ಶಬರಿಮಲೆಯಲ್ಲಿ ಜನದಟ್ಟಣೆ ನಿಯಂತ್ರಿಸದಿದ್ದರೆ, ದೊಡ್ಡ ಅನಾಹುತ ಸಂಭವಿಸುತ್ತದೆ: ಕೇರಳ ಹೈಕೋರ್ಟ್ Sabarimala

ನವೆಂಬರ್ 17 ರಂದು ದೇವಾಲಯ ತೆರೆದ ನಂತರ ಸುಮಾರು 2 ಲಕ್ಷಕ್ಕೂ ಹೆಚ್ಚು ಭಕ್ತರು ಶಬರಿಮಲೆ ತಲುಪಿದ್ದು, ಅಲ್ಲಿನ ಬೃಹತ್ ಜನರನ್ನು ಪೊಲೀಸರು ಹಾಗೂ ತಿರುವಾಂಕೂರು ದೇವಸ್ವಂ ಮಂಡಳಿಯವರು ನಿಯಂತ್ರಿಸಲು ಹೆಣಗಾಡುತ್ತಿರುವ ದೃಶ್ಯಗಳನ್ನು ನೋಡಿದ ನಂತರ ಕೋರ್ಟ್​ ಸೂಚನೆ ನೀಡಿದೆ.

ತೀರ್ಥಯಾತ್ರೆ ಭಕ್ತರು ಬರುವ ಕನಿಷ್ಟ ಆರು ತಿಂಗಳ ಮೊದಲೇ ಎಲ್ಲಾ ಸಿದ್ಧತೆಗಳು ಆರಂಭವಾಗಬೇಕಿತ್ತು. ಸ್ಪಷ್ಟವಾದ ದಟ್ಟಣೆಯ ಹೊರತಾಗಿಯೂ ವರ್ಚುವಲ್ ಕ್ಯೂ ಸ್ಲಾಟ್‌ಗಳ ಸಂಖ್ಯೆಯನ್ನು ಏಕೆ ಕಡಿಮೆ ಮಾಡಿದ್ದೀರಿ ಎಂದು ನ್ಯಾಯಮೂರ್ತಿಗಳ ಪೀಠವು ದೇವಸ್ಥಾನದ ಮಂಡಳಿಯವರಿಗೆ ಪ್ರಶ್ನಿಸಿದ್ದಾರೆ.

ಸ್ಪಾಟ್ ಬುಕಿಂಗ್ ನಂತರ 10 ಸಾವಿರಕ್ಕೂ ಹೆಚ್ಚು ಜನರು ಬೆಟ್ಟವನ್ನು ಹತ್ತಿದರು ಇದು ದೇವಾಲಯದ ಒಳಗೆ ಮತ್ತು ಹೊರಗೆ ಅಪಾರ ಜನಸಂದಣಿಯನ್ನು ಹೆಚ್ಚಿಸಿದೆ ಎಂದು ನ್ಯಾಯಾಲಯದ ಮುಂದೆ ಟಿಡಿಬಿ ಒಪ್ಪಿಕೊಂಡಿದೆ.

ಹೈಕೋರ್ಟ್ ಟಿಡಿಬಿಯಿಂದ ವಿವರವಾದ ವಿವರಣೆಯನ್ನು ಕೇಳಿದ್ದು, ಶುಕ್ರವಾರದೊಳಗೆ ಮಾಹಿತಿ ನೀಡಬೇಕೆಂದು ನಿರ್ದೇಶಿಸಿದೆ.

ನೀರು ಮತ್ತು ಸಾಕಷ್ಟು ಪೊಲೀಸ್​ ನಿಯೋಜನೆ ಸೇರಿದಂತೆ ಮೂಲಭೂತ ಸೌಕರ್ಯಗಳನ್ನು ಒದಗಿಸುವಲ್ಲಿ ರಾಜ್ಯ ಸರ್ಕಾರ ವಿಫಲವಾಗಿದೆ. ಮಾದರಿ ನೀತಿ ಸಂಹಿತೆ ಜಾರಿಗೆ ಬರುವ ಮೊದಲೇ ವ್ಯವಸ್ಥೆಗಳನ್ನು ಅನುಕೂಲವಾಗುವಂತೆ ಮಾಡಬೇಕಿತ್ತು ಎಂದು ವಿರೋಧ ಪಕ್ಷಗಳು ಟೀಕೆ ಮಾಡಿದೆ (ಏಜೆನ್ಸೀಸ್​).