'ಭಾರತೀಯ ಚಿತ್ರರಂಗದ ಇತಿಹಾಸವನ್ನೇ ಬದಲಿಸಲಿದೆ': ಬಹುನಿರೀಕ್ಷಿತ 'ಡಂಕಿ'ಯ ಫಸ್ಟ್ ರಿವ್ಯೂ ಔಟ್

ಮುಂಬೈ: ಶಾರುಖ್ ಖಾನ್‌ಗೆ 2023 ರ ವರ್ಷವು ಬಹಳ ಅದೃಷ್ಟದ ವರ್ಷವಾಗಿದೆ. ವರ್ಷದ ಆರಂಭದಲ್ಲಿ ಬಿಡುಗಡೆಯಾದ ಬಾಲಿವುಡ್‌ನ ಕಿಂಗ್ ಖಾನ್‌ನ 'ಪಠಾಣ್' ಬ್ಲಾಕ್‌ಬಸ್ಟರ್ ಆಗಿತ್ತು. ನಂತರ, 'ಜವಾನ್' ವರ್ಷದ ಮಧ್ಯದಲ್ಲಿ ಬಿಡುಗಡೆಯಾಯಿತು. ಈ ಚಿತ್ರವೂ ಬಾಕ್ಸ್ ಆಫೀಸ್​​ನಲ್ಲಿ ಎಲ್ಲಾ ದಾಖಲೆಗಳನ್ನು ಮುರಿದಿದೆ. ಇದೀಗ 2023ನೇ ವರ್ಷ ಮುಗಿಯುವ ಹಂತದಲ್ಲಿದ್ದು, ಬಾಲಿವುಡ್ ಕಿಂಗ್ ಮತ್ತೊಮ್ಮೆ ತಮ್ಮ ಮುಂಬರುವ ಚಿತ್ರ 'ಡಂಕಿ' ಮೂಲಕ ಸದ್ದು ಮಾಡಲು ತಯಾರಿ ನಡೆಸಿದ್ದಾರೆ. 

ಚಿತ್ರದ ಪೋಸ್ಟರ್, ಟ್ರೇಲರ್ ಮತ್ತು ಟೀಸರ್ ಈಗಾಗಲೇ 'ಡಂಕಿ' ಬಗ್ಗೆ ಅಭಿಮಾನಿಗಳಲ್ಲಿ ಉತ್ಸಾಹವನ್ನು ಹೆಚ್ಚಿಸಿದ್ದು, ಇದೀಗ ಕಿಂಗ್ ಖಾನ್ ಚಿತ್ರದ ಮೊದಲ ವಿಮರ್ಶೆಯೂ ಬಂದಿದೆ. ಶಾರುಖ್ ಖಾನ್ ಅವರ ಈ ಬಹು ನಿರೀಕ್ಷಿತ ಚಿತ್ರ ಹೇಗಿದೆ ಎಂದು ತಿಳಿಯೋಣ ಬನ್ನಿ. 

ಔಟ್ ಆದ 'ಡಂಕಿ'ಯ ಮೊದಲ ವಿಮರ್ಶೆ
ಮೂವೀ ಹಬ್ ಹೆಸರಿನ ಖಾತೆಯು ಪ್ಲಾಟ್‌ಫಾರ್ಮ್ X ನಲ್ಲಿ 'ಡಂಕಿ' ಮೊದಲ ವಿಮರ್ಶೆಯನ್ನು ಹಂಚಿಕೊಂಡಿದೆ. 'ಮೂವಿ ಹಬ್', ಚಿತ್ರದ ಮೊದಲ ವಿಮರ್ಶೆಯನ್ನು ನೀಡುವಾಗ, ಅದಕ್ಕೆ 5 ಸ್ಟಾರ್‌ಗಳನ್ನು ನೀಡಿದೆ. ವಿಮರ್ಶೆಯಲ್ಲಿ ಹೀಗೆ ಹೇಳಲಾಗಿದೆ, "ಇನ್ಸೈಡರ್ ರಿಪೋರ್ಟ್ಸ್: ರಾಜ್‌ಕುಮಾರ್ ಹಿರಾನಿ ಅವರು ಕಥೆ ಹೇಳುವ ರೀತಿ ಅದ್ಭುತ. ರಾಜ್ ಸರ್ ಈ ಚಿತ್ರವನ್ನು ನಿರ್ಮಿಸಿದ ರೀತಿ, ಭಾರತೀಯ ಚಿತ್ರರಂಗ ಹಿಂದೆಂದೂ ನೋಡಿರಲಿಲ್ಲ. ಶಾರುಖ್ ಈ ಚಿತ್ರದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದು, ನಟನೆ ಅತ್ಯದ್ಭುತ.

ಮೊದಲ ಭಾಗವು ಲಂಡನ್‌ಗೆ ಪ್ರಯಾಣದ ಬಗ್ಗೆ. ಇದರಲ್ಲಿ ಪಾತ್ರಗಳು, ಕಥೆ, ಹಾಸ್ಯ, ಪ್ರಣಯ, ಪ್ರೀತಿ ಮತ್ತು ಸ್ನೇಹದ ಆಳ ತೋರಿಸಲಾಗಿದೆ. ಎರಡನೇ ಭಾಗವು ಮುಖ್ಯ ಚಲನಚಿತ್ರವಾಗಿದ್ದು, ಅದು ನಿಮ್ಮನ್ನು ಆಳವಾಗಿ ಅಳುವಂತೆ ಮಾಡುತ್ತದೆ ಮತ್ತು ಯಾವುದೇ ಪ್ರಚಾರದ ವಿಡಿಯೋದಲ್ಲಿ ಇದನ್ನು ಬಹಿರಂಗಪಡಿಸಲಾಗಿಲ್ಲ. ಇದು ಭಾರತೀಯ ಚಿತ್ರರಂಗದಲ್ಲಿ ಐತಿಹಾಸಿಕ ಚಿತ್ರವಾಗಲಿದೆ'' ಎಂದು ಹೇಳಿದೆ. 

ಡಂಕಿಯ ಈ ವಿಮರ್ಶೆಯ ಸತ್ಯಾಸತ್ಯತೆಯ ಬಗ್ಗೆ ಜನರು ಕೇಳಿದಾಗ, ಎರಡು ದಿನಗಳ ಹಿಂದೆ ಭಾರತದ ಚಲನಚಿತ್ರ ವಿತರಕರಿಗೆ 'ಡಂಕಿ' ಪ್ರದರ್ಶನವನ್ನು ಆಯೋಜಿಸಲಾಗಿತ್ತು ಎಂದು ಈ ಸುದ್ದಿ ಪೋರ್ಟಲ್ ತಿಳಿಸಿದೆ. ಈ ಪರಿಶೀಲನಾ ವರದಿಯನ್ನು ದೇಶದ ಅತಿ ದೊಡ್ಡ ವಿತರಕರೊಬ್ಬರು ನೀಡಿದ್ದಾರೆ.

'ಡಂಕಿ' ರಿಲೀಸ್ ಯಾವಾಗ?
ರಾಜ್‌ಕುಮಾರ್ ಹಿರಾನಿ ನಿರ್ದೇಶನದ ಡಂಕಿ ಚಿತ್ರವು ಅನೇಕ ಅದ್ಭುತ ನಟರ ತರಾಬಳಗ ಹೊಂದಿದೆ. ತಾಪ್ಸಿ ಪನ್ನು, ವಿಕ್ಕಿ ಕೌಶಲ್ ಮತ್ತು ನಟ ಬೊಮನ್ ಇರಾನಿ ಕೂಡ ನಟಿಸಿದ್ದಾರೆ. ರೆಡ್ ಚಿಲ್ಲೀಸ್ ಎಂಟರ್‌ಟೈನ್‌ಮೆಂಟ್ ಮತ್ತು ಜಿಯೋ ಸ್ಟುಡಿಯೋಸ್‌ನ ಪ್ರತಿಷ್ಠಿತ ಬ್ಯಾನರ್ ಅಡಿಯಲ್ಲಿ ಇದನ್ನು ನಿರ್ಮಾಣ ಮಾಡಲಾಗಿದೆ. ಡಿಸೆಂಬರ್ 21, 2023 ರಂದು ವಿಶ್ವದಾದ್ಯಂತ ಥಿಯೇಟರ್‌ಗಳಲ್ಲಿ ಡಂಕಿ ಬಿಡುಗಡೆಯಾಗಲಿದೆ. 

https://www.vijayavani.net/srks-dunki-trailer-breaks-all-records