CM Yogi | ಹಿಂದೂ ಧರ್ಮದ ಪುನರುತ್ಥಾನ ಪ್ರಾರಂಭ; ನಮ್ಮ ಮುಂದಿನ ಗುರಿ ಕಾಶಿ, ಮಥುರಾ ಎಂದ ಸಿಎಂ ಯೋಗಿ

ಈ ಬಗ್ಗೆ ನವದೆಹಲಿಯಲ್ಲಿ ನಡೆದ ಹಿಂದೂಸ್ತಾನ್ ಟೈಮ್ಸ್ ಲೀಡರ್‌ಶಿಪ್ ಶೃಂಗಸಭೆಯಲ್ಲಿ ಮಾತನಾಡಿದ ಯೋಗಿ, ಆಯೋಧ್ಯದಲ್ಲಿ ಶ್ರೀರಾಮ್​ರನ್ನು ಪ್ರತಿಷ್ಠಾಪಣೆ ಮಾಡಿದ್ದಾಯಿತು. ಈಗ ನಮ್ಮ ಮುಂದಿರುವ ಗುರಿ ಕಾಶಿ ಮತ್ತು ಮಥುರಾವನ್ನು ಗೆಲ್ಲುವುದು ಬಾಕಿ ಇದೆ ಎಂದಿದ್ದಾರೆ.

ಮುಂದುವರೆದು ಮಾತನಾಡಿದ ಯುಪಿ ಸಿಎಂ, ನಾವು ದೇಶದ ಎಲ್ಲಾ ಸ್ಥಳಗಳನ್ನು ತಲುಪುತ್ತೇವೆ, ನಾವು ಈಗಾಗಲೇ ತಲುಪಿದ್ದೇವೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ, ಯಾವುದೇ ಸಮಾಜವು ತನ್ನ ಪರಂಪರೆಯ ಬಗ್ಗೆ ಹೆಮ್ಮೆಯ ಭಾವನೆಯನ್ನು ಹೊಂದಿರಬೇಕು. ಈ ಎಲ್ಲಾ ಪ್ರಯತ್ನಗಳು ಹಿಂದೂ ಧರ್ಮದ ಪುನರುತ್ಥಾನದ ಆ ದಿಕ್ಕಿನಲ್ಲಿ ಪ್ರಾರಂಭವಾಗಿದೆ. ನಮ್ಮ ಮುಂದೆ ಮಂಡಿಸಲಾದ ಸತ್ಯಗಳು ಮತ್ತು ಪುರಾವೆಗಳನ್ನು ಪರಿಶೀಲಿಸಿದ ನಂತರ ರಾಮ ಮಂದಿರ ತೀರ್ಪಿಗಾಗಿ ನಾವು ಗೌರವಾನ್ವಿತ ಸುಪ್ರೀಂ ಕೋರ್ಟ್‌ಗೆ ಕೃತಜ್ಞರಾಗಿರುತ್ತೇವೆ. ಸುಪ್ರೀಂ ಈ ತೀರ್ಪನ್ನು ಎಲ್ಲರೂ ಒಪ್ಪಿಕೊಂಡಿರುವುದು ಭಾರತೀಯ ಪ್ರಜಾಪ್ರಭುತ್ವದ ದೊಡ್ಡ ವಿಜಯವಾಗಿದೆ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ಭಾರತ-ರಷ್ಯಾ ಒಗ್ಗೂಡಿಸಿದ್ದಕ್ಕೆ ಅಧ್ಯಕ್ಷ ಟ್ರಂಪ್ ನೊಬೆಲ್​ ಪ್ರಶಸ್ತಿಗೆ ಅರ್ಹರು; ಮಾಜಿ ಪೆಂಟಗನ್ ಅಧಿಕಾರಿ ವ್ಯಂಗ್ಯ | President Trump

ಕಳೆದ ಎಂಟು ವರ್ಷಗಳ ನನ್ನ ಅಧಿಕಾರಾವಧಿಯ ಕುರಿತು ಮಾತನಾಡಿದ ಯೋಗಿ, ಉತ್ತರ ಪ್ರದೇಶವು ದೇಶದ ಅತಿದೊಡ್ಡ ರಾಜ್ಯವಾಗಿದೆ. ಅಲ್ಲದೆ, ಎಂಟು ವರ್ಷಗಳಿಗೂ ಹೆಚ್ಚು ಕಾಲ, ನಮ್ಮ ಪಕ್ಷವು ನನಗೆ ಸೇವೆ ಸಲ್ಲಿಸಲು ಅವಕಾಶವನ್ನು ನೀಡಿದೆ. ಈ ಎಂಟು ವರ್ಷಗಳಲ್ಲಿ, ಉತ್ತರ ಪ್ರದೇಶದೊಳಗೆ ಬಹಳಷ್ಟು ಬದಲಾವಣೆಯಾಗಿದೆ ಮತ್ತು ಆ ಬದಲಾವಣೆಯ ಭಾಗವಾಗಲು ನನಗೆ ಸಂತೋಷವಾಗಿದೆ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.