ಭಾರತ-ರಷ್ಯಾ ಒಗ್ಗೂಡಿಸಿದ್ದಕ್ಕೆ ಅಧ್ಯಕ್ಷ ಟ್ರಂಪ್ ನೊಬೆಲ್​ ಪ್ರಶಸ್ತಿಗೆ ಅರ್ಹರು; ಮಾಜಿ ಪೆಂಟಗನ್ ಅಧಿಕಾರಿ ವ್ಯಂಗ್ಯ | President Trump

ನವದೆಹಲಿ: ಅಮೆರಿಕಾದ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ಗೆ(President Trump) ನೊಬೆಲ್​ ಪ್ರಶಸ್ತಿ ಕೊಡಬೇಕು. ಆದರೆ ಅದು ಸ್ವಯಂಘೋಷಿತ ಶಾಂತಿ ತಂದ ಕ್ರಮಗಳಿಗೆ ಅಲ್ಲ, ಬದಲಾಗಿ ಭಾರತ ಮತ್ತು ರಷ್ಯಾವನ್ನು ಒಗ್ಗೂಡಿಸಿದ್ದಕ್ಕೆ ಎಂದು ಮಾಜಿ ಪೆಂಟಗನ್ ಅಧಿಕಾರಿ ಮೈಕೆಲ್ ರೂಬಿನ್ ವ್ಯಂಗ್ಯವಾಡಿದ್ದಾರೆ.

ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಎರಡು ದಿನಗಳ ಭಾರತ ಭೇಟಿ ಮುಗಿಸಿ, ಹಲವು ಒಪ್ಪಂದ ಮಾಡಿಕೊಂಡು ವಾಪಸ್ ತೆರಳುತ್ತಿದ್ದಂತೆ ಮಾಜಿ ಪೆಂಟಗನ್ ಅಧಿಕಾರಿ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್​ ಅವರನ್ನು ಟೀಕಿಸಿದ್ದಾರೆ.

ಎಎನ್​ಐ ಜೊತೆ ಮಾತನಾಡಿರುವ ಮೈಕಲ್ ರೂಬಿನ್, ರಷ್ಯಾ ಅಧ್ಯಕ್ಷರ ಭಾರತ ಭೇಟಿ ಅತ್ಯಂತ ಸಕರಾತ್ಮವಾಗಿದ್ದು, ಭಾರತವು ಅವರಿಗೆ ನೀಡಿದ ಗೌರವಗಳು ಬೇರೆಲ್ಲಿಯೂ ನೀಡಲಾಗಿಲ್ಲ. ಈ ಎರಡು ದೇಶಗಳ ಚಲನಶೀಲತೆಯನ್ನು ರೂಪಿಸುವಲ್ಲಿ ಟ್ರಂಪ್ ಅವರ ಪಾತ್ರವನ್ನು ಕಡೆಗಣಿಸಬಾರದು ಎಂದು ಹೇಳಿದ್ದಾರೆ.

ಭಾರತ-ರಷ್ಯಾವನ್ನು ಒಟ್ಟಿಗೆ ತಂದಿದ್ದಕ್ಕಾಗಿ ಟ್ರಂಪ್ ಅವರಿಗೆ ನೊಬೆಲ್ ಪ್ರಶಸ್ತಿ ಅರ್ಹರು ಎಂದು ನಾನು ವಾಸ್ತವವಾಗಿ ವಾದಿಸುತ್ತೇನೆ. ಅವರು ಭೇಟಿಯ ಸಮಯದಲ್ಲಿ ಸಹಿ ಹಾಕಲಾದ ಎಷ್ಟು ಒಪ್ಪಂದಗಳು ನಿಜವಾದ ಸಹಕಾರವಾಗಿ ಪರಿಣಮಿಸುತ್ತವೆ. ಪ್ರಧಾನಿ ಮೋದಿ ಮತ್ತು ಭಾರತವನ್ನು ಟ್ರಂಪ್ ಹೇಗೆ ಹೆಚ್ಚು ವಿಶಾಲವಾಗಿ ನಡೆಸಿಕೊಂಡಿದ್ದಾರೆ ಎಂಬುದರ ಬಗ್ಗೆ ಗೊತ್ತಿದೆ ಎಂದು ತಿಳಿಸಿದ್ದಾರೆ.

ಇಂದು ಅಮೆರಿಕಾದ ಶೇ. 65ರಷ್ಟು ಜನ ಟ್ರಂಪ್ ಅವರನ್ನು ಇಷ್ಟಪಡುತ್ತಿಲ್ಲ, ಅದಕ್ಕೆ ಕಾರಣ ಅವರ ಅಸಮರ್ಥತೆ. ಅವರು ಭಾರತ-ಅಮೆರಿಕಾದ ಸಂಬಂಧಗಳನ್ನು ಕೆಡಿಸಿದ್ದಾರೆ. ಟ್ರಂಪ್ ಎಂದಿಗೂ ತಪ್ಪನ್ನು ಒಪ್ಪಿಕೊಳ್ಳುವುದಿಲ್ಲ, ಬದಲಾಗಿ ಭಾರತದ ರಷ್ಯಾ ಸಂಪರ್ಕವನ್ನು ಅವರ ವಿದೇಶಾಂಗ ನೀತಿ ಪ್ರವೃತ್ತಿಯ ಪುರಾವೆಯಾಗಿ ಬಳಸುತ್ತಿದ್ದಾರೆ ಎಂದು ಕಿಡಿಕಾರಿದ್ದಾರೆ.

ಅಮೆರಿಕ, ಭಾರತದಲ್ಲಿ ಉಪನ್ಯಾಸ ನೀಡುವುದನ್ನು ನಿಲ್ಲಿಸಬೇಕು. ಭಾರತೀಯರು ಭಾರತದ ಹಿತಾಸಕ್ತಿಗಳನ್ನು ಪ್ರತಿನಿಧಿಸಲು ಪ್ರಧಾನಿ ಮೋದಿಯವರನ್ನು ಆಯ್ಕೆ ಮಾಡಿದ್ದಾರೆ. ಭಾರತವು ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ದೇಶವಾಗಿದ್ದು, ಶೀಘ್ರದಲ್ಲೇ ವಿಶ್ವದ ಮೂರನೇ ಅತಿದೊಡ್ಡ ಆರ್ಥಿಕತೆಯಾಗಲಿದೆ ಮತ್ತು ಅದಕ್ಕೆ ಇಂಧನದ ಅಗತ್ಯವಿದೆ. ಪರ್ಯಾಯಗಳು ಸೀಮಿತವಾಗಿದ್ದಾಗ ಅಮೆರಿಕವು ರಷ್ಯಾದಿಂದ ಖರೀದಿಸುತ್ತದೆ. ಆದರೆ ಭಾರತವು ರಷ್ಯಾದ ಇಂಧನವನ್ನು ಖರೀದಿಸಬಾರದು ಅಂದ್ರೆ ಹೇಗೆ ಎಂದು ಟ್ರಂಪ್ ಅವರ ದ್ವಿಮುಖ ನೀತಿ ವಾಗ್ದಾಳಿ ನಡೆಸಿದ್ದಾರೆ (ಏಜೆನ್ಸೀಸ್).