ಸಮೀಕ್ಷೆ ಸಂದರ್ಭದಲ್ಲಿ ಕೆಲವರು, ಧರ್ಮ, ಜಾತಿ, ಉಪಜಾತಿ, ಶೈಕ್ಷಣಿಕ, ಔದ್ಯೋಗಿಕ, ಆದಾಯ, ಚರಾಸ್ತಿ, ಸ್ಥಿರಾಸ್ತಿ, ಆಧಾರ್ ಮತ್ತು ಪಡಿತರ ಚೀಟಿ ಸಂಖ್ಯೆ ಸೇರಿ ಇತ್ಯಾದಿ ಮಾಹಿತಿ ಕೊಟ್ಟಿದ್ದಾರೆ. ಇನ್ನೂ ಕೆಲವರು ಬಿಪಿಎಲ್ ಮಾಹಿತಿ ನೀಡಲು ಹಿಂದೇಟು ಹಾಕಿದ್ದಾರೆ. ಆದರೆ, ಆಧಾರ್ ಸಂಖ್ಯೆ ನಮೂದಿಸಿದರೆ ಕುಟುಂಬದವರು ಪಡೆಯುತ್ತಿರುವ ಸರ್ಕಾರಿ ಸೌಲಭ್ಯದ ವಿವರ ಲಭ್ಯವಾಗುತ್ತದೆ. ಅಲ್ಲದೆ, ಈ ವರದಿಯಲ್ಲಿ ಆದಾಯ ಜಾಸ್ತಿ ಇರುವವರು, ಕಾರು ಹೊಂದಿರುವವರು, ಜಿಎಸ್ಟಿ ಅಥವಾ ಆದಾಯ ತೆರಿಗೆ ಪಾವತಿಸುತ್ತಿರುವವರು ಪಡೆದಿರುವ ಬಿಪಿಎಲ್ ಚೀಟಿ ಮಾಹಿತಿ ಆಹಾರ ಇಲಾಖೆಗೆ ರವಾನೆಯಾಗಲಿದೆ. ಇವುಗಳನ್ನು ಪರಿಶೀಲಿಸುವ ಅಧಿಕಾರಿಗಳು, ಕಾರ್ಡ್ ರದ್ದುಪಡಿಸಲಿದ್ದಾರೆ.
