ಐಪಿಎಲ್​ನಲ್ಲಿ ವೇಪಿಂಗ್​ ಇದೇ ಮೊದಲಲ್ಲ! ಪರಾಗ್​ ವಿಡಿಯೋ ವೈರಲ್; ಇ-ಸಿಗರೇಟ್​ ಸೇದಿದ್ದ ಆರ್​ಸಿಬಿ ಆಟಗಾರರು ಯಾರು ಗೊತ್ತೆ? Riyan Parag

ಐಪಿಎಲ್​: ಭಾರತದಲ್ಲಿ ಐಪಿಎಲ್​ ಎಂದರೆ ಅದು ಕ್ರಿಕೆಟ್​ನ ಹಬ್ಬವಿದ್ದಂತೆ ಇಲ್ಲಿ, ಕೇವಲ ಸಿಕ್ಸ್​, ಫೋರ್​ ಮತ್ತು ವಿಕೆಟ್​ಗಳ ಸದ್ದು ಸ್ವಲ್ಪ ಜಾಸ್ತಿಯೇ ಇರುತ್ತದೆ. ಆದರೆ ಮೊನ್ನೆಯಿಂದ ಮೈದಾನದಿಂದ ಬರೀ 'ಹೊಗೆ' ಬಗ್ಗೆಯೇ ಹೆಚ್ಚಿನ ಸುದ್ದಿ ಬರುತ್ತಿದೆ.

ಮೊನ್ನೆ (ಏ.28) ಪಂಜಾಬ್​ನ ಪಿಸಿಎ ಕ್ರೀಡಾಂಗಣದಲ್ಲಿ ನಡೆದ ಪಂಜಾಬ್​ ಕಿಂಗ್ಸ್​ ವರ್ಸ್​ರ್ಸ್​ ರಾಜಸ್ಥಾನ್​ ರಾಯಲ್ಸ್​ ತಂಡದ ನಡುವಿನ ಪಂದ್ಯದಲ್ಲಿ ರಾಜಸ್ಥಾನ್​ ತಂಡದ ನಾಯಕ ರಿಯಾನ್​ ಪರಾಗ್​ (Riyan Parag) ಡ್ರೆಸಿಂಗ್​ ರೂಮ್​ನಲ್ಲಿ ನಿಷೇದಿತ ಇ-ಸಿಗರೇಟ್​ (ವೇಪ್​) ನ್ನು ಸೇದುತ್ತಿರುವ ವಿಡಿಯೋ ಸೋಷಿಯಲ್​ ಮೀಡಿಯಾನಲ್ಲಿ ಸಾಕಷ್ಟು ವಿವಾದಕ್ಕೆ ಕಾರಣವಾಗಿದೆ.

ಈ ವಿಡಿಯೋ ಎಲ್ಲಡೆ ವೈರಲ್​ ಆಗುತ್ತಿದ್ದಂತೆ ಎಚ್ಚೆತ್ತ ಬಿಸಿಸಿಐ, ನಮ್ಮ ಗಮನಕ್ಕೆ ಈ ವಿಚಾರ ಬಂದಿದ್ದು, ನಾವು ರಿಯಾನ್​ ಪರಾಗ್​ಗೆ ಇದರ ಕುರಿತು ಮಾಹಿತಿ ನೀಡುವಂತೆ ಹೇಳಿದ್ದೆವೆ. ಅವರು ಮಾಡಿದ್ದೇನಾದರೂ ನಿಯಮಬಾಹಿರವಾಗಿದ್ದರೆ, ಖಂಡಿತವಾಗಿ ಕಠಿಣ ಕ್ರಮ ಕೈಗೊಳ್ಳುವುದಾಗಿ ತಿಳಿಸಿದೆ.

ಭಾರತ ಸರ್ಕಾರವು 2019 ರಲ್ಲಿ ಇ- ಸಿಗರೇಟಿನ ಸೇವನೆಯನ್ನು ನಿಷೇಧಿಸಿದೆ. ಐಪಿಎಲ್​ನಲ್ಲಿ ಆಟಗಾರರು ಈ ವೇಪಿಂಗ್​ನಲ್ಲಿ ತೊಡಗಿರುವುದು ಇದೇ ಮೊದಲಲ್ಲ.

ಭಾರತ ಸರ್ಕಾರವು 2019ರಲ್ಲಿ ಎಲೆಕ್ಟ್ರಾನಿಕ್ ಸಿಗರೇಟ್ ನಿಷೇಧ ಕಾಯ್ದೆ (PECA - Prohibition of Electronic Cigarettes Act) ಅಡಿಯಲ್ಲಿ ಇ-ಸಿಗರೇಟ್ ಮತ್ತು ವೇಪ್‌ಗಳನ್ನು ಸಂಪೂರ್ಣವಾಗಿ ನಿಷೇಧಿಸಿದೆ.

ಈ ಕಾಯ್ದೆಯ ಪ್ರಕಾರ, ಇ-ಸಿಗರೇಟ್ ಮತ್ತು ವೇಪ್‌ಗಳ ಉತ್ಪಾದನೆ ಮತ್ತು ತಯಾರಿಕೆ, ಆಮದು ಮತ್ತು ರಫ್ತು, ಸಂಗ್ರಹಣೆ ಮತ್ತು ಮಾರಾಟ ಅಂತೆಯೇ ಯಾವುದೇ ರೀತಿಯ ಜಾಹೀರಾತನ್ನು ಮಾಡುವಂತಿಲ್ಲ ಎಂಬ ನಿಯಮವಿದೆ.

ಮೊದಲ ಬಾರಿಗೆ ಈ ನಿಯಮಗಳನ್ನು ಮೀರಿದರೆ 1 ವರ್ಷದವರೆಗೆ ಜೈಲು ಶಿಕ್ಷೆ ಅಥವಾ 1 ಲಕ್ಷ ರೂಪಾಯಿವರೆಗೆ ದಂಡ, ಎರಡಕ್ಕಿಂತ ಹೆಚ್ಚು ಬಾರಿ ಉಲ್ಲಂಘಿಸಿದರೆ 3 ವರ್ಷದವರೆಗೆ ಜೈಲು ಶಿಕ್ಷೆ ಮತ್ತು 5 ಲಕ್ಷ ರೂಪಾಯಿವರೆಗೆ ದಂಡ ವಿಧಿಸಲಾಗುತ್ತದೆ. ಹಾಗೆಯೇ ಇ-ಸಿಗರೇಟ್ ಮತ್ತು ವೇಪ್‌ಗಳ ಸಂಗ್ರಹಣೆಯನ್ನು ಮಾಡಿದಲ್ಲಿ, 6 ತಿಂಗಳವರೆಗೆ ಜೈಲು ಶಿಕ್ಷೆ ಅಥವಾ 50,000 ರೂಪಾಯಿ ದಂಡ ವಿಧಿಸಲು ಕಾನೂನಿನಲ್ಲಿ ಅವಕಾಶವಿದೆ, (ಏಜನ್ಸೀಸ್​).