ಇಸ್ರೇಲ್ ಮಾಧ್ಯಮ ವರದಿಗಳ ಪ್ರಕಾರ, ಮಜ್ದಲ್ ಝೌನ್ ಎಂಬ ಗ್ರಾಮದ ಕೆಳಭಾಗದಲ್ಲಿ ಈ ಸುರಂಗ ಜಾಲ ಪತ್ತೆಯಾಗಿದೆ. ಇದು ಇಸ್ರೇಲ್ ಗಡಿಯಿಂದ ಸುಮಾರು 6 ಕಿಲೋಮೀಟರ್ ದೂರದಲ್ಲಿದೆ. ಈ ತಿಂಗಳ ಆರಂಭದಲ್ಲಿ ದಕ್ಷಿಣ ಲೆಬನಾನ್ನಲ್ಲಿ ನಡೆದ ಕಾರ್ಯಾಚರಣೆಯ ವೇಳೆ ಇಸ್ರೇಲ್ ಪಡೆಗಳು ಈ ಪ್ರದೇಶವನ್ನು ತಮ್ಮ ವಶಕ್ಕೆ ಪಡೆದಿದ್ದವು. ಸೇನಾ ಅಧಿಕಾರಿಗಳ ಮಾಹಿತಿ ಪ್ರಕಾರ, ಸುರಂಗವು ಪರ್ವತದೊಳಗೆ ಹಲವು ನೂರು ಮೀಟರ್ಗಳಷ್ಟು ವಿಸ್ತರಿಸಿದ್ದು, ಸುಮಾರು 29 ಮೀಟರ್ ಆಳದವರೆಗೆ ನಿರ್ಮಿಸಲಾಗಿದೆ. ದೊಡ್ಡ ಉಕ್ಕಿನ ಸ್ಫೋಟ ನಿರೋಧಕ ಬಾಗಿಲುಗಳನ್ನು ಅಳವಡಿಸಲಾಗಿದ್ದು, ಈ ಹಿಂದೆ ಪತ್ತೆಯಾದ ಹೆಜ್ಬುಲ್ಲಾ ಸುರಂಗಗಳಿಗಿಂತ ಹೆಚ್ಚು ಸುಧಾರಿತ ರೀತಿಯಲ್ಲಿ ಇದನ್ನು ನಿರ್ಮಿಸಲಾಗಿದೆ ಎಂದು ಹೇಳಲಾಗಿದೆ.
