ಮೋದಿ ಸರ್​ ಹೆಚ್ಚು ಸಿಹಿ ತಿನ್ನದಂತೆ ನನ್ನ ತಂದೆಗೆ ಬುದ್ಧಿ ಹೇಳಿ ಎಂದ ಯುವಕ: ಪ್ರಧಾನಿ ಕೊಟ್ಟ ಉತ್ತರ ವೈರಲ್​! PM Modi

ನವದೆಹಲಿ: ದೇಶದ ಆಡಳಿತದ ಚುಕ್ಕಾಣಿ ಹಿಡಿದಿರುವ ಪ್ರಧಾನಿ ನರೇಂದ್ರ ಮೋದಿ ( PM Modi ) ಅವರು ಸಾಮಾನ್ಯ ಜನರ ಕೂಗುಗಳನ್ನು ಆಲಿಸುತ್ತಾರಾ ಎಂದು ಪ್ರಶ್ನೆ ಮಾಡುವವರಿಗೆ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿರುವ ಈ ಒಂದು ವಿಡಿಯೋ ಸೂಕ್ತ ಉತ್ತರವಾಗಿದೆ. ಸೋಶಿಯಲ್​ ಮೀಡಿಯಾ ಇನ್ಫ್ಲುಯೆನ್ಸರ್​ ಒಬ್ಬರ ಮನವಿಯನ್ನು ಆಲಿಸಿದ ಪ್ರಧಾನಿ ಮೋದಿ, ಆತನ ಬೇಡಿಕೆ ಈಡೇರಿಸುವ ಮೂಲಕ ಮತ್ತೊಮ್ಮೆ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. 

ನಿಮಗೆ ಗೊತ್ತಿದೆ ಪ್ರಧಾನಿ ಮೋದಿ ಅವರು ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ಆ್ಯಕ್ಟೀವ್​ ಆಗಿರುತ್ತಾರೆ. ಏನೇ ವಿಚಾರಗಳಿರಲಿ ಅದನ್ನು ಜಾಲತಾಣದ ಮೂಲಕವೇ ಜನರೊಂದಿಗೆ ಹಂಚಿಕೊಳ್ಳುತ್ತಾರೆ. ಅದೇ ರೀತಿ ಜನರಿಗೆ ಏನಾದರೂ ಸಂದೇಶ ಕೊಡಬೇಕಿದ್ದರೂ ಜಾಲತಾಣ ಮೂಲಕವೇ ನೀಡುತ್ತಾರೆ. ಪ್ರಧಾನಿ ಮೋದಿ ಮತ್ತು ಜನರ ನಡುವೆ ಜಾಲತಾಣ ಸಂಪರ್ಕ ಸೇತುವೆಯಾಗಿದೆ. ಇದು ನಿಜ ಅನ್ನೋದನ್ನು ವೈರಲ್​ ವಿಡಿಯೋವೊಂದು ಇದೀಗ ಸಾಬೀತು ಮಾಡಿದೆ. 

ಕಂಟೆಂಟ್​ ಕ್ರಿಯೇಟರ್ ಯುವರಾಜ್​ ದುವಾ ಎಂಬುವರು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಒಂದು ವಿಡಿಯೋ ಹಂಚಿಕೊಂಡಿದ್ದರು. ಅದರಲ್ಲಿ ದುವಾ ಅವರು​ ಪ್ರಧಾನಿ ಮೋದಿ ಬಳಿ ಒಂದು ಮನವಿ ಮಾಡಿಕೊಂಡಿದ್ದಾರೆ. ನನ್ನ ತಂದೆ ಸಿಕ್ಕಾಪಟ್ಟೆ ಸಿಹಿ ತಿನ್ನುತ್ತಾರೆ. ಹೀಗಾಗಿ, ಸಕ್ಕರೆ ಅಂಶವನ್ನು ಕಡಿಮೆ ಮಾಡುವಂತೆ ನನ್ನ ತಂದೆಗೆ ಸಲಹೆ ನೀಡಿ. ನನ್ನ ತಂದೆ ನಿಮ್ಮ ದೊಡ್ಡ ಅಭಿಮಾನಿ ಆಗಿರುವುದರಿಂದ ನೀವು ಹೇಳಿದರೆ ಅವರು ಅತಿಯಾಗಿ ಸಿಹಿ ತಿನ್ನುವುದನ್ನು ಬಿಟ್ಟು, ಆರೋಗ್ಯಕರ ಜೀವನಶೈಲಿಯನ್ನು ಅಳವಡಿಸಿಕೊಳ್ಳಬಹುದು ಎಂದು ದುವಾ ಮನವಿ ಮಾಡಿಕೊಂಡಿದ್ದರು. ಈ ವಿಡಿಯೋವನ್ನು ಪ್ರಧಾನಿ ಮೋದಿಗೆ ಟ್ಯಾಗ್​ ಕೂಡ ಮಾಡಿದ್ದರು.

ಅಚ್ಚರಿಯ ಸಂಗತಿ ಏನೆಂದರೆ, ದುವಾ ಅವರ ಈ ವಿಡಿಯೋ ಪ್ರಧಾನಿ ಮೋದಿ ಅವರ ಗಮನಕ್ಕೆ ಬಂದಿದೆ. ತಮ್ಮ ಇನ್​ಸ್ಟಾಗ್ರಾಂ ಸ್ಟೋರಿಯಲ್ಲಿ ದುವಾರ ಮನವಿ ವಿಡಿಯೋವನ್ನು ಶೇರ್​ ಮಾಡಿಕೊಂಡಿರುವ ಪ್ರಧಾನಿ ಮೋದಿ, ಯುವರಾಜ್ ಮನವಿಯಂತೆ, ಅವರ ತಂದೆ ಸಕ್ಕರೆ ಪದಾರ್ಥ ಅಥವಾ ಸಿಹಿ ತಿನಿಸುಗಳನ್ನು ತಿನ್ನುವುದನ್ನು ಕಡಿಮೆ ಮಾಡುವಂತೆ ನಾನು ಕೇಳಿಕೊಳ್ಳುತ್ತೇನೆ. ಆರೋಗ್ಯವಾಗಿರಿ ಮತ್ತು ಸಂತೋಷವಾಗಿರಿ ಎಂದು ಪ್ರಧಾನಿ ಮೋದಿ ಬರೆದುಕೊಂಡಿದ್ದಾರೆ.