ಸೋನುಸೂದ್​ಗೆ ಆಫರ್​ ಕೊಟ್ಟ ಸಣ್ಣ ಹೋಟೆಲ್​ ಮಾಲಕಿ ಕುಮಾರಿ! ಬಾಲಿವುಡ್​ ನಟನ ಸರಳತೆಗೆ ನೆಟ್ಟಿಗರು ಫಿದಾ!

ಹೈದರಾಬಾದ್​: ಬಾಲಿವುಡ್ ಹೀರೋ ಸೋನುಸೂದ್ ಹೈದರಾಬಾದ್ ನ ಕುಮಾರಿ ಫುಡ್ ಸ್ಟಾಲ್​ಗೆ ಭೇಟಿ ನೀಡಿ ಎಲ್ಲರನ್ನು ಅಚ್ಚರಿಗೊಳಿಸಿದರು. ಇದರ ವೀಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್​ ಆಗಿದ್ದು, ನಟನ ಸರಳತೆಗೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿತ್ತಿದ್ದಾರೆ.

ಇದನ್ನೂ ಓದಿ: ತೆಲುಗಿನಲ್ಲಿ ಜಾಹ್ನವಿಗೆ ಮತ್ತೊಂದು ಬಂಪರ್ ಚಾನ್ಸ್​.. ಆ ಬಿಗ್​ಸ್ಟಾರ್ ಎದುರು ಶ್ರೀದೇವಿ ಪುತ್ರಿ ಹೀರೋಯಿನ್​!

ಅಲ್ಲಿದ್ದ ಜನರೊಂದಿಗೆ ಸೆಲ್ಫಿ ಕ್ಲಿಕ್ಕಿಸಿಕೊಂಡ ಸೋನುಸೂದ್, ಮಾಲೀಕರಾದ ಕುಮಾರಿ ಅವರ ಬಳಿ ಬಂದು, ಇವತ್ತು ಸ್ಟಾಲ್ ನಲ್ಲಿ ಏನು ತಿಂಡಿ ಇದೆ ಎಂದು ಕೇಳಿದರು. ಆಗ ಕುಮಾರಿ ಅವರು, ವೆಜ್ 80 ರೂ., ನಾನ್ ವೆಜ್ 120ರೂ. ಎಂದರು. ಆಗ ಸೋನುಸೂದ್​, ನಾನೊಬ್ಬ ಅಪ್ಪಟ ಸಸ್ಯಾಹಾರಿ ಹಾಗಾಗಿ ವೆಜ್ ಟೆಸ್ಟ್ ಮಾಡುತ್ತೇನೆ, ತನಗೆ ಏನಾದರೂ ರಿಯಾಯಿತಿ ಇದೆಯೇ ಎಂದು ಕೇಳಿದರು. ಇದಕ್ಕೆ ಉತ್ತರಿಸಿದ ಕುಮಾರಿ, ನಿನಗೆ ಊಟ ಉಚಿತ ಎಂದು ಹೇಳಿದರು. ಆಗ ಅಲ್ಲಿದ್ದವರೆಲ್ಲ ಥಟ್ಟನೆ ನಕ್ಕರು.

ಸೋನುಸೂದ್​ರನ್ನು ನೋಡುತ್ತಿದ್ದಂತೆ ಕುಮಾರಿ ಭಾವುಕರಾದರು. ಈ ಸಂದರ್ಭದಲ್ಲಿ ಮಾತನಾಡಿದ ಸೋನುಸೂದ್, ಕುಮಾರಿ ಮಹಿಳೆಯರಿಗೆ ಮಾದರಿಯಾಗಿದ್ದಾರೆ. ಸ್ವಯಂ ಉದ್ಯೋಗ ಕೈಗೊಂಡು ಎಲ್ಲರ ಕೃಪೆಗೆ ಪಾತ್ರರಾಗಿರುವುದಲ್ಲದೆ, ಹಲವಾರು ಮಂದಿಗೆ ಉದ್ಯೋಗಾವಕಾಶವನ್ನೂ ಕಲ್ಪಿಸಿದ್ದಾರೆ ಎಂದರು.

ಬಳಿಕ ಕುಮಾರಿ ಮಾತನಾಡಿ.. ಕರೋನಾ ಸಮಯದಲ್ಲಿ ಸೋನುಸೂದ್​ ಸಾಕಷ್ಟು ಜನರಿಗೆ ಬೆಂಬಲ ನೀಡಿದ್ದಾರೆ. ನೀವು ಸಮಾಜಕ್ಕೆ ಕೊಡುಗೆ ಕೊಟ್ಟಿದ್ದೀರಿ. ಅದಕ್ಕೆ ಪ್ರತಿಯಾಗಿ ನಾನು ಉಚಿತವಾಗಿ ಊಟ ನೀಡುತ್ತೇನೆ ಎಂದು ಕುಮಾರಿ ಭಾವುಕರಾದರು. ಸೋನುಸೂದ್ ಅವರು ಕುಮಾರಿ ಸ್ಟಾಲ್ ನಲ್ಲಿ ಫುಡ್ ಟೆಸ್ಟ್ ಮಾಡಿದ್ದು, ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

https://www.vijayavani.net/balakrishna-bhagavanth-kesari-movie-hindi-version-cross-50-million-views-in-youtube