ಅಮೆರಿಕದಲ್ಲಿ ‘ಚಕ್ರ’ ಕಳ್ಳತನ! ಭಾರತ ಮೂಲದ ಕುಟುಂಬದ ಕಾರಿನ ನಾಲ್ಕೂ ಗಾಲಿ ಎಗರಿಸಿದ ಖದೀಮರು; ವಿಡಿಯೋ ವೈರಲ್​! Wheel Theft in America

ವಾಷಿಂಗ್ಟನ್​: ಒಂದು ನಾಲ್ಕು ಕಾಸು ಹೆಚ್ಚಿಗೆ ಸಂಪಾದಿಸಲು ಅಥವಾ ಜೀವನ ಮಟ್ಟವನ್ನು ಸುಧಾರಿಸಿಕೊಳ್ಳುವ ಸಲುವಾಗಿ ಅನೇಕ ಭಾರತೀಯರು ದೂರದ ಅಮೆರಿಕದಲ್ಲಿ ನೆಲೆಸಿದ್ದಾರೆ. ಭಾರತದಕ್ಕೆ ಹೋಲಿಸಿದರೆ ವಿದೇಶದಲ್ಲಿರುವ ಜನರು ಸಭ್ಯರು, ಸುಶಿಕ್ಷಿತರು, ನಾಗರಿಕ ಪ್ರಜ್ಞೆ ಉಳ್ಳವರು ಎಂದೆಲ್ಲಾ, ಹೊಗಳಿ ಅಟ್ಟಕ್ಕೇರಿಸಲಾಗುತ್ತದೆ.

ಆದರೆ, ಇತ್ತೀಚೆಗೆ ಅಮೆರಿಕದಲ್ಲಿ ನೆಲೆಸಿರುವ ಭಾರತ ಮೂಲದ ಕುಟುಂಬದೊಂದಿಗೆ ನಡೆದಿರುವ ಘಟನೆ, ಈ ಕಳ್ಳತನ (Wheel Theft in America) ಎನ್ನುವುದು ಕೇವಲ ಮೂರನೇ ದರ್ಜೆ ದೇಶಗಳಿಗೆ ಮಾತ್ರವನ್ನು, ತನ್ನನ್ನು ತಾನೇ ಮುಂದುವರಿದ ದೇಶ ಎನ್ನಿಸಿಕೊಳ್ಳುವವರನ್ನು ಬಿಟ್ಟಿಲ್ಲ ಎಂದು ಸಾಬೀತಾಗಿದೆ.

ಕೆಲ ದಿನಗಳ ಹಿಂದೆ ಎಕ್ಸ್​ ನಲ್ಲಿ ಭಾರತ ಮೂಲದ ಯುವತಿಯ ಅಣ್ಣನ ಕಾರಿನ ನಾಲ್ಕು ಚಕ್ರಗಳನ್ನು ಕಳ್ಳತನ ಮಾಡಲಾಗಿದೆ ಎಂದು ಆಕೆ ವಿಡಿಯೋ ಮೂಲಕ ಮಾಹಿತಿ ಹಂಚಿಕೊಂಡಿದ್ದಾಳೆ. ಅಷ್ಟೇ ಅಲ್ಲದೇ, ಕಳ್ಳತನ ಮಾಡಿರುವ ಕಳ್ಳರು, ಈ ವಾರ ಕ್ರಿಸ್ಟಲ್​ ಹೌಸ್​ ಪ್ರೊಪರ್ಟಿಯಲ್ಲಿ ಮೂರು ಕಾರುಗಳನ್ನು ಧ್ವಂಸ ಮಾಡಿದ್ದಾಗಿ ಬರೆದಿದ್ದಾರೆ. ಹಾಗೆಯೇ ಆ ಮೂರು ಕಾರುಗಳ ಚಕ್ರಗಳನ್ನು ಕಳ್ಳತನ ಮಾಡಿದ್ದಾಗಿ ಹೇಳಿಕೊಂಡಿದ್ದಾರೆ.

ಈ ಘಟನೆಯಿಂದ, ಮಹಿಳೆ ಕ್ರಿಸ್ಟಲ್​ ಹೌಸ್​ ಪ್ರೊಪರ್ಟಿ ಮ್ಯಾನೇಜ್​ಮೆಂಟ್​ ವಿರುದ್ಧ ಕಿಡಿಕಾರಿದ್ದು, ಈ ರೀತಿಯ ಗಂಭೀರ ಅಪರಾಧ ಪ್ರಕರಣಗಳು ನಡೆಯುತ್ತಿದ್ದರೂ ಏಕೆ ಇನ್ನು ಯಾವುದೇ ಕ್ರಮ ಕೈಗೊಂಡಿಲ್ಲ? ಎಂದು ಪ್ರಶ್ನಿಸಿದ್ದಾಳೆ.

ಭಾರತ ಮೂಲದ ಯುವತಿ ಈ ಘಟನೆ ವಿಡಿಯೋ ಮಾಡುತ್ತಿದ್ದಂತೆ ಸೋಷಿಯಲ್​ ಮೀಡಿಯಾನಲ್ಲಿ ಈ ವಿಡಿಯೋ ವೈರಲ್​ ಆಗಿದೆ. ಆದರೆ, ಅಮೆರಿಕದ ಆರ್ಲಿಂಗ್ಟನ್, ವರ್ಜಿನೀಯಾ ಸೇರಿದಂತೆ ದೇಶದ ತುಂಬೆಲ್ಲಾ ಕ್ರಿಸ್ಟಲ್​ ಗೌಸ್​ ಅವರ ಕಟ್ಟಡಗಳಿರುವುದರಿಂದ, ಈ ಘಟನೆ ನಿಖರವಾಗಿ ಎಲ್ಲಿ ನಡೆದಿದೆ? ಎಂದು ಇಲ್ಲಿವರೆಗೆ ತಿಳಿದು ಬಂದಿಲ್ಲ. ಹಾಗೆಯೇ, ಈ ವೈರಲ್​ ಸೋಷಿಯಲ್ ಮೀಡಿಯಾ ಪೋಸ್ಟ್​ ಹೊರತಾಗಿ, ಯಾವುದೇ ಸ್ಥಳೀಯ ಮಾಧ್ಯಮ ವರದಿ ಹಾಗೂ ಪೊಲೀಸರಲ್ಲಿ ದೂರನ್ನು ದಾಖಲಿಸಿದ ಬಗ್ಗೆ ಮಾಹಿತಿ ಲಭ್ಯವಾಗಿಲ್ಲ.

ಈ ವಿಡಿಯೋ ಎಕ್ಸ್​ ಹಾಗೂ ಇನ್​ಸ್ಟಾಗ್ರಾಮ್​ನಲ್ಲಿ ಸಾಕಷ್ಟು ವೀಕ್ಷಣೆಯನ್ನು ಪಡೆದುಕೊಳ್ಳುತ್ತಿದ್ದು, ನೆಟ್ಟಗರು ನಾಗರಿಕರ ಭದ್ರತೆ ಬಗ್ಗೆ ಕಳವಳ ವ್ಯಕ್ತಪಡಿಸುತ್ತಿದ್ದಾರೆ. ಅಮೆರಿಕದಂತಹ ಮುಂದುವರಿದ ದೇಶದಲ್ಲಿ ಕೂಡ ಕಳ್ಳತನ, ಅದರಲ್ಲೂ ನಾಲ್ಕಕ್ಕೆ ನಾಲ್ಕು ಗಾಲಿಗಳನ್ನು ಕದಿಯುವ ಮಟ್ಟಿಗೆ ಎಂದು ಒಬ್ಬ ಬಳಕೆದಾರ ದಿಗ್ಭ್ರಾಂತರಾಗಿದ್ದಾರೆ.

ಮನೆ/ಅಪಾರ್ಟ್​ಮೆಂಟ್​ ಎದುರಿಗೆ ನಿಲ್ಲಿಸಿದ ವಾಹನಗಳಿಗೆ ಭದ್ರತೆ ನೀಡುವುದು ಹೌಸಿಂಗ್​ ಸೊಸೈಟಿ ಕರ್ತವ್ಯವಾಗಿದೆ ಎಂದು ಇನ್ನೊಬ್ಬರು ತಿಳಿಸಿದ್ದಾರೆ. ವಿದೇಶದಲ್ಲಿ ಇಷ್ಟೊಂದು ಕಿರಿಕಿರಿ ಅನುಭವಿಸುವ ಬದಲು, ದೇಶದಲ್ಲೇ ಒಂದೊತ್ತು ಊಟ ಮಾಡಿ ಮಲಗಿದರು ನೆಮ್ಮದಿ ಇರುತ್ತಿತ್ತೆಂದು ಮತ್ತೊಬ್ಬರು ಮಾರ್ಮಿಕವಾಗಿ ನುಡಿದಿದ್ದಾರೆ, (ಏಜನ್ಸೀಸ್​).