿಂಸಾಚಾರ ತಡೆಯಲು ಕಾನೂನು ತನ್ನಿ : ಐಎಂಎ

ಚೋಕ್ಸಿಯ ಹಸ್ತಾಂತರದ ಬಗ್ಗೆ ಡೊಮಿನಿಕಾದ ಕೋರ್ಟ್​ನಲ್ಲಿ ವಿಚಾರಣೆ ನಡೆಯಲಿದೆ. ಆತ ಭಾರತದ ನಾಗರೀಕನಾಗಿರುವ ಬಗ್ಗೆ, ಕ್ರಿಮಿನಲ್​ ಚಟುವಟಿಕೆಗಳಲ್ಲಿ ತೊಡಗಿದ್ದ ಬಗ್ಗೆ ಮತ್ತು 2018 ರ ಜನವರಿಯಿಂದ ಪರಾರಿಯಾಗಿರುವ ಬಗ್ಗೆ ಇಡಿ ಮತ್ತು ಸಿಬಿಐ ಪರವಾಗಿ ಡೊಮಿನಿಕಾದ ಸರ್ಕಾರಿ ವಕೀಲರು ವಾದ ಮಾಡಲಿದ್ದಾರೆ ಎನ್ನಲಾಗಿದೆ. (ಏಜೆನ್ಸಿಸ್)

https://www.vijayavani.net/video-shows-doctor-thrashed-over-patients-death-24-arrested/

https://www.vijayavani.net/unfortunate-there-is-no-domestic-violence-law-against-wife-says-madras-hc/