MRP ಗಿಂತ ಹೆಚ್ಚಿನ ಬೆಲೆಗೆ ಬಿಯರ್ ಮಾರಾಟ: KSBC ಗೆ 25,000 ದಂಡ ವಿಧಿಸಿದ ಗ್ರಾಹಕ ನ್ಯಾಯಾಲಯ! MRP Beer Price Issue

ಕೇರಳ: ಮಾಕ್ಸಿಮಮ್​ ರಿಟೇಲ್​ ಪ್ರೈಸ್​ (MRP) ಕ್ಕಿಂತ ಹೆಚ್ಚಿನ ಬೆಲೆಗೆ ಬಿಯರ್​ (MRP Beer Price Issue) ಮಾರಿದ ಹಿನ್ನಲೆ 25,000 ರೂಪಾಯಿ ದಂಡ ವಿಧಿಸಿದ ಪ್ರಕರಣ ಕೇರಳದಲ್ಲಿ ವರದಿಯಾಗಿದೆ.

ಮಾಹಿತಿ ಪ್ರಕಾರ, ಕೇರಳದ ಪತ್ತನಂತಿಟ್ಟದಲ್ಲಿ KSBC ವ್ಯಾಪ್ತಿಯಲ್ಲಿ ಬರುವ ಮದ್ಯದಂಗಡಿಯಲ್ಲಿ, ವ್ಯಕ್ತಿಯೊಬ್ಬನಿಗೆ 650 ಎಂಎಲ್​​ ಬಿಯರ್​ ಬಾಟಲನ್ನು 170 ರೂಪಾಯಿ ಬದಲಿದೆ 180 ರೂಪಾಯಿಗೆ ಮಾರಾಟ ಮಾಡಲಾಗಿದೆ.

ಈ ಪ್ರಕರಣದ ವಿಚಾರಣೆ ನಡೆಸಿದ ಜಾರ್ಜ್ ಬೇಬಿ ಮತ್ತು ನಿಶಾದ್ ಥಂಕಪ್ಪನ್ ಅವರ ಪೀಠ, ಇದು ಎಂಆರ್​ಪಿ ನಿಯಮಗಳ ಸ್ಪಷ್ಟ ಉಲ್ಲಂಘನೆಯಾಗಿದೆ. ಭಾರತದಲ್ಲಿ ಯಾವುದೇ ವಸ್ತುಗಳನ್ನು ಅದರ ಎಂಆರ್​​ಪಿ ಬೆಲೆಗಿಂತ ಹೆಚ್ಚಿನ ಮೊತ್ತಕ್ಕೆ ಮಾರಾಟ ಮಾಡುವುದು ಶಿಕ್ಷಾರ್ಹ ಅಪರಾಧವಾಗಿದೆ ಎಂದಿದೆ.

ಯಾವುದೇ ವಸ್ತುಗಳ ಮೇಲೆ ಮುದ್ರಣವಾಗಿರುವ ಎಂಆರ್​ಪಿ ಬೆಲೆ ಮೇಲೆ ಹೆಚ್ಚುವರಿಯಾಗಿ ಒಂದು ರೂಪಾಯಿಗಳನ್ನು ಪಡೆಯುವಂತಿಲ್ಲ. ಇಲ್ಲಿ 170 ರೂಪಾಯಿ ಬದಲಿಗೆ 180 ರೂಪಾಯಿಗಳನ್ನು ಪಡೆದಿರುವುದು ಕಂಡುಬಂದಿದೆ. ಹೀಗಾಗಿ ಕೇರಳ ರಾಜ್ಯ ಪಾನೀಯ ನಿಗಮ (KSBC) ಅರ್ಜಿದಾರರಿಗೆ 25,000 ರೂಪಾಯಿಗಳನ್ನು ಪರಿಹಾರ ಮೊತ್ತವಾಗಿ ಪಾವತಿಸಬೇಕೆಂದು ಆದೇಶಿಸಿದೆ, (ಏಜನ್ಸೀಸ್​).