ರಿಯೋ ಡಿ ಜನೈರೋ: ಬ್ರೆಜಿಲ್ ಫುಟ್ಬಾಲ್ ದಿಗ್ಗಜ ಪೀಲೆ ಕಣ್ಮರೆಯಾಗಿ ಶುಕ್ರವಾರಕ್ಕೆ ಒಂದು ವರ್ಷ ಪೂರೈಸಿದ ಹಿನ್ನೆಲೆಯಲ್ಲಿ ರಿಯೋ ಡಿ ಜನೈರೋದಲ್ಲಿ ಅವರಿಗೆ ವಿಶೇಷವಾದ ಗೌರವವನ್ನು ಸಲ್ಲಿಸಲಾಯಿತು.
ಬ್ರೆಜಿಲ್ನ ಜಗದ್ವಿಖ್ಯಾತ ಬೃಹತ್ ಜೀಸಸ್ ಕ್ರೈಸ್ಟ್ ಪ್ರತಿಮೆಗೆ (ಕ್ರೈಸ್ಟ್ ದಿ ರಿಡೀಮರ್) ಪ್ರೊಜೆಕ್ಷನ್ ಮೂಲಕ ಪೀಲೆ ಅವರ 10 ನಂಬರ್ ಜೆರ್ಸಿ ತೊಡಿಸಲಾಯಿತು.
ಇದೇ ವೇಳೆ ಬ್ರೆಜಿಲ್ ನಿಂಟಿನಲ್ಲಿ ಅಸಾಧಾರಣ, ಹೋಲಿಸಲಾಗದ ಮತ್ತು ಅನನ್ಯ ಪದಗಳಿಗೆ ವಿಶೇಷಣವಾಗಿ "ಪೀಲೆ' ಪದವನ್ನೂ ಸೇರಿಸಲಾಗಿದೆ. ಬ್ರೆಜಿಲ್ ಪರ 1958, 1962, 1970ರ ಫಿಫಾ ವಿಶ್ವಕಪ್ ಗೆದ್ದಿದ್ದ ಪೀಲೆ, 2022ರ ಡಿಸೆಂಬರ್ 29ರಂದು 82ನೇ ವಯಸ್ಸಿನಲ್ಲಿ ಕರುಳಿನ ಕ್ಯಾನ್ಸರ್ನಿಂದ ಮೃತಪಟ್ಟಿದ್ದರು.
