“ರಾಜಕೀಯ ಜಿದ್ದಿಗಾಗಿ ನಟಿಯ ಮಾನ ಕಳೆಯಲಾಗುತ್ತಿದೆ!” ತ್ರಿಷಾ ವಿವಾದದ ಬೆನ್ನಲ್ಲೇ ಕಂಗನಾ ರಣಾವತ್ ಆಕ್ರೋಶ! Kangana Ranaut

ನವದೆಹಲಿ: ಕೆಲ ದಿನಗಳ ಹಿಂದೆ ನಟಿ ತ್ರಿಷಾಳ ಕುರಿತು ಡಿಎಂಕೆ ನಾಯಕ ಉದಯನಿಧಿ ಸ್ಟಾಲಿನ್​ ಡಬ್ಬಲ್​ ಮಿನಿಂಗ್​ ಹೇಳಿಕೆ ನೀಡಿ ಪೊಲೀಸರು ಬಂಧಿಸಿದ ಘಟನೆ ನಡೆದಿತ್ತು.

ನಂತರ, ತಮಿಳುನಾಡು ವಿಧಾನಸಭಾ ಅಧಿವೇಶನದ ಸಂದರ್ಭದಲ್ಲಿ ಸಿಎಂ ದಳಪತಿ ವಿಜಯ್​ ಕೂಡ ಮಹಿಳೆಯ ಕುರಿತು ಅಸಭ್ಯ ಹಾಗೂ ಡಬ್ಬಲ್​ ಮಿನಿಂಗ್​ ಪದಗಳನ್ನು ಬಳಸಿದರೆ ಕಾನೂನಾತ್ಮಕ ಕ್ರಮಗಳನ್ನು ಕೈಗೊಳ್ಳಲಾಗುತ್ತದೆ ಎಂದು ತಿಳಿಸಿದ್ದರು.

ಈಗ, ಬಿಜೆಪಿ ಸಂಸದೆ ಹಾಗೂ ಬಾಲಿವುಡ್​ ನಟಿ ಕಂಗನಾ ರಣಾವತ್​ (Kangana Ranaut), ನೇರವಾಗಿ ನಟಿ ತ್ರಿಷಾ ಹೆಸರನ್ನು ತೆಗೆದುಕೊಳ್ಳದೆ, ಯಾವುದೇ ವೈಯಕ್ತಿಕ ದಾಳಿ ಹಾಗೂ ವಿವಾದ ನಡೆದರೆ, ಅಲ್ಲಿ ಮಹಿಳೆಯನ್ನೇ ಗುರಿ ಮಾಡಲಾಗುತ್ತದೆ ಎಂದು ಕಿಡಿ ಕಾರಿದ್ದಾರೆ. 

ತಮಿಳುನಾಡಿನಲ್ಲಿ ನಡೆಯುತ್ತಿರುವ ರಾಜಕೀಯ ಬೆಳವಣಿಗೆ ಬಗ್ಗೆ ಮಾತನಾಡಿರುವ ಕಂಗನಾ, ಒಂದು ಸಂಬಂಧದಲ್ಲಿ ಇಬ್ಬರೂ ಸಮಾನವಾಗಿ ಭಾಗಿಯಾಗಿರುತ್ತಾರೆ. ಆದರೆ, ಸಾರ್ವಜನಿಕವಾಗಿ ಹೆಣ್ಣಿನ ತೇಜೋವಧೆ ಮಾತ್ರ ಆಗುತ್ತದೆ ಎಂದು ಆಕ್ರೋಶ ಹೊರಹಾಕಿದ್ದಾರೆ. 

ಹಾಗಯೇ ಮಾತನಾಡುತ್ತಾ ಕಂಗನಾ, ನಾವು ಇತ್ತೀಚೆಗೆ ತಮಿಳುನಾಡಿನಲ್ಲೇ ನೋಡಿದ್ದೇವೆ. ಎರಡು ರಾಜಕೀಯ ಪಕ್ಷಗಳ ಕಿತ್ತಾಟದಿಂದ ಗೌರವಾನ್ವಿತ ನಟಿಯೊಬ್ಬಳನ್ನು ಇದರಲ್ಲಿ ಎಳೆದು ತಂದು ಆಕೆಯ ಬಗ್ಗೆ ಬಹಳ ಕೀಳು ಮಟ್ಟದ ಹೇಳಿಕೆಗಳನ್ನು ನೀಡಲಾಗುತ್ತಿದೆ. ರಾಜಕೀಯ ಜಿದ್ದಿಗಾಗಿ, ಆ ನಟಿಯ ಮಾನವನ್ನು ಕಳೆಯಲಾಗುತ್ತಿದೆ ಎಂದು ನಟಿ, ಪರೋಕ್ಷವಾಗಿ ತ್ರಿಷಾ ಬೆನ್ನಿಗೆ ನಿಂತಿದ್ದಾರೆ, (ಏಜನ್ಸೀಸ್​).