ಅವರು ತಾಳ್ಮೆ ಕಳೆದುಕೊಂಡು ನನಗೆ ಬೆರಳು ತೋರಿದರು..ಸಿಇಸಿ ಜ್ಞಾನೇಶ್ ಕುಮಾರ್​ ವಿರುದ್ಧ ಅಭಿಷೇಕ್ ಬ್ಯಾನರ್ಜಿ ಗಂಭೀರ ಆರೋಪ!| Abhishek Banerjee

ಚುನಾವಣಾ ಆಯೋಗದೊಂದಿಗಿನ ಪಕ್ಷದ ನಿಯೋಗದ ಸಭೆಯ ಬಳಿಕ ಮಾಧ್ಯಮಗಳೊಂದಿಗೆ ಮಾತನಾಡಿದ ಬ್ಯಾನರ್ಜಿ, ಚುನಾವಣಾ ಆಯುಕ್ತರು ತಮ್ಮ ಧ್ವನಿಯನ್ನು ಏರಿಸುವ ಮೂಲಕ, ಆಕ್ರಮಣಕಾರಿಯಾಗಿ ಮಾತನಾಡುವುದರಿಂದ ಎಲ್ಲರನ್ನೂ ಮೌನಗೊಳಿಸಬಹುದು ಎಂದುಕೊಂಡಿದ್ದಾರೆ. ನಾವು ಮಾತನಾಡುತ್ತಿದ್ದಂತೆ ಅವರು ಕೋಪಗೊಳ್ಳಲು ಪ್ರಾರಂಭಿಸಿದರು ಎಂದು ತಿಳಿಸಿದರು.

ಆಯುಕ್ತ ಜ್ಞಾನೇಶ್ ಕುಮಾರ್ ನಾನು ಮಾಧ್ಯಮಗಳಿಗೆ ಹೇಳುತ್ತಿರುವುದನ್ನು ಈಗ ಕೇಳುತ್ತಿರಬೇಕು. ಅವರಿಗೆ ಧೈರ್ಯವಿದ್ದರೆ ಮಾಧ್ಯಮಗಳನ್ನು ಎದುರಿಸಿ, ನಾನು ಹೇಳುತ್ತಿರುವ ಪ್ರತಿಯೊಂದು ಅಂಶವನ್ನು ಖಂಡಿಸಬೇಕು. ಇದಕ್ಕೆ ಅವರನ್ನು ತಡೆಯುತ್ತಿರುವುದು ಯಾರು..? ಬಂಗಾಳದ ಜನರು ತಮ್ಮ ಅಧೀನರು ಎಂದು ಅವರು ಭಾವಿಸಿದ್ದಾರೆಯೇ? ಎಂದು ಪ್ರಶ್ನಿಸಿದರು.

ಕಠಿಣ ಕ್ರಮದ ಎಚ್ಚರಿಕೆ ನೀಡಿರುವ ಚುನಾವಣಾ ಆಯೋಗ, ಚುನಾವಣಾ ಪ್ರಕ್ರಿಯೆಯಲ್ಲಿ ಹಸ್ತಕ್ಷೇಪ ಮಾಡುವ ಅಥವಾ ಕಾನೂನನ್ನು ಕೈಗೆತ್ತಿಕೊಳ್ಳುವ ಯಾವುದೇ ಪ್ರಯತ್ನವು ಬಲವಾದ ದಂಡನಾತ್ಮಕ ಕ್ರಮಗಳನ್ನು ಆಹ್ವಾನಿಸಿದಂತೆ ಎಂದು ಹೇಳಿದೆ(ಏಜನ್ಸೀಸ್).