ಪೂನಂ ಪಾಂಡೆ ಗರ್ಭಿಣಿನಾ? ಹಲವರ ಪ್ರಶ್ನೆಗೆ ಕೊನೆಗೂ ಉತ್ತರ ನೀಡಿದ ಬಾಲಿವುಡ್​ ಬಿಚ್ಚಮ್ಮ! Poonam Pandey

Poonam Pandey : ಸಾಮಾಜಿಕ ಜಾಲತಾಣದಲ್ಲಿ ಪಡ್ಡೆ ಹುಡುಗರ ಎದೆ ಝಲ್​ ಎನಿಸುವಂತಹ ಫೋಟೋ ಮತ್ತು ವಿಡಿಯೋಗಳನ್ನು ಆಗಾಗ ಶೇರ್​ ಮಾಡಿಕೊಳ್ಳುತ್ತಾ ಸದಾ ಸುದ್ದಿಯಲ್ಲಿರುವ ವಿವಾದಿತ ಮಾಡೆಲ್​ ಹಾಗೂ ಜನಪ್ರಿಯ ಬಾಲಿವುಡ್​ ನಟಿ ಪೂನಂ ಪಾಂಡೆ ಇದೀಗ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ.

ಎರಡು ದಿನಗಳ ಹಿಂದೆ ಪೂನಂ ಪಾಂಡೆ ಅವರು ತಮ್ಮ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಎರಡು ಫೋಟೋಗಳನ್ನು ಹಂಚಿಕೊಂಡಿದ್ದರು. ಆ ಫೋಟೋಗಳಲ್ಲಿ ಒಂದರಲ್ಲಿ ಬಾಲಿವುಡ್​ ಬಿಚ್ಚಮ್ಮ ಪೂನಂ, ತಾವು ಧರಿಸಿದ್ದ ಬಿಳಿ ಬಣ್ಣದ ಟೀ-ಶರ್ಟ್​ ಅನ್ನು ಮೇಲೆತ್ತಿ ಬೇಬಿ ಬಂಪ್​ ಪ್ರದರ್ಶಿಸಿದ್ದರು. ಇನ್ನೊಂದು ಫೋಟೋದಲ್ಲಿ ಅದೇ ಟೀ-ಶರ್ಟ್​ನಲ್ಲಿ ಹೊಟ್ಟೆಯನ್ನು ಮುಚ್ಚಿ ಬೇಬಿ ಬಂಪ್​ ಪ್ರದರ್ಶಿಸಿದ್ದರು. ತಮ್ಮ ಫೋಟೋಗಳಿಗೆ ಯಾವುದೇ ಅಡಿಬರಹ ನೀಡದ ಪೂನಂ, ಗರ್ಭಿಣಿಯ ಎಮೋಜಿ ಜತೆಗೆ ಹಾಲಿನ ಬಾಟೆಲ್​ ಹಾಗೂ ಮಗುವಿನ ಎಮೋಜಿಯನ್ನು ಪೋಸ್ಟ್​ ಮಾಡಿದ್ದರು.

ಪೂನಂ ಹಂಚಿಕೊಂಡ ಎರಡೂ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಕಾಡ್ಗಿಚ್ಚಿನಂತೆ ಹರಡುತ್ತಿದ್ದಂರೆ, ಅದನ್ನು ನೋಡಿದ ಅಭಿಮಾನಿಗಳು ಹಾಗೂ ನೆಟ್ಟಿಗರು ಯಾವ ಗ್ಯಾಪ್​ನಲ್ಲಿ ಪೂನಂ ಗರ್ಭಿಣಿಯಾದರು? ಮದುವೆ ಆಗದೆಯೇ ಗರ್ಭಿಯಾದರೇ? ನಿಜಕ್ಕೂ ಪೂನಂ ಗರ್ಭ ಧರಿಸಿದ್ದಾರೆಯೇ ಅಥವಾ ಏಪ್ರಿಲ್​ ಫೂಲ್​ ಮಾಡುವ ಉದ್ದೇಶವೇ? ಎಂದೆಲ್ಲ ಪ್ರಶ್ನೆಗಳ ಸುರಿಮಳೈದಿದ್ದಾರೆ.

ಈ ಪ್ರಶ್ನೆಗಳಿಗೆ ಪೂನಂ ಉತ್ತರ ನೀಡುತ್ತಾರಾ ಎಂದು ಅಭಿಮಾನಿಗಳು ಕಾದು ಕುಳಿತಿದ್ದರು. ಇದೀಗ ಕೊನೆಗೂ ಪೂನಂ ಮೌನ ಮುರಿದಿದ್ದಾರೆ. ಬೇಬಿ ಬಂಪ್ ಪ್ರದರ್ಶನದ ಹಿಂದಿರುವ ತಮ್ಮ ಉದ್ದೇಶ ಏನು ಅನ್ನೋದನ್ನು ತಿಳಿಸಿದ್ದಾರೆ.

ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಮತ್ತೊಂದು ವಿಡಿಯೋ ಹಂಚಿಕೊಂಡಿರುವ ಪೂನಂ ಪಾಂಡೆ, ಗಯ್ಸ್​ ನಿಮ್ಮೆಲ್ಲರ ಶುಭ ಹಾರೈಕೆಗಳಿಗೆ ತುಂಬಾ ಧನ್ಯವಾದಗಳು. ಆದರೆ, ನಾನು ಗರ್ಭಿಣಿಯಲ್ಲ. ಇದು ಏಪ್ರಿಲ್​ ಫೂಲ್​ ಜೋಕ್ಸ್​ ಎಂದು ಪೂನಂ ಸ್ಪಷ್ಟನೆ ನೀಡಿದ್ದಾರೆ. ಅಲ್ಲದೆ, ತಮ್ಮ ಮಾತು ಮುಂದುವರಿಸಿರುವ ಪೂನಂ, ಈ ಒತ್ತಡದ ಸಮಯದಲ್ಲಿ ಜನರನ್ನು ರಂಜಿಸುವುದು ನನ್ನ ಏಕೈಕ ಉದ್ದೇಶ ಎಂದಿದ್ದಾರೆ. 

ಪ್ರಸ್ತುತ ಜಾಗತಿಕವಾಗಿ ನಡೆಯುತ್ತಿರುವ ಯುದ್ಧಗಳು ಮತ್ತು ಜಾಗತಿಕ ಸಂಘರ್ಷಗಳನ್ನು ಉಲ್ಲೇಖಿಸಿರುವ ಪೂನಂ, ಇಂಥಾ ಸಮಯದಲ್ಲಿ ನಿಮಗೆ ಮನರಂಜನೆ ನೀಡುವುದೇ ನನ್ನ ಕೆಲಸ. ಇದನ್ನು ಗಂಭೀರವಾಗಿ ಪರಿಗಣಿಸಬೇಡಿ. ಆರಾಮಾಗಿರಿ, ಲೈಫ್​ನಲ್ಲಿ ಚಿಲ್​ ಮಾಡಿ ಎಂದು ತಮ್ಮ ಫಾಲೋವರ್ಸ್​ ಹಾಗೂ ಅಭಿಮಾನಿಗಳಿಗೆ ಪೂನಂ ಪಾಂಡೆ ಸಂದೇಶ ರವಾನಿಸಿದ್ದಾರೆ.

ಪೂನಂ ಪಾಂಡೆಯ ಸ್ಪಷ್ಟನೆ ವಿಡಿಯೋಗೆ ನೂರಾರು ನೆಟ್ಟಿಗರು ಕಾಮೆಂಟ್​ ಮಾಡಿದ್ದಾರೆ. ಬಹುತೇಕ ಮಂದಿ ನಟಿಯ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ. ಯುದ್ಧದಿಂದಾಗಿ ದೇಶದಲ್ಲಿ ಅನೇಕ ಸಮಸ್ಯೆಗಳು ಎದುರಾಗಿವೆ. ಈ ಸಮಯದಲ್ಲಿ ಇದೆಲ್ಲ ಬೇಕಾ ಎಂದಿದ್ದಾರೆ. ಓರ್ವ ನೆಟ್ಟಿಗನಂತೂ ನೀನು ಮಾಡಿರುವ ಈ ಗರ್ಭಿಣಿ ಪ್ರಾಂಕ್​ಗಿಂತಲೂ ಈ ಹಿಂದೆ ನೀವು ಸಾವಿನ ಬಗ್ಗೆ ಮಾಡಿದ ಚೇಷ್ಟೆ ಹೆಚ್ಚು ಮನರಂಜನೆ ನೀಡಿತು ಎಂದು ಕಾಮೆಂಟ್​ ಮಾಡಿದ್ದಾನೆ. 

ಅಂದಹಾಗೆ ಪೂನಂ ಪಾಂಡೆ ಸದಾ ಜನರ ಗಮನ ಸೆಳೆಯಲು ಮತ್ತು ಪ್ರಚಾರದಲ್ಲಿರಲು ಅನೇಕ ಸಾಹಸಗಳನ್ನು ಮಾಡುತ್ತಿರುತ್ತಾರೆ. 2024, ಫೆ.1ರಂದು ಪೂನಂ ತಮ್ಮ ಸಾವಿನ ಸುದ್ದಿಯನ್ನು ಹಬ್ಬಿಸಿದ್ದರು. ಪೂನಂ ಪಾಂಡೆ ಅವರ ಅಧಿಕೃತ ಇನ್‌ಸ್ಟಾಗ್ರಾಮ್ ಹ್ಯಾಂಡಲ್‌ನಲ್ಲಿ ಸಾವಿನ ಬಗ್ಗೆ ತಿಳಿಸಲಾಗಿತ್ತು. ಗರ್ಭಕಂಠದ ಕ್ಯಾನ್ಸರ್​ನಿಂದ ಮೃತಪಟ್ಟಿದ್ದಾರೆ ಎಂದು ಎಲ್ಲ ಮಾಧ್ಯಮಗಳು ಸುದ್ದಿ ಮಾಡಿದ್ದವು. ಆಕೆಯ ಮ್ಯಾನೇಜರ್​ ಕೂಡ ಸಾವಿನ ಸುದ್ದಿ ಖಚಿತಪಡಿಸಿದ್ದ. ಆದರೆ, ಮರುದಿನ ಆಕೆ ಜೀವಂತವಾಗಿರುವುದಾಗಿ ಖಚಿತಪಡಿಸಿದರು. ನಾನಿನ್ನೂ ಬದುಕಿದ್ದೇನೆ. ಗರ್ಭಕಂಠದ ಕ್ಯಾನ್ಸರ್​ ಬಗ್ಗೆ ಜಾಗ್ರತೆ ಇರಲಿ. ಅದಕ್ಕಾಗಿ ಈ ವಿಡಿಯೋ ಮಾಡಿದೆ ಎಂದು ಹೇಳಿದ್ದರು. ಈ ಘಟನೆ ಬಳಿಕ ಪೂನಂ ಸಾಕಷ್ಟು ಟ್ರೋಲ್​ಗೆ ಗುರಿಯಾಗಿದ್ದರು, (ಏಜೆನ್ಸೀಸ್​).