ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ರಜತ್ ದಲಾಲ್: ಬಹುಕಾಲದ ಗೆಳತಿಯ ಕೈಹಿಡಿದ ಫಿಟ್‌ನೆಸ್ ಕಿಂಗ್! Rajat Dalal Wedding

ಹರಿಯಾಣಾ: ಹಿಂದಿ ಭಾಷೆಯ ಬಿಗ್​ ಬಾಸ್ ಹತ್ತು ದಿ 50 ರೀತಿಯ ರಿಯಾಲಿಟಿ ಶೋಗಳಲ್ಲಿ ಭಾಗವಹಿಸಿ ತನ್ನದೇ ಆದ ಅಭಿಮಾನಿ ಬಳಗವನ್ನು ಹೊಂದಿರುವ ಫಿಟ್ನೆನ್ಸ್​ ಇನ್ಫ್ಲ್ಯೂಎನ್ಸರ್ ರಜತ್​ ದಲಾಲ್​ (Rajat Dalal Wedding) ಈದೀಗ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ತಮ್ಮ ದೀರ್ಘಕಾಲದ ಗೆಳತಿ ಜೊತೆ ದಾಂಪತ್ಯ ಜೀವನಕ್ಕೆ ಮುಂದಾಗಿರುವ ರಜತ್​ ಅವರ ಪತ್ನಿಯ ಹೆಸರು ಇಲ್ಲಿವರೆಗೆ ಬಹಿರಂಗವಾಗಿಲ್ಲ. ಹಾಗೆಯೇ ಇವರ ವಿವಾಹವು ಬಹಳ ಸರಳವಾಗಿ ನಡೆದಿದ್ದು ಕೇವಲ ಮನೆಯವರ ಸಮ್ಮುಖದಲ್ಲಿ ಈ ಜೋಡಿಯ ಮಿಲನವಾಗಿದೆ.

ಸಾಮಾಜಿಕ ಜಾಲತಾಣದಲ್ಲಿ ಫೋಟೊವೊಂದನ್ನು ಹಂಚಿಕೊಂಡಿರುವ ರಜತ್​ ದಲಾಲ್​ ಜೀವನದ ಹೊಸ ಹಂತದ ಆರಂಭ ಎಂದು ಕ್ಯಾಪ್ಶನ್​ ಬರೆಯುವ ಮೂಲಕ ತಾವು ಗೃಹಸ್ಥಾಶ್ರಮಕ್ಕೆ ಪ್ರವೇಶ ಮಾಡಿದ್ದಾಗಿ ತಿಳಿಸಿದ್ದಾರೆ.

ರಜತ್​ ದಲಾಲ್​ ಅವರ ಮದುವೆ ಫೋಟೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿದ್ದಂತೆ, ಶುಭಾಶಯಗಳ ಸಮುದ್ರವೇ ಹರಿದುಬಂದಿದೆ. ಖ್ಯಾತ ಟಿಕ್​ಟಾಕರ್ ಫೈಸು, ವೈವಾಹಿಕ ಜೀವನ ಶುಭಕರವಾಗಿರಲಿ ಎಂದು ಹೇಳಿದರೆ, ನಟಿ ಊರ್ವಶಿ ಡೋಲಕಿಯಾ, ನಿನ್ನ ಮದುವೆ ಸುದ್ದಿ ಕೇಳಿ ಬಹಳ ಸಂತೋಷವಾಯಿತು, ನಿಮ್ಮಿಬ್ಬರ ಸಂಸಾರ ಸುಖಕರವಾಗಿರಲಿ ಎಂದು ಹಾರೈಸಿದ್ದಾರೆ. ಸರಿಸುಮಾರು 35,000 ಕಮೆಂಟ್​ಗಳು ಇವರ ಈ ಫೋಟೊಗೆ ಹರಿದು ಬಂದಿದೆ.

ರಜತ್ ದಲಾಲ್ ಭಾರತದ ಪ್ರಖ್ಯಾತ ಫಿಟ್‌ನೆಸ್ ಇನ್ಫ್ಲುಯೆನ್ಸರ್, ಪವರ್‌ಲಿಫ್ಟರ್ ಮತ್ತು ಸೋಷಿಯಲ್ ಮೀಡಿಯಾದಲ್ಲಿ ಖ್ಯಾತಿಗಳಿಸಿರುವ ವ್ಯಕ್ತಿಯಾಗಿದ್ದಾರೆ.

ಹರಿಯಾಣದ ಫರಿದಾಬಾದ್​ನಲ್ಲಿ ಜನಿಸಿದ ರಜತ್​, ಪವರ್‌ಲಿಫ್ಟಿಂಗ್ ಕ್ಷೇತ್ರದಲ್ಲಿ ಹಲವಾರು ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ದಾಖಲೆಗಳನ್ನು ಬರೆದಿದ್ದಾರೆ. ಇವರು ತಮ್ಮ ಇನ್‌ಸ್ಟಾಗ್ರಾಮ್ (5.4 ಮಿಲಿಯನ್) ಮತ್ತು ಯೂಟ್ಯೂಬ್ ಚಾನೆಲ್ ಮೂಲಕ ಯುವಜನತೆಗೆ ಫಿಟ್‌ನೆಸ್ ಮತ್ತು ವೇಟ್‌ಲಿಫ್ಟಿಂಗ್ ಬಗ್ಗೆ ಮಾಹಿತಿ ನೀಡುತ್ತಾ ಜನಪ್ರಿಯತೆ ಗಳಿಸಿದ್ದಾರೆ.

ಆದರೆ, ವೃತ್ತಿಜೀವನದ ಜೊತೆಗೆ ರಜತ್ ದಲಾಲ್ ಆಗಾಗ್ಗೆ ವಿವಾದಗಳಿಂದಲೂ ಸುದ್ದಿಯಲ್ಲಿರುತ್ತಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಇತರ ಇನ್ಫ್ಲುಯೆನ್ಸರ್‌ಗಳ ಜೊತೆಗಿನ ಜಗಳಗಳು, ರಸ್ತೆ ಅಪಘಾತದ ಪ್ರಕರಣಗಳು ಮತ್ತು ತಮ್ಮ ನೇರ ನಡೆ-ನುಡಿಯ ಕಾರಣದಿಂದ ಇವರು ಹಲವು ಬಾರಿ ಕಾನೂನು ಸಂಘರ್ಷಗಳನ್ನು ಸಹ ಎದುರಿಸಿದ್ದಾರೆ,(ಏಜನ್ಸೀಸ್​).