ಎಲ್ಲಾ ಬಾಲ್​​ಗೆ ಬೌಂಡರಿ ಬೇಡ: ನನ್ನ ಮಗ ಕೂಡ ಇದೇ ತಪ್ಪು ಮಾಡ್ತಿದ್ದ; ವೈಭವ್​ ಸೂರ್ಯವಂಶಿಗೆ ಯೋಗರಾಜ್​ ಸಿಂಗ್​ ಕಿವಿಮಾತು! Yograj Singh on Vaibhav Suryavanshi

ಕ್ರಿಕೆಟ್​: ಈ ವರ್ಷದ ಐಪಿಎಲ್​ನಲ್ಲಿ ಮಿಂಚಿ ಕ್ರಿಕೆಟ್​ ಅಭಿಮಾನಿಗಳ, ಹಾಗೂ ಆಯ್ಕೆಗಾರರ ಗಮನ ಸೆಳೆದ ಬ್ಯಾಟ್ಸ್​ಮನ್​ ಎಂದರೆ ಅದು ವಂಡರ್​ ಕಿಡ್​ ಖ್ಯಾತಿಯ ವೈಭವ್​ ಸೂರ್ಯವಂಶಿ.

ಆದರೆ ಐಪಿಎಲ್​ ಬಳಿಕ ಟೀ ಇಂಡಿಯಾದ ಟಿ-20 ತಂಡಕ್ಕೆ ಸೇರ್ಪಡೆಯಾದ ವೈಭವ್​, ಐಪಿಎಲ್​ನಲ್ಲಿ ಮಿಂಚಿದಂತೆ ಮಿಂಚಲು ಸಾಧ್ಯವಾಗುತ್ತಿಲ್ಲ. ಜಿಂಬಾಬ್ವೆ ನಡುವಿನ ಸರಣಿಯಲ್ಲಿ ಎರಡು ಅರ್ಧ ಶತಕ ಬಾರಿಸಿದ್ದು ಬಿಟ್ಟರೆ, ಇಂಗ್ಲೆಂಡ್​ ಹಾಗೂ ಐರ್ಲೆಂಡ್​ ಟೂರ್ನಿಯಲ್ಲಿ ಸತತ ವಿಫಲತೆಯನ್ನೇ ಅನುಭವಿಸಿದ್ದಾನೆ.

ವೈಭವ್​ನ ಈ ಕಳಪೆ ಪ್ರದರ್ಶನದ ಬಗ್ಗೆ ಮಾತನಾಡಿರುವ, ಮಾಜಿ ಆಟಗಾರ ಯೋಗರಾಜ್​ ಸಿಂಗ್(Yograj Singh on Vaibhav Suryavanshi)​, ವೈಭವ್​ ಸೂರ್ಯವಂಶಿಗೆ ಕೆಲವೊಂದಿಷ್ಟು ಸಲಹೆಗಳನ್ನು ನೀಡಿದ್ದಾರೆ.

ವೈಭವ್​ ಸೂರ್ಯವಂಶಿಯ ಇತ್ತೀಚಿನ ಬ್ಯಾಟಿಂಗ್​ ಬಗ್ಗೆ ಮಾತನಾಡಿರುವ ಯೋಗರಾಜ್​ ಸಿಂಗ್​, ವೈಭವ್​ಗೆ ಕೇವಲ 15 ವರ್ಷ ಅಷ್ಟೇ. ಆದರೆ ಇತನ ಆಟ ನೈಸರ್ಗಿವಾಗಿದೆ, ಆದರೆ ತಂತ್ರಾತ್ಮಕವಾಗಿ ಆಟವಾಡಲು ಇನ್ನು ಅನುಭವ ಬೇಕು. ಹೀಗಾಗಿ ವೈಭವ್​ ಯುವರಾಜ್​ ಸಿಂಗ್​ ಜೊತೆ ತರಬೇತಿ ಪಡೆದುಕೊಂಡರೆ ತನ್ನ ಆಟವನ್ನು ಸುಧಾರಿಸಿಕೊಳ್ಳಬಹುದು ಎಂದು ಹೇಳಿದ್ದಾರೆ.

ಅದೇ ರೀತಿ ಈ ಬಗ್ಗೆ ಬಿಸಿಸಿಐ ಕೂಡ ಗಮನ ಕೊಡಬೇಕು. ಹೇಗೆ ಮನೆಯಲ್ಲಿ ಅಪ್ಪ-ಅಮ್ಮ 15 ವರ್ಷದ ಮಗನಿಗೆ ಉತ್ತಮ ಶಿಕ್ಷಣ ನೀಡಿ ಅವನ ಲಾಲನೆ-ಪಾಲನೆ ಮಾಡುತ್ತಾರೋ. ಅದೇ ರೀತಿಯಲ್ಲಿ ಬಿಸಿಸಿಐ ಕೂಡ, 15 ವರ್ಷದ ವೈಭವ್​ ಸೂರ್ಯವಂಶಿಯನ್ನು ದೇಶದ ಕ್ರಿಕೆಟ್​ನ ಆಸ್ತಿ ಎಂಬಂತೆ ಭಾವಿಸಿ ತರಬೇತಿ ನೀಡಬೇಕೆಂದು ಯೋಗರಾಜ್​ ಸಿಂಗ್​ ಹೇಳಿದ್ದಾರೆ.

ನಾನು ನೋಡಿದ ಪ್ರಕಾರ, ವೈಭವ್​ ಶಾರ್ಟ್​ ಪಿಚ್​ ಬೌಲ್​​ಗಳನ್ನು ಎದುರಿಸುವಲ್ಲಿ ವಿಫಲನಾಗುತ್ತಿದ್ದಾನೆ. ಯುವರಾಜ್​ ಕೂಡ ಇದೇ ಬೌಲ್​ಗಳಿಗೆ ಔಟ್​ ಆಗುತ್ತಿದ್ದ. ಆಗ ಯುವರಾಜ್​ ಸಿಮೆಂಟ್​ ಪಿಚ್​ನಲ್ಲಿ ಪ್ಲಾಸ್ಟಿಕ್​ ಚೆಂಡುಗಳಿಂದ ಆಟವಾಡುತ್ತಿದ್ದ. ಹಾಗೂ ಬೌಲಿಂಗ್​ ಮಷಿನ್​ಅನ್ನು 160 ಕೀ/ಗಂ ಇಟ್ಟುಕೊಂಡು ಶಾರ್ಟ್​ ಪಿಚ್​ ಬೌಲ್​ಗಳನ್ನು ಎದುರಿಸುತ್ತಿದ್ದ.

ಈ ರೀತಿಯ ಕಠಿಣ ತರಬೇತಿಯ ನಂತರ ಕೀನ್ಯಾದಲ್ಲಿ ನಡೆದಿದ್ದ ಚಾಂಪಿಯನ್ಸ್​ ಲೀಗ್​ನಲ್ಲಿ ಯುವರಾಜ್​​ನ ಬ್ಯಾಟ್​ನಿಂದ​ ಹುಕ್​​ ಹಾಗೂ ಫುಲ್​ ಶಾಟ್​ಗಳು ಅಮೋಘವಾಗಿ ಮೂಡಿಬಂದವು. ಆದ್ದರಿಂದ ವೈಭವ್​ ಈ ರೀತಿ ತಯಾರಿ ನಡೆಸಬೇಕೆಂದು ಯೋಗರಾಜ್​ ಸಿಂಗ್​ ಸಲಹೆ ನೀಡಿದ್ದಾರೆ.

ನಾನು ನೋಡಿದಂತೆ ಈ ವೈಭವ್​ ಪ್ರತಿಯೊಂದು ಎಸೆತವನ್ನು ಬೌಂಡರಿ ಬಾರಿಸಲು ಪ್ರಯತ್ನಿಸುತ್ತಾನೆ. ಆದರೆ ಕ್ರಿಕೆಟ್​ನಲ್ಲಿ ಎಲ್ಲಾ ಎಸೆತಕ್ಕೆ ಸಿಕ್ಸ್​​, ಫೋರ್​ ಹೊಡೆದವರು ಮಾತ್ರ ಆಟಗಾರರಲ್ಲ, ಮೈದಾನದಲ್ಲಿ ಬಹಳ ಸಮಯ ನಿಂತು, ತಾಳ್ಮೆಲಿಂದ ಆಟವಾಡಿ, ತಂಡವನ್ನು ಗೆಲ್ಲಿಸುವವರು ಮಾತ್ರ ಶ್ರೇಷ್ಟ ಆಟಗಾರರಾಗುತ್ತಾರೆಂದು ಸಿಂಗ್​ ಹೇಳಿದ್ದಾರೆ.

ಹೀಗಾಗಿ, ವೈಭವ್​ ಪ್ರತಿಯೊಂದು ಎಸೆತವನ್ನು ಬೌಂಡರಿಗಟ್ಟುವ ಬದಲು, ಆ ಚೆಂಡನ್ನು ಸಮರ್ಥವಾಗಿ ಆಟವಾಡುವ ಪ್ರಯತ್ನ ಮಾಡಬೇಕಿದೆ. ಹೀಗೆ ಎಲ್ಲಾ ಬಾಲ್​ಗೆ ಲಾಫ್ಟ್​ ಶಾಟ್​ಗಳನ್ನು ಬಾರಿಸಿದರೆ ಹೆಚ್ಚುಹೊತ್ತು ಮೈದಾನದಲ್ಲಿರಲು ಸಾಧ್ಯವಾಗುವುದಿಲ್ಲ ಎಂದು ಎಚ್ಚರಿಕೆ ನೀಡಿದ್ದಾರೆ, (ಏಜನ್ಸೀಸ್​).