ಕರ್ನಾಟಕದಲ್ಲಿ ಗುಟ್ಕಾ-ಪಾನ್​ ಮಸಾಲಾ ಬ್ಯಾನ್​​! ಒಂದು ವರ್ಷ ತಯಾರಿಕೆ, ಮಾರಾಟಕ್ಕೆ ಬ್ರೇಕ್​ ಹಾಕಿದ ರಾಜ್ಯ ಸರ್ಕಾರ! Gutka Pan Masala Ban in Karnataka

ಬೆಂಗಳೂರು: ಆರೋಗ್ಯ ಸುರಕ್ಷತೆ ಹಾಗೂ ಸಾರ್ವಜನಿಕರ ಆರೋಗ್ಯದ ಹಿತ ದೃಷ್ಟಿಯಿಂದ ರಾಜ್ಯದಲ್ಲಿ ಒಂದು ವರ್ಷದ ಮಟ್ಟಿಗೆ ಗುಟ್ಕಾ ಮತ್ತು ಪಾನ್​ ಮಸಾಲಾವನ್ನು ನಿಷೇಧಿಸಿ (Gutka Pan Masala Ban in Karnataka) ಕರ್ನಾಟಕ ಸರ್ಕಾರ ಆದೇಶ ಹೊರಡಿಸಿದೆ.

ಬಿಡುಗಡೆಯಾಗಿರುವ ಆದೇಶ ಪತ್ರದ ಪ್ರಾಕಾರ, ಮುಂದಿನ ಒಂದು ವರ್ಷದ ಮಟ್ಟಿಗೆ ರಾಜ್ಯದಲ್ಲಿ ಪಾನ್​ ಮಸಾಲಾ ಹಾಗೂ ಗುಟ್ಕಾದ ತಯಾರಿಕೆ, ದಾಸ್ತಾನು, ಸಾಗಾಟ ಹಾಗೂ ಮಾರಾಟಕ್ಕೆ ಬ್ರೇಕ್​ ಹಾಕಲಾಗಿದೆ. ನಿಷೇಧ ಮಾಡಲಾದ ಉತ್ಪನ್ನಗಳಲ್ಲಿ ತಂಬಾಕು ಮಿಶ್ರಿತ ಹಾಗೂ ತಂಬಾಕನ್ನು ಪ್ರತ್ಯೇಕವಾಗಿ ಸೇರಿಸುವ ಎರಡೂ ರೀತಿಯ ಗುಟ್ಕಾ, ಪಾನ್​ ಮಸಾಲಾಗಳನ್ನು ಬ್ಯಾನ್​ ಮಾಡಲಾಗಿದೆ.

ಆದ್ದರಿಂ, ಮುಂದಿನ ಒಂದು ವರ್ಷದವರೆಗೆ ಈ ಆದೇಶ ಜಾರಿಯಲ್ಲಿರಲಿದ್ದು, ಈ ಆದೇಶವನ್ನು ಮೀರುವ ತಯಾರಕರು, ವಿತರಕರು ಹಾಗೂ ಚಿಲ್ಲರೆ ವ್ಯಾಪಾರಿಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವುದಾಗಿ ಇಲಾಖೆ ಎಚ್ಚರಿಕೆ ನೀಡಿದೆ.

ಬುಧವಾರ (ಆ.12) ಕರ್ನಾಟಕ ಸರ್ಕಾರದ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯಿಂದ ಹೊರಬಂದಿರುವ ಈ ಆದೇಶದಂತೆ, ಈ ಆದೇಶ ಜಾರಿಯಾದ ದಿನದಿಂದ ಸೂಚಿಸಲಾಗಿರುವ ಎಲ್ಲಾ ನಿಯಮಗಳು ಜಾರಿಯಲ್ಲಿ ಬರಲಿದೆ ಎಂದು ತಿಳಿಸಲಾಗಿದೆ.

ಹಾಗೆಯೇ ವ್ಯಸನಮುಕ್ತ ಕರ್ನಾಟಕವನ್ನು ನಿರ್ಮಿಸಲು ಈ ನಿರ್ಧಾರವನ್ನು ತೆಗೆದುಕೊಂಡಿದ್ದು, ಸಾರ್ವಜನಿಕರು ಈ ನಿಯಮವನ್ನು ಕಡ್ಡಾಯವಾಗಿ ಪಾಲಿಸಬೇಕು. ಹಾಗೆಯೇ ಅಕ್ರಮವಾಗಿ ಗುಟ್ಕಾ, ಪಾನ್​ ಮಸಾಲಾದ ಮಾರಾಟ ಕಂಡುಬಂದಲ್ಲಿ ಪೊಲೀಸರಿಗೆ ದೂರನ್ನು ನೀಡಬೇಕೆಂದು ಹೇಳಿದ್ದಾರೆ.