ಮಧ್ಯಪ್ರಾಚ್ಯದಲ್ಲಿ ಮತ್ತೆ ಯುದ್ಧ ಕಾರ್ಮೋಡ: ಒಪ್ಪಂದ ಮುರಿದ ದೊಡ್ಡಣ್ಣ; ಕುವೈತ್, ಬಹ್ರೇನ್‌ನಲ್ಲಿದ್ದ ಅಮೆರಿಕ ಸೇನಾನೆಲೆಗಳ ಮೇಲೆ ಇರಾನ್ ಮಿಸೈಲ್ ಅಟ್ಯಾಕ್! Iran Attack on US Military Base

ತೆಹ್ರಾನ್​: ಸತತ ನಾಲ್ಕು ತಿಂಗಳುಗಳ ನಂತರ ಮಧ್ಯಪ್ರಾಚ್ಯದಲ್ಲಿ ಶಾಂತಿ ನೆಲೆಸಿದೆ ಎಂದು ನಿಟ್ಟುನಿರು ಬೀಡುವ ಮುನ್ನವೇ ಮತ್ತೆ ಮಿಸೈಲ್​ ದಾಳಿಗಳು ಪ್ರಾರಂಭವಾಗಿದೆ ಎಂದು ವರದಿಯಾಗಿದೆ.

ಮಾಹಿತಿ ಪ್ರಕಾರ, ಬುಧವಾರ (ಜು.8) ಕುವೈತ್​​ ಮತ್ತು ಬಹ್ರೆನ್​ನಲ್ಲಿರುವ ಅಮೆರಿಕದ ಸೇನಾ ನೆಲೆಗಳ (Iran Attack on US Military Base) ಮೇಲೆ ಇರಾನ್​ನ ಮಿಲಿಟರಿ ಪಡೆ ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್ (IRGC) ಮಿಸೈಲ್​ ದಾಳಿ ನಡೆಸಿದೆ ಎಂದು ತಿಳಿದು ಬಂದಿದೆ.

ಐಜಿಆರ್​ಸಿ ಹಂಚಿಕೊಂಡಿರುವ ಮಾಹಿತಿ ಪ್ರಕಾರ, ಬಹ್ರೇನ್‌ನ ಐದನೇ ನೌಕಾ ಜಿಲ್ಲೆಗೆ ನೆಲೆಯಾಗಿರುವ ಬಂದರ್ ಸಲ್ಮಾನ್ ಮತ್ತು ಕುವೈತ್‌ನಲ್ಲಿರುವ ಅಲಿ ಅಲ್ ಸೇಲಂ ವಾಯುನೆಲೆ ಮೇಲೆ ದಾಳಿ ನಡೆಸಲಾಗಿದ್ದು, ಇದನ್ನು ತಡೆಯಲು ಬಂದ ಅಮೆರಿಕದ ಎಮ್​​.ಕ್ಯೂ 9 ಎಂಬ ಡ್ರೋನ್​ನನ್ನು ಹೊಡೆದುರಳಿಸಿರುವುದಾಗಿ ಹೇಳಿಕೊಂಡಿದೆ.

ಕುವೈತ್​ ಹಾಗೂ ಬಹ್ರೆನ್​ ಮೇಲೆ ಇರಾನ್​ ದಾಳಿ ನಡೆಸುವ ಹಿಂದಿನ ದಿನ ಅಮೆರಿಕ ಹೊರ್ಮುಜ್​ ಜಲಸಂಧಿಯಲ್ಲಿ ಸಂಚರಿಸುತ್ತಿದ್ದ ಮೂರು ವಾಣಿಜ್ಯ ಹಡುಗಗಳ ಮೇಲೆ ದಾಳಿ ನಡೆಸಿತ್ತು ಎನ್ನುವುದು ಇರಾನ್​ ಮಾಡಿದ ಆರೋಪವಾಗಿದೆ.

ಅಮೆರಿಕ ಒಂದು ಕಡೆ ಇರಾನ್​ ಜೊತೆ ಮಾತುಕತೆ ನಡೆಸುತ್ತಿದ್ದರೆ, ಇನ್ನೊಂದು ಕಡೆಯಿಂದ ದಾಳಿಯನ್ನು ಮುಂದುವರಿಸಿದೆ. ಮೊನ್ನೆ ಇರಾನ್​ ಪಡೆಗಳನ್ನು ಗುರಿಯಾಗಿಸಿಕೊಂಡು ಅಮೆರಿಕ ದಾಳಿ ಮಾಡಿದೆ ಎಂದು ಅಲ್ಲಿಯ ಮಾಧ್ಯಮಗಳು ವರದಿ ಮಾಡಿದ್ದವು.

ಈ ದಾಳಿಗೆ ಪ್ರತೀಕಾರವೆಂಬಂತೆ ಇರಾನ್​, ಕುವೈತ್​ ಹಾಗೂ ಬಹ್ರೆನ್​ನಲ್ಲಿರುವ ಅಮೆರಿಕದ ಸೇನಾ ನೆಲೆಗಳ ಮೇಲೆ ದಾಳಿ ನಡೆಸಿದೆ ಎಂದು ಜಾಗತಿಕ ರಾಜಕೀಯ ತಜ್ಞರ ಅಭಿಪ್ರಾಯವಾಗಿದೆ. ಕೆಲ ದಿನಗಳಿಂದ ಇರಾನ್​ನ ಮಾಜಿ ಸುಪ್ರೀಂ ಲೀಡರ್​ ಆಯತೊಲ್ಲಾ ಅಲಿ ಖಮೇನಿ ಅವರ ಅಂತ್ಯಕ್ರಿಯೆ ನಡೆಯುತ್ತಿತ್ತು. ಈಗ ಇದು ಮುಗಿದ ನಂತರ ಮತ್ತೆ ಯುದ್ಧದ ಕಾರ್ಮೋಡ ಕವಿದಂತಾಗಿದೆ, (ಏಜನ್ಸೀಸ್​).