ಮುಂಬೈ: ಜಾಹ್ನವಿ ಕಪೂರ್ ತನ್ನ 13ನೇ ವಯಸ್ಸಿನಲ್ಲಿಯೇ ಡಯಟ್ ಶುರು ಮಾಡಿದ್ದಾಳೆ ಎಂದು ಬಾಲಿವುಡ್ ನಿದೇರ್ಶಕ ಬೋನಿ ಕಪೂರ್ ಅವರು ಮಗಳ ಹೊಸ ಸಿನಿಮಾ ‘ಮಿಲಿ’ ಪ್ರಚಾರದ ವೇಳೆ ಆಕೆಯ ಆಹಾರದ ಕಾಳಜಿಯ ಬಗ್ಗೆ ಹೇಳಿಕೊಂಡಿದ್ದಾರೆ.
ಬೋನಿ ಕಪೂರ್ ತಮ್ಮ ಪತ್ನಿ ಶ್ರೀದೇವಿ ಮತ್ತು ಮಗಳು ಜಾಹ್ನವಿ ಕಪೂರ್ನೊಂದಿಗೆ ರಜಾದಿನಗಳನ್ನು ಕಳೆಯಲು ನ್ಯೂಯಾರ್ಕ್ಗೆ ಹೋದ ಸಂದರ್ಭವನ್ನು ನೆನಪಿಸಿಕೊಂಡು, ಅಲ್ಲಿ ನಡೆದ ಘಟನೆಯನ್ನು ವಿವರಿಸಿದ್ದಾರೆ. ನ್ಯೂಯಾರ್ಕ್ನ ರೆಸ್ಟೋರೆಂಟ್ಗೆ ಹೋದಾಗ, ಜಾಹ್ನವಿ ಬೆಣ್ಣೆ ಹಾಕದೇ ಇರುವ ಗ್ರೀಲ್ಡ್ ಫಿಶ್ ಅನ್ನು ಆರ್ಡರ್ ಮಾಡಿದ್ದಳು. ಅದನ್ನು ನೋಡಿ ನನಗೆ ಶಾಕ್ ಆಯಿತು. ಯಾರಾದರೂ ಗ್ರೀಲ್ಡ್ ಫಿಶ್ ಅನ್ನು ಬೆಣ್ಣೆ ಹಾಕದೇ ತಿನ್ನುತ್ತಾರಾ? ಎಂದು ನಾನು ಅವಳಿಗೆ ಬೈದಿದ್ದೆ ಎಂದು ಹೇಳುತ್ತಾ ಜಾಹ್ನವಿಯ ಡಯಟ್ ಕಾಳಜಿಯ ಬಗ್ಗೆ ತಿಳಿಸಿದರು.
ಜಾಹ್ನವಿ 13ನೇ ವಯಸ್ಸಿನಲ್ಲಿಯೇ ಡಯಟ್ ಶುರು ಮಾಡಿದ್ದಳು. ದಪ್ಪ ಇದ್ದಾಗ ಅನೇಕರು ಅವಳನ್ನು ಟೀಕಿಸಿದ್ದರು. ಆ ಕಾರಣದಿಂದ ಜಾಹ್ನವಿ ಡಯಟ್ ಶುರು ಮಾಡಿದ್ದಳು. ಅವಳೊಂದಿಗೆ ನನಗೆ ರೆಸ್ಟೋರೆಂಟ್ಗೆ ಹೋಗೋದು ಅಂದ್ರೆ ತಲೆನೋವಾಗುತ್ತೆ. ಯಾಕಂದ್ರೆ ಜಾಹ್ನವಿ ಅವಳ ತಾಯಿಯಂತೆ ಕೇವಲ ಅವಳ ಡಯಟ್ಗೆ ತಕ್ಕ ಫುಡ್ ಸಿಗುವ ರೆಸ್ಟೋರೆಂಟ್ಗೆ ಹೋಗ್ತಾಳೆ. ಇದಷ್ಟೇ ಅಲ್ಲ, ಭಾರತೀಯ ಶೈಲಿಯ ಊಟವೇ ಬೇಕು ಎಂಬ ಕಾರಣಕ್ಕೆ ಬೋನಿ ಕಪೂರ್ ತಮ್ಮ ಮನೆಯ ಅಡುಗೆಯವರನ್ನು ತಮ್ಮೊಂದಿಗೆ ವಿದೇಶ ಪ್ರವಾಸಕ್ಕೆ ಬರಲು ಕೇಳಿಕೊಂಡಿದ್ದರಂತೆ. (ಏಜೆನ್ಸೀಸ್)