ಇಸ್ಪೀಟು ಎಲೆಗಳ ಆಟದಲ್ಲಿ ಏಷ್ಯಾಡ್​ ರಜತ ಗೆದ್ದ ಭಾರತದ ಹಿರಿಯ ಆಟಗಾರರು!

ಹಾಂಗ್​ರೆೌ: ಇಸ್ಪೀಟು ಎಲೆಗಳ ಆಟ ಬ್ರಿಡ್ಜ್​ನಲ್ಲಿ ಭಾರತದ ಹಿರಿಯ ಆಟಗಾರರ ತಂಡ ಏಷ್ಯನ್​ ಗೇಮ್ಸ್​ನಲ್ಲಿ ರಜತ ಪದಕ ಗೆದ್ದು ಸಂಭ್ರಮಿಸಿದೆ. ಹಾಂಕಾಂಗ್​ ವಿರುದ್ಧ 2 ದಿನಗಳ ಕಾಲ ನಡೆದ ಫೈನಲ್​ ಪಂದ್ಯದಲ್ಲಿ 65 ವರ್ಷದ ಜಗ್ಗಿ ಶಿವದಾಸಾನಿ, 64 ವರ್ಷದ ಅಜಯ್​ ಪ್ರಭಾಕರ್​ ಖಾರೆ, 62 ವರ್ಷದ ರಾಜು ತೋಲಾನಿ, 49 ವರ್ಷದ ಸಂದೀಪ್​ ತಕ್ರಾಲ್​, 60 ವರ್ಷದ ರಾಜೇಶ್ವರ್​ ತಿವಾರಿ ಮತ್ತು 48 ವರ್ಷದ ಸುಮಿತ್​ ಮುಖರ್ಜಿ ಒಳಗೊಂಡ ಭಾರತ ತಂಡ 152-238.1ರಿಂದ ಪರಾಭವಗೊಂಡಿತು. ಇದರಿಂದ ಭಾರತದ ಬ್ರಿಡ್ಜ್​ ತಂಡ ಈ ಬಾರಿ ಏಕೈಕ ಪದಕದೊಂದಿಗೆ ಅಭಿಯಾನ ಮುಗಿಸಿತು. 2018ರ ಏಷ್ಯಾಡ್​ನಲ್ಲಿ ಭಾರತ ಬ್ರಿಡ್ಜ್​ನಲ್ಲಿ 1 ಚಿನ್ನ, 2 ಕಂಚು ಗೆದ್ದಿತ್ತು.

ಸೆಪಕ್​ ಟಕ್ರಾದಲ್ಲಿ ಅಚ್ಚರಿಯ ಕಂಚು

ಕಿಕ್​ ವಾಲಿಬಾಲ್​ ಖ್ಯಾತಿಯ ಸೆಪಕ್​ ಟಕ್ರಾ ಕ್ರೀಡೆಯಲ್ಲಿ ಭಾರತದ ಮಹಿಳೆಯರ ರೇಗು ತಂಡ ಅಚ್ಚರಿಯ ಕಂಚು ಜಯಿಸುವ ಮೂಲಕ ಏಷ್ಯಾಡ್​ನಲ್ಲಿ ಪದಕಗಳ ಶತಕ ಸಿಡಿಸಲು ನೆರವಾಯಿತು. ಅಯೆಕ್​ಪಮ್​ ಮೈಪಕ್​ ದೇವಿ, ಒಯಿನಮ್​ ಚವೊಬಾ ದೇವಿ, ಖುಷ್ಬು, ಇಲಂಗ್​ಬಮ್​ ಪ್ರಿಯಾ ದೇವಿ ಮತ್ತು ಇಲಂಗ್​ಬಮ್​ ಲೈರೆಂಟೊಂಬಿ ದೇವಿ ಒಳಗೊಂಡ ಭಾರತ ತಂಡ ಸೆಮಿೈನಲ್​ನಲ್ಲಿ 10-21, 13-21ರಿಂದ ಬಲಿಷ್ಠ ಥಾಯ್ಲೆಂಡ್​ ಎದುರು ಸೋತಿತು. ಈ ಮುನ್ನ ಗ್ರೂಪ್​ ಹಂತದಿಂದ ಸೆಮಿಫೈನಲ್​ಗೇರುವ ಮೂಲಕ ಭಾರತ ಪದಕ ಖಚಿತಪಡಿಸಿಕೊಂಡಿತ್ತು. ಮಹಿಳೆಯರ ಸೆಪಕ್​ ಟಕ್ರಾ ತಂಡಕ್ಕೆ ಇದು ಮೊದಲ ಪದಕವಾಗಿದೆ. ಈ ಮುನ್ನ 2018ರಲ್ಲಿ ಭಾರತ ಪುರುಷರ ವಿಭಾಗದಲ್ಲಿ ಕಂಚು ಗೆದ್ದಿತ್ತು.

https://www.vijayavani.net/in-2011-world-cup-for-sachin-tendulkar-is-this-time-for-virat-kohli-and-rohit-sharma