ಜಾವೇದ್ ಅಖ್ತರ್ ಮನೆಗೆ ಬಿಟ್ಟಿ ಎಣ್ಣೆ ಕುಡಿಯಲು ಬರ್ತಿದ್ದ: ಜಮೀಲ್​ ಜಮಾಲಿ ನನ್ನ ನೆಚ್ಚಿನ ಪಾತ್ರ; ರಾಕೇಶ್​ ಬೇಡಿ ಬಗ್ಗೆ ಫರಾ ಖಾನ್​ ಹೇಳಿಕೆ ವೈರಲ್​! Farah Khan on Rakesh Bedi

ಮುಂಬೈ: ಇತ್ತೀಚೆಗೆ ಬಿಡುಗಡೆಯಾಗಿದ್ದ ಧುರಂಧರ್​ ಸಿನಿಮಾದಲ್ಲಿ ಜಮೀಲ್​ ಜಮಾಲಿ ಪಾತ್ರದ ಮೂಲಕ ಪ್ರೇಕ್ಷಕರ ಮನಗೆದ್ದಿರುವ ನಟ ರಾಕೇಶ್​ ಬೇಡಿ ಕುರಿತು ನಿರ್ದೇಶಕಿ ಫರಾ ಖಾನ್ (Farah Khan on Rakesh Bedi)​ ಹೇಳಿರುವ ಒಂದು ಮಾತು ಈಗ ಎಲ್ಲೆಡೆ ವೈರಲ್​ ಆಗುತ್ತಿದೆ.

ಇತ್ತೀಚೆಗೆ ಫರಾ ಖಾನ್​, ತನ್ನ ಯೂಟ್ಯೂಬ್​ ವ್ಲಾಗ್​ ಮಾಡಲು ನಟ ರಾಕೇಶ್​ ಬೇಡಿ ಮನೆಗೆ ಭೇಟಿ ನೀಡಿದ್ದರು. ಅ ಸಂದರ್ಭದಲ್ಲಿ ನಾನು ರಾಕೇಶ್​ ಬೇಡಿಯನ್ನು ಕಳೆದ 25 ವರ್ಷಗಳಿಂದ ನೋಡುತ್ತಿದ್ದನೆ.

ರಾಕೇಶ್​ ಫಿಲ್ಮ್​ ಎಂಡ್​ ಟೆಲಿವಿಷನ್​ ಇನ್ಸಿಟ್ಯೂಟ್​ ಆಫ್​ ಇಂಡಿಯಾದಲ್ಲಿ ವಿದ್ಯಾರ್ಥಿಯಾಗಿದ್ದಾಗ ಬಾಲಿವುಡ್​ನ ಖ್ಯಾತ ಗೀತ ಮತ್ತು ಸಂಭಾಷಣಾಕಾರರಾದ ಜಾವೇದ್​ ಅಖ್ತರ್​ ಅವರ ಮನೆಗೆ ಫ್ರೀ ಊಟಕ್ಕೆ ಮತ್ತು ಮದ್ಯ(ಎಣ್ಣೆ) ಸೇವಿಸಲಿಕ್ಕೆ ರಾಕೇಶ್​ ಬರುತ್ತಿದ್ದರು ಎಂದು ಹೇಳಿದ್ದಾರೆ.

ವಿಡಿಯೋನಲ್ಲಿ ಇನ್ನಷ್ಟು ಮಾತನಾಡಿದ ಫರಾ ಖಾನ್​, ನಾನು ಧುರಂಧರ್​ನಲ್ಲಿ ರಾಕೇಶ್​ ಬೇಡಿಯನ್ನಲ್ಲ, ಸಕ್ಷಾತ್​ ಜಮೀಲ್​ ಜಮಾಲಿಯನ್ನೇ ನೋಡಿದೆ. ಈ ಸಿನಿಮಾದ ಅಸಲಿ ಧುರಂಧರ್​ ಎಂದರೆ ಅದು ರಾಕೇಶ್​ ಬೇಡಿಯೇ ಆಗಿದ್ದಾರೆ ಎಂದು ಅವರು ಹೇಳಿದರು. ಕ್ಲೈಮಾಕ್ಸ್​ ಸೀನ್​ವರೆಗೆ ಜಮೀಲ್​ ಜಮಾಲಿ ಕೂಡ ಒಬ್ಬ ಗುಪ್ತಚರ ಎಂದು ತಿಳಿಯುವುದೇ ಇಲ್ಲ. ನನಗೆ ನಿಜಕ್ಕೂ ಈ ಸಿನಿಮಾ ಬಹಳ ಇಷ್ಟವಾಯಿತು, ಅದರಲ್ಲೂ ಜಮೀಲ್​ ಜಮಾಲಿ ಪಾತ್ರ ನನ್ನ ಫೇವರೆಟ್​ ಎಂದು ಫರಾ ಹೇಳಿದ್ದಾರೆ.

ಈ ಸಿನಿಮಾದಲ್ಲಿ ಜಮೀಲ್​ ಜಮಾಲಿಯದು ಪ್ರಮುಖ ಪಾತ್ರಗಳಲ್ಲಿ ಒಂದಾಗಿದೆ. ಈ ಪಾತ್ರವನ್ನು ರಾಕೇಶ್​ ಬೇಡಿ ಯಶಸ್ವಿಯಾಗಿ ನಿರ್ವಹಿಸಿದ್ದಾರೆ. ಈ ಜಮೀಲ್​ ಜಮಾಲಿ ಪಾಕಿಸ್ತಾನದ, ಕರಾಚಿಯ ಒಬ್ಬ ರಾಜಕಾರಣಿಯಾಗಿದ್ದು ಅಲ್ಲಿಯ ರಾಜಕಾರಣದಲ್ಲಿ ತನ್ನ ಹಿಡಿತವನ್ನು ಸ್ಥಾಪಿಸಿರುತ್ತಾನೆ.

ಸಿನಿಮಾದ ಕೊನೆಯಲ್ಲಿ ಈ ಜಮೀಲ್​ ಜಮಾಲಿ ಕೂಡ ಭಾರತದ ಒಬ್ಬ ಗುಪ್ತವರನೇ ಆಗಿದ್ದ, ಇವನನ್ನು 40 ವರ್ಷಗಳ ಹಿಂದೆ ಪಾಕಿಸ್ತಾನದ ರಾಜಕಾರಣದಲ್ಲಿ ಹಿಡಿತವನ್ನು ಸಾಧಿಸಲು ಕಳುಹಿಸಲಾಗಿತ್ತು ಎಂದು ತಿಳಿದು ಬರುತ್ತದೆ, (ಏಜನ್ಸೀಸ್​).