ಟಿ20 ಕ್ರಿಕೆಟ್‌ನಲ್ಲಿ ಹೊಸ ಮೈಲಿಗಲ್ಲು; ಒಂದೂ ಡಾಟ್ ಬಾಲ್ ಇಲ್ಲದೆ ಅತಿ ಹೆಚ್ಚು ರನ್ ಚಚ್ಚಿದ ಮೊದಲ ಕ್ರಿಕೆಟಿಗ ಅಭಿಷೇಕ್ | Abhishek Sharma

ಈ ಇನಿಂಗ್ಸ್‌ನಲ್ಲಿ ಅಭಿಮಾನಿಗಳನ್ನು ಮತ್ತು ಕ್ರಿಕೆಟ್ ಪಂಡಿತರನ್ನು ಆಶ್ಚರ್ಯಚಕಿತಗೊಳಿಸಿರುವುದು ಅಭಿಷೇಕ್ ಅವರ ರನ್ ವೇಗವಲ್ಲ, ಬದಲಾಗಿ ಅವರು ಎದುರಿಸಿದ ಒಂದೂ ಎಸೆತ ವ್ಯರ್ಥವಾಗದಿರುವುದು. ಹೌದು, ತಾವು ಎದುರಿಸಿದ ಎಲ್ಲಾ 20 ಎಸೆತಗಳಲ್ಲೂ ಅಭಿಷೇಕ್ ರನ್ ಗಳಿಸಿದ್ದಾರೆ.

ಒಟ್ಟು ರನ್: 68* (20 ಎಸೆತ)

ಬೌಂಡರಿಗಳ ಹಬ್ಬ: 7 ಬೌಂಡರಿ ಮತ್ತು 5 ಭರ್ಜರಿ ಸಿಕ್ಸರ್.

ಬೌಂಡರಿ ರನ್‌ಗಳು: 58 ರನ್ ಬೌಂಡರಿಗಳ ಮೂಲಕವೇ ಬಂದಿವೆ.

ಓಟದ ಮೂಲಕ: ಉಳಿದ 10 ರನ್‌ಗಳನ್ನು ಕೇವಲ 8 ಎಸೆತಗಳಲ್ಲಿ ಓಡುವ ಮೂಲಕ ಗಳಿಸಿದ್ದಾರೆ.

ಈ ಹಿಂದೆ ಟಿ20 ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಒಂದೂ ಡಾಟ್ ಬಾಲ್ ಇಲ್ಲದೆ ಅತಿ ಹೆಚ್ಚು ರನ್ ಗಳಿಸಿದ ದಾಖಲೆ ಕೆನಡಾದ ಹರ್ಷ ಠಾಕ್ರೆ ಹೆಸರಿನಲ್ಲಿತ್ತು. ಅವರು 2025 ರಲ್ಲಿ 18 ಎಸೆತಗಳಲ್ಲಿ ಅಜೇಯ 53 ರನ್ ಗಳಿಸಿದ್ದರು. ಈಗ ಅಭಿಷೇಕ್ 68 ರನ್ ಗಳಿಸುವ ಮೂಲಕ ಈ ದಾಖಲೆಯನ್ನು ಅಳಿಸಿಹಾಕಿದ್ದಾರೆ.

ಅಭಿಷೇಕ್ ಅವರ 20 ಎಸೆತಗಳ ಈ ಇನಿಂಗ್ಸ್, ಡಾಟ್ ಬಾಲ್ ಇಲ್ಲದೆ ಆಡಿದ ಜಂಟಿ ದೀರ್ಘಾವಧಿಯ ಇನಿಂಗ್ಸ್ ಆಗಿದೆ. ಈ ಹಿಂದೆ 2016 ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಪಾಕಿಸ್ತಾನದ ಮಾಜಿ ನಾಯಕ ಶೋಯೆಬ್ ಮಲಿಕ್ 20 ಎಸೆತಗಳಲ್ಲಿ 40* ರನ್ ಗಳಿಸುವಾಗ ಒಂದೂ ಡಾಟ್ ಬಾಲ್ ಎದುರಿಸಿರಲಿಲ್ಲ. ಈಗ ಅಭಿಷೇಕ್ ಅದೇ ಸಂಖ್ಯೆಯ ಎಸೆತಗಳನ್ನು ಎದುರಿಸಿ ಹೆಚ್ಚು ರನ್ ಸಿಡಿಸಿದ್ದಾರೆ.

ಈ ಅದ್ಭುತ ಪ್ರದರ್ಶನದ ಮೂಲಕ ಅಭಿಷೇಕ್ ಶರ್ಮಾ ಟಿ20 ಕ್ರಿಕೆಟ್‌ನ ಆಧುನಿಕ ಪವರ್ ಹೌಸ್ ಆಗಿ ಹೊರಹೊಮ್ಮಿದ್ದಾರೆ. ಅವರ ಈ ಅಬ್ಬರದ ಆಟದಿಂದ ಭಾರತ ಸುಲಭವಾಗಿ ಜಯಭೇರಿ ಬಾರಿಸಿತು,(ಏಜೆನ್ಸೀಸ್).