ಭಾರತದ ಜಲಪ್ರದೇಶದಲ್ಲಿ ಅಮೆರಿಕ ಅಬ್ಬರ: ಇರಾನ್ ಯುದ್ಧನೌಕೆ ಧ್ವಂಸಕ್ಕೆ ಓವೈಸಿ ಆಕ್ರೋಶ; ಇದು ಭಾರತದ ಸಾರ್ವಭೌಮತೆಗೆ ಅವಮಾನ ಎಂದ ಸಂಸದ | Asaduddin Owaisi

ನವದೆಹಲಿ: ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಸಂಘರ್ಷ ಹಿಂದೂ ಮಾಹಾಸಾಗರದ ಬಳಿ ಬಂದಿದ್ದು, ಅಮೆರಿಕ, ಇರಾನಿನ ಯುದ್ಧನೌಕೆಯೊಂದವನ್ನು ಹೊಡೆದುರಳಿಸಿದ ಬಗ್ಗೆ ಎಐಎಂಐಎಂ ಅಧ್ಯಕ್ಷ ಅಸಾದುದ್ದೀನ್​ ಓವೈಸಿ (Asaduddin Owaisi) ಅಸಮಾಧಾನ ವ್ಯಕ್ತ ಪಡಿಸಿದ್ದಾರೆ.

ತಮ್ಮ ಸಾಮಾಜಿಕ ಜಾಲತಾಣ ವೇದಿಕೆಯಲ್ಲಿ ಈ ಕುರಿತು ಹಂಚಿಕೊಂಡಿರುವ ಓವೈಸಿ, ಅಮೆರಿಕ ಭಾರತದ ಜಲಪ್ರದೇಶದಲ್ಲಿ ಇರಾನಿನ ಹಡಗನ್ನು ಬೀಳಿಸಿದೆ. ಈ ಕುರಿತು ನಮ್ಮ ಪ್ರಧಾನ ಮಂತ್ರಿ ಮತ್ತು ವಿದೇಶಾಂಗ ಸಚಿವರು ಮೌನ ವಹಿಸಿದ್ದಾರೆ, ಈ ಕುರಿತು ಏಕೆ ಉತ್ತರಿಸುತ್ತಿಲ್ಲ. ಕೂಡಲೇ ಒಂದು ಪತ್ರಿಕಾಗೋಷ್ಠಿ ನಡೆಸಿ ಈ ಘಟನೆ ಬಗ್ಗೆ ಭಾರತದ ನಿಲುವೇನೆಂದು ತಿಳಿಸಿ ಎಂದು ಪ್ರಶ್ನಿಸಿದ್ದಾರೆ.

ಇರಾನಿನ ಸವೋಚ್ಚ ನಾಯಕ ಆಯತೊಲ್ಲ ಖಮೇನಿ ಸಾವಿನೊಂದಿಗೆ ಪ್ರಾರಂಭವಾದ ಈ ಸಂಘರ್ಷದಲ್ಲಿ ಮಾ.4 ರಂದು ಅಮೆರಿಕ ಹಿಂದೂ ಮಹಾಸಾಗರದಲ್ಲಿದ್ದ ಇರಾನಿನ ಐರಿಶ್​ ಡೇನಾ ಎಂಬ ಯುದ್ಧನೌಕೆಯನ್ನು ಗೊಡೆದುಹಾಕಿತು. ಈ ಹಡಗಿನಲ್ಲಿದ್ದ ಸುಮಾರು 80 ಜನ ನಾವಿಕರು ಸಾವನ್ನಪ್ಪಿದ್ದರೆ, 100 ಕ್ಕೂ ಅಧಿಕ ಜನ ನಾಪತ್ತೆಯಾಗಿದ್ದಾರೆ.

ಈ ಯುದ್ಧನೌಕೆಯು ಭಾರತದೊಂದಿಗೆ ಜಂಟಿ ಸಮರಾಭ್ಯಾಸ ಮಾಡಿ ಶ್ರೀಲಂಕಾದ ಸಮೀಪ ನಿಂತಿದ್ದಾಗ ಅಮೆರಿಕ ತನ್ನ ಜಲಾಂತರ್ಗಾಮಿಯನ್ನು ಬಳಸಿ ಈ ನೌಕೆಯನ್ನು ಹೊಡೆದುಹಾಕಿದೆ. ಇರಾನ್​ ಹೇಳಿಕೆ ಪ್ರಕಾರ ಈ ಹಡಗಿನಲ್ಲಿ ಕೇವಲ ನಾವಿಕರಿದ್ದು ಇದರಲ್ಲಿ ಯಾವುದೇ ರೀತಿಯ ಶಸ್ತ್ರಾಸ್ತ್ರವಿರಲಿಲ್ಲ ಎನ್ನುವುದು ಅವರ ವಾದವಾಗಿದೆ,(ಏಜನ್ಸೀಸ್).