3 ದಿನದಲ್ಲಿ 587 ಕೋಟಿ ಮದ್ಯ ಆದಾಯ- liquor revenue

2025ರ ಡಿ.29ರಂದು 1.99 ಲಕ್ಷ ಬಾಕ್ಸ್ ಇಂಡಿಯನ್ ಮೇಡ್ ಲಿಕ್ಕರ್(ಐಎಂಎಲ್), 1.45 ಲಕ್ಷ ಬಾಕ್ಸ್ ಬಿಯರ್, ಡಿ.30ರಂದು 4.32 ಲಕ್ಷ ಬಾಕ್ಸ್ ಐಎಂಎಲ್, 2.94 ಲಕ್ಷ ಬಾಕ್ಸ್ ಬಿಯರ್ ಹಾಗೂ ಡಿ.31ರಂದು 3.53 ಲಕ್ಷ ಬಾಕ್ಸ್ ಐಎಂಎಲ್, 2.25 ಲಕ್ಷ ಬಾಕ್ಸ್ ಬಿಯರ್ ಮಾರಾಟ ವಾಗಿದೆ. 2024ರ ಡಿ.29ರಂದು ಯಾವುದೇ ಮದ್ಯ ವಹಿವಾಟು ನಡೆದಿರಲಿಲ್ಲ. ಡಿ.30ರಂದು 2.78 ಲಕ್ಷ ಬಾಕ್ಸ್ ಐಎಂಎಲ್, 1.91 ಲಕ್ಷ ಬಾಕ್ಸ್ ಬಿಯರ್, ಡಿ.31ರಂದು 5.47 ಲಕ್ಷ ಬಾಕ್ಸ್ ಐಎಂಎಲ್, 3.12 ಲಕ್ಷ ಬಾಕ್ಸ್ ಬಿಯರ್ ಮಾರಾಟವಾಗಿತ್ತು. 2023ರ ಡಿ.29ರಂದು 3.04 ಲಕ್ಷ ಬಾಕ್ಸ್ ಐಎಂಎಲ್, 1.91 ಲಕ್ಷ ಬಾಕ್ಸ್ ಬಿಯರ್, ಡಿ.30ರಂದು 3.32 ಲಕ್ಷ ಬಾಕ್ಸ್ ಐಎಂಎಲ್, 2.30 ಲಕ್ಷ ಬಾಕ್ಸ್ ಬಿಯರ್, ಡಿ.31ರಂದು 3.08 ಲಕ್ಷ ಬಾಕ್ಸ್ ಐಎಂಎಲ್ ಮತ್ತು 1.95 ಲಕ್ಷ ಬಾಕ್ಸ್ ಬಿಯರ್ ಮಾರಾಟವಾಗಿತ್ತು.

ಪಬ್​​, ಬಾರ್ ಆಂಡ್ ರೆಸ್ಟೋರೆಂಟ್ ಮಾಲೀಕರು ಹೊಸ ವರ್ಷ ಸ್ವಾಗತಕ್ಕೆ ವಿಶೇಷ ಸಿದ್ಧತೆ ಮಾಡಿಕೊಂಡಿದ್ದರು. ಬೆಂಗಳೂರು ಸೇರಿ ಪ್ರಮುಖ ನಗರಗಳಲ್ಲಿ ಹೆಚ್ಚಿನ ಗ್ರಾಹಕರನ್ನು ಆಕರ್ಷಿಸಲು ತರಹೇವಾರಿಯಾಗಿ ಬಾರ್‌ಗಳನ್ನು ವಿನ್ಯಾಸ ಮಾಡಲಾಗಿತ್ತು. ಸಾಕಷ್ಟು ಪ್ರಮಾಣದಲ್ಲಿ ದಾಸ್ತಾನು ಮಾಡಿಕೊಂಡಿದ್ದ ಮದ್ಯ, ಬಿಯರ್ ಸೇಲಾಗಿತ್ತು. ಈ ಹಿನ್ನೆಲೆಯಲ್ಲಿ ಮಾಲೀಕರು ಖುಷಿಯಾಗಿದ್ದಾರೆ.

2025ರ ಡಿ.29ರಿಂದ ಡಿ.31ರವರೆಗೆ ಒಟ್ಟು 9.84 ಲಕ್ಷ ಬಾಕ್ಸ್ ಐಎಂಎಲ್ ಮತ್ತು 6.64 ಲಕ್ಷ ಬಾಕ್ಸ್ ಬಿಯರ್ ಮಾರಾಟವಾಗಿದೆ. 2024ರ ಡಿ.29ರಿಂದ ಡಿ.31ರವರೆಗೆ ಒಟ್ಟು 8.25 ಲಕ್ಷ ಬಾಕ್ಸ್ ಐಎಂಎಲ್, 5.03 ಲಕ್ಷ ಬಾಕ್ಸ್ ಬಿಯರ್ ಮಾರಾಟವಾಗಿತ್ತು. 2023ರ ಡಿ.29ರಿಂದ 9.44 ಲಕ್ಷ ಬಾಕ್ಸ್ ಐಎಂಎಲ್ ಮತ್ತು 6.16 ಲಕ್ಷ ಬಾಕ್ಸ್ ಬಿಯರ್ ಮಾರಾಟವಾಗಿತ್ತು. ಆದರೆ, 2025ರ ಡಿ.23ರಿಂದ ಡಿ.31ರವರೆಗೆ 22.59 ಲಕ್ಷ ಬಾಕ್ಸ್ ಐಎಂಎಲ್ ಸೇಲಾಗಿದೆ. 2024ರ ಡಿ.23ರಿಂದ ಡಿ.31ರವೆರೆಗೆ 23.33 ಲಕ್ಷ ಬಾಕ್ಸ್ ಐಎಂಎಲ್ ಮಾರಾಟವಾಗಿತ್ತು. ಆದರೆ, ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಈ ಬಾರಿ ಐಎಂಎಲ್ ಮಾರಾಟದಲ್ಲಿ ಶೇ.3.17 ಕುಸಿತವಾಗಿದೆ. ಆದರೆ, ಬಿಯರ್ ಮಾರಾಟದಲ್ಲಿ ಶೇ.1.80 ಮಾರಾಟ ಹೆಚ್ಚಳವಾಗಿದೆ.

ಹೊಸ ವರ್ಷದ ಹಿನ್ನೆಲೆಯಲ್ಲಿ ಗ್ರಾಮೀಣ ಪ್ರದೇಶದ ಹೋಟೆಲ್ ಹಾಗೂ ಗಿರಾಣಿ ಅಂಗಡಿಗಳಲ್ಲಿ ಕಾನೂನುಬಾಹಿರವಾಗಿ ಲಕ್ಷಾಂತರ ರೂ.ಮೌಲ್ಯದ ಮದ್ಯ ಮಾರಾಟ ಮಾಡಿರುವುದು ಕಂಡುಬಂದಿದೆ. ಪ್ರತಿ ಬಾಟಲ್‌ಗೆ ನಿಗದಿತ ದರಗಿಂತ ಸರಾಸರಿ 20-30 ರೂ. ಹೆಚ್ಚಿನ ಬೆಲೆಗೆ ಮಾರಾಟ ಮಾಡಲಾಯಿತು. ಬೆಂಗಳೂರಿನ ಎಂಜಿ ರಸ್ತೆ, ಬ್ರಿಗೇಡ್ ರಸ್ತೆ, ಇಂದಿರನಗರ, ರಿಚ್‌ಮಂಡ್ ಸರ್ಕಲ್ ಮತ್ತು ಕೋರಮಂಗಲ ಸೇರಿ ಇತರೆ ಪ್ರದೇಶಗಳಲ್ಲಿ ಇರುವ ಪಬ್‌ಗಳು ತಡರಾತ್ರಿ 3 ಗಂಟೆವರೆಗೂ ಕಾರ್ಯನಿರ್ವಹಿಸಿದ್ದವು. ಯುವ ಜನಾಂಗವು ಕಂಠಪೂರ್ತಿ ಮದ್ಯ ಸೇವಿಸಿ ಕುಣಿದು ಕುಪ್ಪಳಿ ಹೊಸ ವರ್ಷವನ್ನು ಸ್ವಾಗತ ಮಾಡಿಕೊಂಡಿದ್ದರು.