ಶಿಕ್ಷಕರ ದಿನಾಚರಣೆಯಂದು ಸೋನು ಸೂದ್​ ವಂದನೆ ಸಲ್ಲಿಸಿದ್ದು ಯಾರಿಗೆ? ಭಾವನಾತ್ಮಕ ಪೋಸ್ಟ್​

ಪ್ರತಿವರ್ಷದಂತೆ ಈ ವರ್ಷವೂ ಬಾಲಿವುಡ್​ ಸೆಲೆಬ್ರಿಟಿಗಳು ಶಿಕ್ಷಕರ ದಿನಾಚರಣೆಯಂದು ತಮ್ಮ ಶಿಕ್ಷಕರನ್ನು ನೆನಪಿಸಿಕೊಂಡು ಗೌರವ ಸಲ್ಲಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್​ಗಳನ್ನು ಹಾಕಿದ್ದಾರೆ.

ಬಾಲಿವುಡ್​ ನಟ ಅಜಯ್​ ದೇವಗನ್ ಅವರು ಕ್ಯಾಮರಾ ಕೃತಜ್ಞತೆ ಸಲ್ಲಿಸಿದ್ದಾರೆ. ಶಿಕ್ಷಕರ ದಿನದಂದು ನಾನು ಕ್ಯಾಮರಾಕ್ಕೆ ವಂದನೆ ಸಲ್ಲಿಸುತ್ತೇನೆ. ನಾನು ಇದರ ಹಿಂದೆ ಇದ್ದಾಗಲೆಲ್ಲ ಹೊಸದನ್ನು ಕಲಿತಿದ್ದೇನೆ. ಈಗಲೂ ಕಲಿಯುತ್ತೇದ್ದೇನೆ ಎಂದು ಸೋಷಿಯಲ್​ ಮೀಡಿಯಾ ಪೋಸ್ಟ್​ ಹಾಕಿದ್ದಾರೆ.
ಮನೋಜ್​ ಬಾಜಪೇಯಿ ಅವರು ತಮಗೆ ಕಲಿಸಿದ ಎಲ್ಲ ಶಿಕ್ಷಕರಿಗೂ ಕೃತಜ್ಞತೆ ಸಲ್ಲಿಸಿದ್ದಾರೆ. ಅಕ್ಷರ, ಸಂಖ್ಯೆ, ಪಠ್ಯವನ್ನು ಕಲಿಸಿದ ಶಿಕ್ಷಕ ವೃಂದಕ್ಕಷ್ಟೇ ಅಲ್ಲ, ಈ ಭೂಮಿಯ ಮೇಲೆ ಪ್ರತಿಯೊಂದನ್ನೂ, ಪ್ರತಿಯೊಬ್ಬರನ್ನೂ ಪ್ರೀತಿಸಬೇಕು ಎಂಬ ಪಾಠ ಹೇಳಿಕೊಟ್ಟ ಗುರುವೃಂದಕ್ಕೆ ತಲೆಬಾಗಿ ನಮಿಸುತ್ತೇನೆ ಎಂದಿದ್ದಾರೆ.

ಹಾಗೇ, ಬಾಲಿವುಡ್​ ನಟ ಸೋನು ಸೂದ್​ ಅವರು ತಮ್ಮ ತಾಯಿಯೇ ಗುರು ಎಂದು ಹೇಳಿದ್ದಾರೆ. ತನ್ನ ತಾಯಿಯ ಫೋಟೋವನ್ನು ಇನ್ಸ್ಟಾದಲ್ಲಿ ಶೇರ್​ ಮಾಡಿಕೊಂಡಿರುವ ಸೋನು ಸೂದ್​, ಅಮ್ಮ, ನಾನು ನೀವು ತೋರಿಸಿಕೊಟ್ಟ ಸರಿಯಾದ ದಾರಿಯಲ್ಲೇ ನಡೆಯುತ್ತಿದ್ದೇನೆ. ಗಮ್ಯ ಇನ್ನೂ ದೂರವಿದೆ..ಆದರೆ ಖಂಡಿತ ಅಲ್ಲಿಗೆ ತಲುಪುತ್ತೇನೆ ಎಂದು ಬರೆದಿದ್ದಾರೆ.

ಕಂಗನಾ ರಾವತ್​ ಕೂಡ ತಮ್ಮ ಶಿಕ್ಷಕರಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ. ತಮ್ಮ ಬಾಲ್ಯದ ಫೋಟೋವೊಂದನ್ನು ಶೇರ್​ ಮಾಡಿಕೊಂಡಿದ್ದಾರೆ. ಇದು ನನ್ನ ಒಂದನೇ ತರಗತಿಯ ಫೋಟೋ. ನನ್ನ ಶಿಕ್ಷಕರಿಂದ ಗಿಫ್ಟ್​ ಪಡೆಯುತ್ತಿರುವುದು. ನಾನು ನೇರವಾಗಿ ಹಾಗೂ ಪರೋಕ್ಷವಾಗಿ ಅನೇಕರಿಂದ, ಅನೇಕ ವಿಚಾರಗಳನ್ನು ಕಲಿತಿದ್ದೇನೆ. ಅವರಿಗೆಲ್ಲ ವಂದನೆಗಳು ಎಂದಿದ್ದಾರೆ.
ಶಿಲ್ಪಾ ಶೆಟ್ಟಿ ಸೇರಿ ಇನ್ನೂ ಹಲವು ಗಣ್ಯರು ತಮ್ಮ ಗುರುವೃಂದಕ್ಕೆ ವಂದನೆ ಸಲ್ಲಿಸಿದ್ದಾರೆ. (ಏಜೆನ್ಸೀಸ್)