ಸೂರಾಲು ದೇವಿಪ್ರಸಾದ ತಂತ್ರಿಗಳ ಪ್ರಧಾನ ಆಚಾರ್ಯತ್ವದಲ್ಲಿ ಅರ್ಚಕ ಶ್ರೀಪತಿ ಉಡುಪ ಕಾಡೂರು ಹಾಗೂ ಸುಬ್ರಹ್ಮಣ್ಯ ಭಟ್(ಅವಧಾನಿಗಳು) ಗುಂಡಿಬೈಲು ಉಪಸ್ಥಿತಿಯಲ್ಲಿ ಧಾರ್ಮಿಕ ಕಾರ್ಯಕ್ರಮಗಳು ಜರುಗಲಿವೆ. ಫೆ.28ರಂದು ಬೆಳಗ್ಗೆ ತಂತ್ರಿಗಳ ಪುರಪ್ರವೇಶ, ಸಾಮೂಹಿಕ ಪ್ರಾರ್ಥನೆ, ಮಧುಪೂರ್ವಕ ಆಚಾರ್ಯವರಣ, ಮಹಾಸಂಕಲ್ಪ, ಮಹಾಗಣಪತಿಯಾಗ, ಮಾ.1ರಂದು ಬೆಳಗ್ಗೆ ಮಹಾಗಣಪತಿ ಯಾಗ ಸೇರಿದಂತೆ ಹಲವು ಪೂಜೆಗಳು ನಡೆಯಲಿವೆ. 2ರಂದು ನಾಗದೇವರ ಬಿಂಬ ಪ್ರತಿಷ್ಠಾಪನೆ, ಸ್ನಪನಾದಿಗಳು, ಪ್ರಾಯಶ್ಚಿತ ಹವನಾದಿಗಳು, ಕಲಶಾಭಿಷೇಕ, ಮಹಾಪೂಜೆ ಸೇರಿದಂತೆ ಇತರ ಪೂಜೆಗಳು ಹಾಗೂ ಸಂಜೆ ಭಕ್ತಿ ಗಾಯನ ನಡೆಯಲಿದೆ. 3ರಂದು ಹಾಯ್ಗುಳಿ, ಕಲ್ಲುಕುಟಿಗ, ಕಲ್ಲುರ್ಟಿ, ಕಾಳಮ್ಮ, ಚಾಮುಂಡಿ ಪರಿವಾರಗಳಲ್ಲಿ ನವಕುಂಭ ಸ್ನಪನಾಂಗ ಕಲಶ ಹೋಮ, ಪೂಜಾದಿಗಳು ನಡೆಯಲಿವೆ.
