ಪರೀಕ್ಷಾ ಅಕ್ರಮಕ್ಕೆ ಕೇಂದ್ರದ ಕೌಂಟರ್​: ಲೋಕಸಭೆಯಲ್ಲಿ 'ಸಾರ್ವಜನಿಕ ಪರೀಕ್ಷಾ ತಿದ್ದುಪಡಿ ಮಸೂದೆ- 2026' ಅಂಗೀಕಾರ; ಕಠಿಣ ಶಿಕ್ಷೆಗೆ ಮುಂದಾದ ಸರ್ಕಾರ! Anti-Paper Leak Bill Passed

ನವದೆಹಲಿ: ದೇಶದಲ್ಲಿ ನಡೆಯುತ್ತಿರುವ ಪರೀಕ್ಷಾ ಅಕ್ರಮಗಳನ್ನು ವಿರೋಧಿಸಿ ಕೆಲ ದಿನಗಳ ಹಿಂದೆ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ವಿದ್ಯಾರ್ಥಿಗಳು ಪ್ರತಿಭಟನೆಯನ್ನು ನಡೆಸಿದ್ದರು. ಈ ಹೋರಾಟದ ಕಾವನ್ನರಿತ ಕೇಂದ್ರ ಸರ್ಕಾರ ಪರೀಕ್ಷೆಗಳಲ್ಲಿ ನಡೆಯುವ ಅಕ್ರಮಗಳಿಗೆ ಬ್ರೇಕ್​ ಹಾಕಲು ಮಸೂದೆಯೊಂದನ್ನು ಜಾರಿ ತರುವುದಾಗಿ ಭರವಸೆ ನೀಡಿತ್ತು.

ಅದರಂತೆ ಇಂದು (ಬುಧವಾರ, ಜು.29) ನಡೆದ ಮಳೆಗಾಲದ ಅಧಿವೇಶದಲ್ಲಿ ಸಾರ್ವಜನಿಕ ಪರೀಕ್ಷಾ ತಿದ್ದುಪಡಿ ಮಸೂದೆ- 2026 (Anti-Paper Leak Bill Passed) ನ್ನು ಧ್ವನಿಮತದ ಮೂಲಕ ಅಂಗೀಕರಿಸಲಾಗಿದೆ. ಬಿಲ್​ ಅಂಗೀಕಾರವಾಗುತ್ತಿದ್ದಂತೆ ಸದನವನ್ನು ಮುಂದೂಡಲಾಗಿದ್ದು, ನಾಳೆ (ಗುರುವಾರ, ಜು.30) ಬೆಳಿಗ್ಗೆ 11 ಗಂಟೆಗೆ ಅಧಿವೇಶನ ಮುಂದುವರಿಯಲಿದೆ.

ದೇಶದಲ್ಲಿ ನಡೆಯುವ ಹಲವಾರು ಪರೀಕ್ಷೆಗಳಲ್ಲಿ ಅಕ್ರಮ ನಡೆಯುತ್ತಿರುವ ಹಿನ್ನಲೆಯಲ್ಲಿ ಕೇಂದ್ರ ಸರ್ಕಾರ ಈ ಮಸೂದೆಯನ್ನು ಅಧಿವೇಶನದ ಮುಂದೆ ಪ್ರಸ್ತಾಪಿಸಿ, ಅಂಗೀಕಾರವನ್ನು ಪಡೆದುಕೊಂಡಿದೆ. ಈ ಮಸೂದೆಯಲ್ಲಿ ಶಿಕ್ಷೆಯ ಪ್ರಮಾಣವನ್ನು ಕಠಿಣಗೊಳಿಸುವ ಮೂಲಕ ಅಕ್ರಮ ತಡೆಗೆ ಸರ್ಕಾರ ಮುಂದಾಗಿದೆ.

ಅಂತಯೇ ಹಾಗೂ ಈ ಪರೀಕ್ಷಾ ಅಕ್ರಮ ಪ್ರಕರಣಗಳ ವಿಚಾರಣೆಗೆ ಫಾಸ್ಟ್​ ಟ್ರ್ಯಾಕ್​ ನ್ಯಾಯಾಲಯಗಳನ್ನು ಸ್ಥಾಪಿಸಿ ಮೂರು ತಿಂಗಳ ಒಳಗಾಗಿ ಪ್ರಕರಣ ವಿಲೇವಾರಿಯಾಗಬೇಕು. ಮೂರು ತಿಂಗಳ ಮಿತಿಯಲ್ಲಿ ತನಿಖೆ ನಡೆದು ಚಾರ್ಜ್​ಶೀಟ್​​ ಸಲ್ಲಿಸಿಕೆ ಆಗಬೇಕೆಂದು, ಕೇಂದ್ರ ತನಿಖಾ ಸಂಸ್ಥೆಗಳು ಇದರ ಮೇಲ್ವಿಚಾರಣೆ ಮಾಡಲಿದೆ ಎಂದು ನಮೂದಿಸಲಾಗಿದೆ.

ಈದೀಗ ಈ ಮಸೂದೆ ಲೋಕಸಭೆಯಲ್ಲಿ ಅಂಗೀಕಾರವಾಗಿದ್ದು, ನಂತರದ ದಿನಗಳಲ್ಲಿ ರಾಜ್ಯಸಭೆ ಆಮೇಲೆ ರಾಷ್ಟ್ರಪತಿಗಳ ಅಂಕಿತ ದೊರೆತ ಮೇಲೆ ಕಾಯಿದೆಯಾಗಿ ಮಾರ್ಪಡಲಿದೆ.

ಇತ್ತ ಆಡಳಿತ ಪಕ್ಷದವರು ಮಸೂದೆ ಮಂಡನೆ ಮಾಡುವ ಸಂದರ್ಭದಲ್ಲಿ ವಿರೋಧ ಪಕ್ಷಗಳಾದ ಕಾಂಗ್ರೆಸ್​, ಸಮಾಜವಾದಿ ಪಾರ್ಟಿ ಹಾಗೂ I.N.D.I.A ಮೈತ್ರಿಕೂಟದ ಪಕ್ಷಗಳು ಅಧಿವೇಶನದಲ್ಲಿ ಗದ್ದಲದ ವಾತಾವರಣವನ್ನು ಉಂಟುಮಾಡಿದ ಹಿನ್ನಲೆಯಲ್ಲಿ ಧ್ವನಿಮತದ ಆಧಾರದಲ್ಲಿ ಮಸೂದೆ ಅಂಗೀಕಾರವಾಗಿದೆ, (ಏಜನ್ಸೀಸ್​).