ಇಂಡಿಯಾ ವರ್ಸಸ್ ಪಾಕಿಸ್ತಾನ: ನಿಮಗೆ ಪಾಕಿಸ್ತಾನಿ ಆಟಗಾರರೊಂದಿಗೆ ಏನು ಕೆಲಸ? ಭಜ್ಜಿ ವಿಡಿಯೋಗೆ ತನ್ವೀರ್​ ಕೌಂಟರ್ | India v/s Pakistan

ಪಾಕಿಸ್ತಾನ: ಭಾನುವಾರ (ಫೆ.15) ಟಿ20 ವಿಶ್ವಕಪ್​ ಪಂದ್ಯಾವಳಿಯ ಅಂಗವಾಗಿ, ಕೊಲೊಂಬೊದಲ್ಲಿ ಭಾರತ ಮತ್ತು ಪಾಕಿಸ್ತಾನ (India v/s Pakistan) ಮೈದಾನದಲ್ಲಿ ಕಾದಾಡಲು ಸಜ್ಜಾಗಿದ್ದು, ಉಭಯ ದೇಶಗಳ ಪ್ರೇಕ್ಷಕರು ಈ ಹೈವೋಲ್ಟೆಜ್​ ಪಂದ್ಯವನ್ನು ಕಣ್ತುಂಬಿಕೊಳ್ಳಲು ಕಾತುರದಿಂದ ಕಾಯುತ್ತಿದ್ದಾರೆ.

ಆದರೆ ಮೈದಾನದ ಹೊರಗೆ ಭಾರತ ಮತ್ತು ಪಾಕಿಸ್ತಾನದ ಇಬ್ಬರು ಮಾಜಿ ಆಟಗಾರರ ವಿವಾದ ದಿನ ಕಳೆದಂತೆ ಹೆಚ್ಚಾಗುತ್ತಲೇ ಇದೆ. ಶುಕ್ರವಾರ (ಫೆ.13) ಭಾರತದ ಮಾಜಿ ಸ್ಪಿನ್ನರ್ ಹರ್ಭಜನ್ ಸಿಂಗ್ ತಮ್ಮ ಬಗ್ಗೆ ಅಪಪ್ರಚಾರ ಮಾಡುತ್ತಿರುವ ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ತನ್ವೀರ್ ಅಹ್ಮದ್​ರನ್ನು ತರಾಟೆಗೆ ತೆಗೆದುಕೊಂಡಿದ್ದ ವಿಡಿಯೋ ಸಖತ್​ ವೈರಲ್​ ಆಗಿತ್ತು. ಈಗ ಈ ವಿಡಿಯೋಗೆ ಪ್ರತ್ಯುತ್ತರ ಎಂಬತ್ತೆ ತನ್ವೀರ್ ಅಹ್ಮದ್​ ಕೂಡ ಒಂದು ವಿಡಿಯೋವನ್ನು ಹರಿಬಿಟ್ಟಿದ್ದು, ಇದು ಉರಿಯುತ್ತಿರುವ ಬೆಂಕಿಗೆ ಇನ್ನಷ್ಟು ತುಪ್ಪ ಸುರಿದಂತಾಗಿದೆ.

ಅಂತರ್ಜಾಲದಲ್ಲಿ ಹಂಚಿಕೊಂಡಿರುವ ವೀಡಿಯೊವೊಂದರಲ್ಲಿ, ತನ್ವೀರ್ ಹರ್ಭಜನ್ ಅವರನ್ನು ಎರಡು ಮುಖದ ವ್ಯಕ್ತಿ ಎಂದು ಕರೆದಿದ್ದಾರೆ. ನೀವು ಭಾರತೀಯ ಆಟಗಾರರಿಗೆ, ಪಾಕಿಸ್ತಾನಿ ಆಟಗಾರರೊಂದಿಗೆ ಕೈಕುಲುಕದಂತೆ ಹೇಳುತ್ತಿರಿ ಆದರೆ ನೀವು ಪಾಕಿಸ್ತಾನಿಗಳ ಜತೆಯಲ್ಲೇ  ಸ್ಟುಡಿಯೋದಲ್ಲಿ ಕುಳಿತಿರುತ್ತಿರಿ ಎಂದು ಆರೋಪಿಸಿದ್ದಾರೆ.

ಹರ್ಭಜನ್ ಸಿಂಗ್ ಮಾಡಿದ್ದ ವಿಡಿಯೋವನ್ನು ವಿರೋಧಿಸಿದ ತನ್ವೀರ್, ನಿಮ್ಮ ವಿಡಿಯೋನಲ್ಲಿ ನೀವು ಬಳಸಿದ ಪದಗಳು ಗೌರವಯುತವಾಗಿರಲಿಲ್ಲ, ಇದನ್ನು ಇಲ್ಲಿಗೆ ನಿಲ್ಲಿಸಿ ಇಲ್ಲವಾದರೆ ನಾನು ನಿಮಗೆ ಬೇರೆ ಶೈಲಿಯಲ್ಲಿ ಬುದ್ಧಿ ಕಲಿಸಬೇಕಾಗಬಹುದು ಎಂದು ಎಚ್ಚರಿಕೆ ನೀಡಿದ್ದಾರೆ.