ಚೀನಾದ ಗೊಂಗ್ ಲಿಜಿವೊ ಮಹಿಳೆಯರ ಶಾಟ್ಪುಟ್ ಸ್ಪರ್ಧೆಯಲ್ಲಿ ವೈಯಕ್ತಿಕ ಶ್ರೇಷ್ಠ 20.58 ಮೀಟರ್ ದೂರ ಎಸೆಯುವ ಮೂಲಕ ಚಿನ್ನದ ಪದಕ ಜಯಿಸಿದರು. ಅಮೆರಿಕದ ರೆವನ್ ಸೌಂಡರ್ಸ್ (19.79 ಮೀ.) ಬೆಳ್ಳಿ ಮತ್ತು ನ್ಯೂಜಿಲೆಂಡ್ನ ವಲೆರಿ ಆಡಮ್ಸ್ (19.62 ಮೀ.) ಕಂಚಿನ ಪದಕ ಪಡೆದರು. 2017, 2019ರ ವಿಶ್ವ ಚಾಂಪಿಯನ್ಷಿಪ್ ಸ್ವರ್ಣ ವಿಜೇತೆ ಗೊಂಗ್ಗೆ ಒಲಿಂಪಿಕ್ಸ್ನಲ್ಲಿ ಇದು ಮೊದಲ ಚಿನ್ನವಾಗಿದೆ. 32 ವರ್ಷದ ಅವರು ಬೀಜಿಂಗ್ನಲ್ಲಿ ಕಂಚು ಮತ್ತು ಲಂಡನ್ನಲ್ಲಿ ಬೆಳ್ಳಿ ಜಯಿಸಿದ್ದರೆ, ರಿಯೋದಲ್ಲಿ ಪದಕ ವೇದಿಕೆ ಏರಲು ವಿಫಲರಾಗಿದ್ದರು. 5 ಒಲಿಂಪಿಕ್ಸ್ನಲ್ಲಿ ಸ್ಪರ್ಧಿಸಿದ ನ್ಯೂಜಿಲೆಂಡ್ನ ಮೊದಲ ಮಹಿಳೆ ಎನಿಸಿದ ಕಂಚು ವಿಜೇತೆ ವಲೆರಿ ಆಡಮ್ಸ್ 2 ಮಕ್ಕಳ ತಾಯಿಯೂ ಆಗಿದ್ದಾರೆ. ಬೆಳ್ಳಿ ವಿಜೇತೆ ಸೌಂಡರ್ಸ್ ‘ಹಲ್ಕ್’ ಮಾಸ್ಕ್ ಧರಿಸಿ ಸ್ಪರ್ಧಿಸುವ ಮೂಲಕ ಗಮನಸೆಳೆದರು.
