ದೇಶ

ಬಂಗಾಳದಲ್ಲಿ ಅರಳಲಿದೆ ಕಮಲ? ತಮಿಳುನಾಡಲ್ಲಿ ನಡೆಯಲ್ಲ ದಳಪತಿ ಮ್ಯಾಜಿಕ್​! ಸಟ್ಟಾ ಬಜಾರ್​ ಪ್ರೆಡಿಕ್ಷನ್ ಏನಿದೆ ಗೊತ್ತಾ?Satta Bazar Prediction

ನಾಳೆ (ಮೇ.4) ಪಂಚರಾಜ್ಯ ಚುನಾವಣಾ ಫಲಿತಾಂಶ ಪ್ರಕಟ
ನಾಳೆ (ಮೇ.4) ಪಂಚರಾಜ್ಯ ಚುನಾವಣಾ ಫಲಿತಾಂಶ ಪ್ರಕಟ
Published on: 

ಪ್ರಮುಖ ಮುಖ್ಯಾಂಶಗಳು

  • ನಾಳೆ (ಮೇ.4) ಪಂಚರಾಜ್ಯ ಚುನಾವಣಾ ಫಲಿತಾಂಶ ಪ್ರಕಟ
  • ಮುಂಬೈ ಸಟ್ಟಾ ಬಜಾರ್​ನ ಪ್ರೆಡಿಕ್ಷನ್​ ರಿಲೀಸ್​
  • ಬಂಗಾಳದಲ್ಲಿ ಬಿಜೆಪಿ; ತಮಿಳುನಾಡಲ್ಲಿ ಡಿಎಂಕೆಗೆ ಅಧಿಕಾರ
  • ಅಸ್ಸಾಂನಲ್ಲಿ ಬಿಜೆಪಿ ಹ್ಯಾಟ್ರಿಕ್​; ಪುದುಚೇರಿಯಲ್ಲಿ ಫೈಟಿಂಗ್​; ಕೇರಕ್ಕೆ ಯುಡಿಎಫ್​ ಖಾಯಂ!
ಮುಂಬೈ: ನಾಳೆ (ಮೇ.4) ಭಾರತದ ಪಂಚರಾಜ್ಯಗಳ ಫಲಿತಾಂಶ ಹೊರಬೀಳಲಿದ್ದು, ದೇಶಾದ್ಯಂತ ಜುಗಾರಿಗಳು ಜಾಗೃತರಾಗಿದ್ದು ಕೋಟ್ಯಾಂತರ ರೂಪಾಯಿಗಳನ್ನು ಬೆಟ್ಟಿಂಗ್​ನಲ್ಲಿ ತೊಡಗಿಸಿದ್ದಾರೆ. ತಮ್ಮ ನೆಚ್ಚಿನ ಪಕ್ಷ ಬಹುಮತ ಪಡೆದರೆ ತಾವು ತೊಡಗಿಸಿರುವ ಹಣವನ್ನು ಡಬಲ್​ ಮಾಡುವ ಉದ್ದೇಶ ಇವರದ್ದು ಎಂದು ಹೇಳ ಬಹುದಾಗಿದೆ.
ಈಗ ಖ್ಯಾತ ಮುಂಬೈ ಸಟ್ಟಾ ಬಜಾರ್​ ತನ್ನದೊಂದು ಪ್ರೆಡಿಕ್ಷನ್​ (Satta Bazar Prediction) ನೀಡಿದ್ದು, ಕೇರಳ, ಪಶ್ಚಿಮ ಬಂಗಾಳ, ಅಸ್ಸಾಂ, ತಮಿಳುನಾಡು ಹಾಗೂ ಪುದುಚೇರಿಯಲ್ಲಿ ಯಾರು ಗದ್ದುಗೆ ಏರಲಿದ್ದಾರೆ ಎಂಬ ಭವಿಷ್ಯವನ್ನು ನುಡಿದಿದೆ. 

ಬಂಗಾಳದಲ್ಲಿ ಅರಳಲಿದೆ ಕಮಲ!

ನಡೆಯುತ್ತಿರುವ ಪಂಚರಾಜ್ಯ ಚುನಾವಣೆಗಳಲ್ಲಿ, ಹೈವೋಲ್ಟೆಜ್​ ರಾಜ್ಯ ಎಂದರೆ ಅದು ಪಶ್ಚಿಮ ಬಂಗಾಳ. 294 ವಿಧಾನಸಭಾ ಕ್ಷೇತ್ರಗಳನ್ನು ಹೊಂದಿರುವ ಈ ರಾಜ್ಯದಲ್ಲಿ 148 ಕ್ಷೇತ್ರಗಳನ್ನು ಗೆಲ್ಲುವ ಪಕ್ಷ ಅಧಿಕಾರದ ಚುಕ್ಕಾಣಿ ಹಿಡಿಯಲಿದೆ.
ಸಟ್ಟಾ ಬಜಾರ್​ ಪ್ರಕಾರ, ಆಡಳಿತರೂಢ ಮಮತಾ ಬ್ಯಾನರ್ಜಿ ನೇತೃತ್ವದ ಟಿಎಂಸಿ ಪಕ್ಷವು 127-132 ಕ್ಷೇತ್ರಗಳಲ್ಲಿ ಗೆದ್ದರೆ, ಭಾರತೀಯ ಜನತಾ ಪಕ್ಷವು 175-185 ಕ್ಷೇತ್ರಗಳಲ್ಲಿ ವಿಜಯವನ್ನುಗಳಿಸಿ ಸರ್ಕಾರವನ್ನು ರೂಪಿಸಲಿದೆ. ಉಳಿದಂತೆ ಎಡಪಕ್ಷ ಹಾಗೂ ಕಾಂಗ್ರೆಸ್​ ಒಂದಂಕಿಗೆ ಸೀಮಿತವಾಗಲಿದೆ ಎನ್ನುವುದು ಸಟ್ಟಾ ಬಜಾರ್​ನ ಭವಿಷ್ಯವಾಣಿಯಾಗಿದೆ.

ತಮಿಳುನಾಡಿನಲ್ಲಿ ಮುಂದುವರಿಯುತ್ತೆ ಡಿಎಂಕೆ!

234 ವಿಧಾನಸಭಾ ಕ್ಷೇತ್ರಗಳಿಗೆ ನಡೆಯುತ್ತಿರುವ ತಮಿಳುನಾಡಿನ ಚುನಾವಣೆಯಲ್ಲಿ ಆಡಳಿತರೂಢ ಡಿಎಂಕೆ ಪಕ್ಷವು 145-155 ಕ್ಷೇತ್ರಗಳಲ್ಲಿ ಗೆಲ್ಲುವ ಮೂಲಕ ತನ್ನ ವಿಜಯದ ಓಟವನ್ನು ಮುಂದುವರಿಸಲಿದೆ ಎನ್ನುವುದು ಸಟ್ಟಾ ಬಜಾರ್​ನ ಭವಿಚ್ಯವಾಗಿದೆ.
ಇನ್ನು ಈ ಚುನಾವಣೆಯಲ್ಲಿ ಸಂಚಲನ ಮೂಡಿಸಿರುವ ನಟ ದಳಪತಿ ವಿಜಯ್​ ಪಕ್ಷ ಟಿವಿಕೆ 7-9 ಕ್ಷೇತ್ರಗಳಲ್ಲಿ ಮಾತ್ರ ಗೆಲುವನ್ನು ಕಂಡರೆ, 45-65 ಕ್ಷೇತ್ರಗಳಲ್ಲಿ ಎಐಎಡಿಎಂಕೆ ಗೆಲುವನ್ನು ಕಾಣಲಿದೆ. ಆದರೆ ಸಿಎಂ ಕುರ್ಚಿ ಸ್ಟಾಲಿನ್​ ಬಳಿಯೇ ಭದ್ರವಾಗಿರಲಿದೆ ಎನ್ನುವುದು ಸಟ್ಟಾ ಬಜಾರ್​ನ ಅಂಕಿ-ಅಂಶ ಹೇಳುತ್ತಿದೆ.

ಅಸ್ಸಾಂನಲ್ಲಿ ಬಿಜೆಪಿ; ಪುದುಚೇರಿಯಲ್ಲಿ ಪೈಪೋಟಿ!

 126 ವಿಧಾನಸಭಾ ಕ್ಷೇತ್ರಗಳನ್ನು ಹೊಂದಿರುವ ಅಸ್ಸಾಂನಲ್ಲಿ 85-92 ಕ್ಷೇತ್ರಗಳಲ್ಲಿ ಗೆಲುವನ್ನು ಸಾಧಿಸುವ ಮೂಲಕ ಬಿಜೆಪಿ ಗ್ಯಾಟ್ರಿಕ್​ ಗೆಲುವನ್ನು ಸಾಧಿಸಲಿದೆ, ಕಾಂಗ್ರೆಸ್​ 34-38 ಕ್ಷೇತ್ರಗಳಿಗೆ ಸೀಮಿತವಾಗಿರಲಿದೆ ಎಂದು ಸಟ್ಟಾ ಬಜಾರ್​ ಹೇಳುತ್ತಿದೆ. 
30 ವಿಧಾನಸಭಾ ಕ್ಷೇತ್ರಗಳನ್ನು ಹೊಂದಿರುವ ಪುದುಚೇರಿಯಲ್ಲಿ ಬಿಜೆಪಿ ನೇತೃತ್ವದ ಎನ್​ಡಿಎ ಮೈತ್ರಿಕೂಟ 15-18 ಕ್ಷೇತ್ರಗಳಲ್ಲಿ ಗೆಲುವನ್ನು ಸಾಧಿಸಿದರೆ, ಕಾಂಗ್ರೆಸ್​ ನೇತೃತ್ವದ ಇಂಡಿ ಮೈತ್ರಿಕೂಟ 14-17 ಕ್ಷೇತ್ರಗಳಲ್ಲಿ ಗೆಲ್ಲಲಿದೆ ಎಂದು ಹೇಳಲಾಗುತ್ತಿದೆ.

ಕೇರಳದಲ್ಲಿ ಯುಡಿಎಫ್​ ಆಡಳಿತ!

ದಕ್ಷಿಣದ ಮತ್ತೊಂದು ರಾಜ್ಯ ಕೇರಳದಲ್ಲಿ 140 ವಿಧಾನಸಭಾ ಕ್ಷೇತ್ರಗಳಿಗೆ ನಡೆಯುತ್ತಿರುವ ಚುನಾವಣೆಯಲ್ಲಿ ಯುಡಿಎಫ್​ ಬಣವು 78-85 ಕ್ಷೇತ್ರಗಳಲ್ಲಿ ಗೆಲುವನ್ನು ಸಾಧಿಸಿ ಸರ್ಕಾರ ರಚಿಸಲಿದೆ. ಎಲ್​ಡಿಎಫ್​ 56-66 ಕ್ಷೇತ್ರಗಳಲ್ಲಿ ಗೆದ್ದರೆ ಬಿಜೆಪಿ ಕೇವಲ 2-3 ಸೀಟ್​ಗಳಿಗೆ ಸೀಮಿತವಾಗಲಿದೆ ಎಂದು ಸಟ್ಟಾ ಬಜಾರ್​ ಹೇಳಿದೆ, (ಏಜನ್ಸೀಸ್​). 
BJP
Kerala
TMC
Tamilnadu
DMK
westbengal
Vijay
kannadanews
VijayavaniNews
electionresults
exitpoll
sattabazar
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net