ವಂದೇ ಭಾರತ್​ ರೈಲಿನಲ್ಲಿ ನೀಡಿದ ಕಾರ್ನ್​ ಫ್ಲೇಕ್ಸ್​ನಲ್ಲಿ ಧೂಳು! ರೈಲ್ವೇ ಇಲಾಖೆಗೆ ಸಲಹೆ ನೀಡಿದ ಉದ್ಯಮಿ

ನವದೆಹಲಿ: ವಂದೇ ಭಾರತ್​ ರೈಲು ನಿರಂತರವಾಗಿ ಒಂದಿಲ್ಲೊಂದು ಕಾರಣದಿಂದಾಗಿ ಸುದ್ದಿಯಲ್ಲಿದೆ. ಒಮ್ಮೆ ಎಮ್ಮೆಗಳಿಗೆ ಢಿಕ್ಕಿಯಾಗಿ ಸುದ್ದಿಯಾದರೆ ಇನ್ನೊಮ್ಮೆ ಕಸದ ರಾಶಿಯಿಂದಾಗಿ ಸುದ್ದಿಯಾಗುತ್ತದೆ. ಇದೀಗ ವಂದೇ ಭಾರತ್ ರೈಲಿನಲ್ಲಿ ಧೂಳು ತಾಗಿದ ಕಾರ್ನ್​ಫ್ಲೇಕ್ಸ್​ನ ಬಗ್ಗೆ ಪ್ರಯಾಣಿಕರೊಬ್ಬರು ಟ್ವಿಟರ್​ ಮೂಲಕ ದೂರು ನೀಡಿದ್ದಾರೆ.

ವಿರೇಶ್​ ನರ್ಕರ್​ ಎನ್ನುವ ಉದ್ಯಮಿಯೊಬ್ಬರು ಶಿರಡಿಗೆ ಪ್ರಯಾಣಿಸುತ್ತಿದ್ದರು. ಈ ಸಂದರ್ಭ ಅವರು ಕಾರ್ನ್​ಫ್ಲೇಕ್ಸ್​ ಆರ್ಡರ್​ ಮಾಡಿದ್ದಾರೆ. ಕಾರ್ನ್​ಫ್ಲೇಕ್ಸ್​ ಮೆಲ್ಲುತ್ತಿರುವಾಗ ಸ್ವಚ್ಛತಾ ಕರ್ಮಿಗಳು ಬಂದು ಕಸ ತೆಗೆಯುತ್ತಿದ್ದರು. ಈ ಸಂದರ್ಭ ಹಾರಿದ ಧೂಳು ಇವರ ಕಾರ್ನ್​ಫ್ಲೇಕ್ಸ್​ ಪಾತ್ರೆಗೆ ಬಂದು ಬಿದ್ದಿದೆ. ಹೀಗಾಗಿ ಅಸಮಾಧಾನಗೊಂಡ ಉದ್ಯಮಿ ಟ್ವಿಟರ್​ ಮೂಲಕ ತಮ್ಮ ದೂರನ್ನು ದಾಖಲಿಸಿದರು.

ಈ ಬಗ್ಗೆ ರೈಲ್ವೇ ಇಲಾಖೆಯ ಟ್ವಿಟರ್​ ಹ್ಯಾಂಡಲ್​ ಉತ್ತರಿಸಿದ್ದು ದೂರನ್ನು ದಾಖಲಿಸಿಕೊಂಡಿರುವ ಬಗ್ಗೆ ಟ್ವೀಟ್​ ಮಾಡಿದೆ. ಉದ್ಯಮಿ ವೀರೇಶ್​, ತಮ್ಮ ದೂರನ ಜತೆಗೆ ಎರಡು ಸಲಹೆಗಳನ್ನೂ ನೀಡಿದ್ದಾರೆ. ಎಕ್ಸಿಕ್ಯೂಟಿವ್​ ಕ್ಲಾಸ್​ನ ಬೋಗಿ ರೈಲಿನ ಮಧ್ಯದಲ್ಲಿದ್ದು ಇದರಿಂದಾಗಿ ಇತರೆ ಬೋಗಿಗಳ ಜನರು ಇಲ್ಲಿಂದಲೇ ಸಂಚರಿಸುತ್ತಾರೆ. ಹೀಗಾಗಿ ಎಕ್ಸಿಕ್ಯೂಟಿವ್​ ಕ್ಲಾಸ್​ಅನ್ನು ಬೇರೆಡೆಗೆ ಸ್ಥಳಾಂತರಿಸಲು ಸಲಹೆ ನೀಡಿದ್ದಾರೆ.

ಇದರೊಂದಿಗೆ ತಮ್ಮ ಕಾರ್ನ್​ಫ್ಲೇಕ್ಸ್​ ಸಮಸ್ಯೆಯ ಬಗ್ಗೆಯೂ ಹೇಳಿಕೊಂಡಿದ್ದು ಕಸ ತೆಗೆಯಲು ಪೊರಕೆಯ ಬದಲು ವ್ಯಾಕ್ಯೂಮ್​ ಕ್ಲೀನರ್​ಗಳನ್ನು ಬಳಸಲು ಸಲಹೆ ನೀಡಿದ್ದಾರೆ. ಇಲ್ಲವಾದಲ್ಲಿ ಧೂಳು ಹಾರಿ ಆಹಾರದ ಮೇಲೆ ಕೂರುತ್ತದೆ. ಇದರಿಂದಾಗಿ ಪ್ರಯಾಣಿಕರಿಗೆ ಉತ್ತಮ ಅನುಭವ ಸಿಗುವುದಿಲ್ಲ ಎಂದಿದ್ದಾರೆ. (ಏಜೆನ್ಸೀಸ್​)

https://www.vijayavani.net/6-year-old-boy-takes-his-dad-to-hospital-in-a-cart-in-madhyapradesh/

https://www.vijayavani.net/man-forced-to-leave-company-for-baldness/

https://www.vijayavani.net/brother-kills-himself-after-he-dosent-get-property/