‘ನನ್ನವರಿಗಾಗಿ ಏನೂ ಮಾಡಲಾಗಲಿಲ್ಲ, ನಾಚಿಕೆಯಾಗುತ್ತಿದೆ’.. ಮಣಿಪುರ ಹಿಂಸಾಚಾರ ನೆನೆದು ಬಿಗ್‌ಬಾಸ್ ಮನೆಯಲ್ಲಿ ಕಣ್ಣೀರಿಟ್ಟ ಮೇರಿ ಕೋಮ್! Mary Kom

ಮುಂಬೈ: ಬಾಕ್ಸಿಂಗ್​ ರಿಂಗ್​ನಲ್ಲಿ ವಿರೋಧಿಗಳನ್ನು ನಾಕ್​​ಔಟ್​ ಮಾಡುವ ಮೂಲಕ ಆರು ಬಾರಿ ವಿಶ್ವ ಚಾಂಪಿಯನ್​ ಆಗಿರುವ ಮೇರಿ ಕೋಮ್​ (Mary Kom) ಈಗ ಬಿಗ್​ಬಾಸ್​ ಸೀಸನ್​ 20 ರ ಮನೆಯನ್ನು ಪ್ರವೇಶಿಸಿದ್ದಾರೆ. 

ಇಷ್ಟು ವರ್ಷ ಕ್ರೀಡೆಯಲ್ಲಿ ಸಾಧನೆ ಗೈದಿರುವ ಮೇರಿ ಈಗ ಬಿಗ್​ಬಾಸ್​ ಮನೆಯಲ್ಲಿ ಏನು ಮಾಡಲಿದ್ದಾರೆ? ಎಷ್ಟು ದಿನ ಇರಲಿದ್ದಾರೆ? ಎಂಬ ಪ್ರಶ್ನೆ ವೀಕ್ಷಕರಲ್ಲಿ ಕಾಡುತ್ತಿದೆ. ಮೊದಲ ದಿನ ಇನ್ನೊಬ್ಬ ಸ್ಪರ್ಧಿ ನಟ, ಮಾಡೆಲ್​ ಕನ್ನಿಕಾ ಮಾನ್​ ಜೊತೆ ಮಾತನಾಡುತ್ತಾ ಮೇರಿ ಮಣಿಪುರ ಹಿಂಸಾಚಾರದ ಕುರಿತು ಮಾತನಾಡಿರುವ ವಿಡಿಯೋ ಎಲ್ಲಡೆ ವೈರಲ್​ ಆಗುತ್ತಿದೆ.

ನಟಿ ಕನ್ನಿಕಾ ಜೊತೆ ಮಾತನಾಡುತ್ತಾ ಮೇರಿ, ನಾನು ದೇಶಕ್ಕಾಗಿ ಹಲವಾರು ಪದಕಗಳನ್ನು ಗೆದ್ದಿದ್ದೇನೆ, ಆರು ಸಲ ವಿಶ್ವ ಬಾಕ್ಸಿಂಗ್​ ಚಾಂಪಿಯನ್​ ಆಗಿ ಹೊರಹೊಮ್ಮಿದ್ದೇನೆ. ಆದರೆ ನನ್ನ ರಾಜ್ಯ ಮಣಿಪುರದಲ್ಲಿ ಹಿಂಸಾಚಾರ ನಡೆದಾಗ ನನಗೆ ಯಾವುದೇ ಸಹಾಯ ಮಾಡಲು ಸಾಧ್ಯವಾಗಲಿಲ್ಲ ಎಂದು ದುಃಖಿತರಾಗಿದ್ದಾರೆ.

ನನ್ನ ರಾಜ್ಯದಲ್ಲಿ ಇಷ್ಟೊಂದು ದೊಡ್ಡ ಮಟ್ಟದಲ್ಲಿ ಹಿಂಸಾಚಾರ ನಡೆಯುತ್ತಿದ್ದರೂ ನನ್ನಿಂದ ಏನೂ ಮಾಡಲು ಸಾಧ್ಯವಾಗಲಿಲ್ಲ. ದೇಶಕ್ಕಾಗಿ ಏನೇನೋ ಸಾಧನೆ ಮಾಡಿದವಳಿಗೆ ನನ್ನ ರಾಜ್ಯದ ಸಮಸ್ಯೆಗೆ ಸ್ಪಂದಿಸಲು ಆಗಲಿಲ್ಲ. ನಾನೇನು ಪ್ರಭಾವಿ ವ್ಯಕ್ತಿಯಲ್ಲ, ನನಗೆ ಬಹಳ ಅಸಾಯಕ ಮನೋಭಾವ ಕಾಡಿತು. ನನ್ನವರ ನೋವಿಗೆ ಪರಿಹಾರ ಹುಡಕಲು ನನ್ನಿಂದ ಆಗಲಿಲ್ಲ, ನನ್ನ ಮೇಲೆ ನನಗೆ ನಾಚಿಕೆಯಾಗುತ್ತಿದೆ ಎಂದು ಮೇರಿ ಕಣ್ಣೀರು ಸುರಿಸಿದ್ದಾರೆ. 

2023 ರ ಮೇ ತಿಂಗಳಲ್ಲಿ ಮಣಿಪುರದ ಮೈಥೇಯಿ ಹಾಗೂ ಕುಕಿ ಎಂಬ ಎರಡು ಬುಡಕಟ್ಟುಗಳ ನಡುವೆ  ಜನಾಂಗೀಯ ಹಿಂಸಾಚಾರ ಪ್ರಾರಂಭವಾಗಿತ್ತು. ಈ ಸಂದರ್ಭದಲ್ಲಿ ಉಭಯ ಸಮುದಾಯಗಳ ಮಹಿಳೆ ಮಕ್ಕಳ ಮೇಲೆ ಮೇಲೆ ಅತ್ಯಾಚಾರ, ಅನಾಚಾರ, ಕೊಲೆ ಸುಲಿಗೆ ನಡೆದಿದ್ದವು. 

ಈ ಜನಾಂಗೀಯ ಹಿಂಸಾಚಾರು ಸುಮಾರು ಎಡರು ವರ್ಷಗಳ ಅವಧಿಗೆ ನಡೆದಿದ್ದು, ಸೇನೆ, ಅರೆ ಮಿಲಿಟರಿ ಪಡೆಗಳ ಬಳಕೆಯನ್ನು ಕೂಡ ಮಾಡಲಾಗಿತ್ತು. ಅಂದಿನ ಸಮಯದಲ್ಲಿ ಇದು ರಾಷ್ಟ್ರ ಮಟ್ಟದ ಸುದ್ದಿಯಾಗಿ ಹೊರಹೊಮ್ಮಿತ್ತು, (ಏಜನ್ಸೀಸ್​).