ಬೊಲಿವಿಯಾದಲ್ಲಿ ರಸ್ತೆ ತುಂಬೆಲ್ಲ ಹರಡಿವೆ ಶವಗಳು, 5 ದಿನಗಳಲ್ಲಿ ಸಿಕ್ಕಿವೆ 400ಕ್ಕೂ ಹೆಚ್ಚು ಶವ

ನವದೆಹಲಿ: ಬೊಲಿವಿಯಾದಲ್ಲಿ ರಸ್ತೆಯ ತುಂಬೆಲ್ಲ ಶವಗಳು ಪತ್ತೆಯಾಗುತ್ತಿವೆ. ಪತ್ತೆಯಾಗಿರುವ ಶವಗಳ ಪೈಕಿ ಶೇ.85ಕ್ಕೂ ಹೆಚ್ಚು ಸಾವು ಕೋವಿಡ್​-19 ಸೋಂಕಿನಿಂದ ಸಂಭವಿಸಿರುವುದು ಪತ್ತೆಯಾಗಿದೆ.

ಈ ಬಗ್ಗೆ ಮಾಹಿತಿ ನೀಡಿರುವ ಬೊಲಿವಿಯಾದ ಪೊಲೀಸರು 5 ದಿನಗಳ ಅವಧಿಯಲ್ಲಿ ಒಟ್ಟು 400ಕ್ಕೂ ಹೆಚ್ಚು ಶವಗಳು ಪತ್ತೆಯಾಗಿವೆ. ಕೂಚಂಬಾಂಬಾ ಒಂದರಲ್ಲೇ 191 ಶವಗಳು ಹಾಗೂ ಲಾ ಪಾಜ್​ನಲ್ಲಿ 141 ಶವಗಳು ರಸ್ತೆಯಲ್ಲಿ ಬಿದ್ದಿದ್ದು ಕಂಡುಬಂದಿದೆ. ಸಂತಾ ಕ್ರೂಜ್​ನಲ್ಲಿ 68 ಶವಗಳು ಸಿಕ್ಕಿವೆ ಎಂದು ಹೇಳಿದ್ದಾರೆ.

ಪತ್ತೆಯಾಗಿರುವ ಶವಗಳಲ್ಲಿ ಶೇ.85ಕ್ಕೂ ಹೆಚ್ಚು ಜನರಿಗೆ ಕೋವಿಡ್​-19 ಸೋಂಕು ಇರುವುದು ಇಲ್ಲವೇ ಕರೊನಾ ವೈರಾಣು ಸೋಂಕಿನ ಲಕ್ಷಣಗಳು ಇರುವುದು ಪತ್ತೆಯಾಗಿದೆ. ಆದ್ದರಿಂದ ಅವೆಲ್ಲವನ್ನೂ ಕೋವಿಡ್​ ಶಂಕಿತ ಪ್ರಕರಣಗಳು ಎಂದು ದಾಖಲಿಸಲಾಗುತ್ತದೆ. ಇನ್ನು ಶೇ.15 ಜನರು ವಿವಿಧ ಅನಾರೋಗ್ಯ ಕಾರಣದಿಂದ ಇಲ್ಲವೇ ಹೊಡೆದಾಡಿಕೊಂಡು ಸತ್ತಿರುವ ಸಾಧ್ಯತೆ ಇದೆ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ಜೈಲುಶಿಕ್ಷೆಯಿಂದ ಪಾರಾಗಲು ಸತ್ತಂತೆ ನಟಿಸಿದ, ಆದರೂ ಸಿಕ್ಕಿಬಿದ್ದ ಜಾಣ!

ಬೊಲಿವಿಯಾದಲ್ಲೇ ಸಾಂತಾ ಕ್ರೂಜ್​ ಪ್ರದೇಶದಲ್ಲಿ ಗರಿಷ್ಠ ಕೋವಿಡ್​-19 ಪ್ರಕರಣಗಳು ವರದಿಯಾಗಿವೆ. ಈ ಪ್ರದೇಶದಲ್ಲೇ ಒಟ್ಟು 60 ಸಾವಿರಕ್ಕೂ ಹೆಚ್ಚು ಕರೊನಾ ಸೋಂಕಿತರು ಪತ್ತೆಯಾಗಿದ್ದಾರೆ. ಇದೀಗ ಕೂಚಂಬಾಂಬಾ ಮತ್ತು ಲಾ ಪಾಜಾ ಪ್ರದೇಶಗಳಲ್ಲಿ ಸೋಂಕು ತೀವ್ರವಾಗಿ ಹಬ್ಬತ್ತಿರುವ ವರದಿಗಳು ಲಭ್ಯವಾಗುತ್ತಿವೆ ಎಂದು ಹೇಳಿದ್ದಾರೆ.

ಬೊಲಿವಿಯಾದ ವಿಧಿವಿಜ್ಞಾನ ತನಿಖಾ ಸಂಸ್ಥೆಯ ನಿರ್ದೇಶಕ ಆಂಡ್ರೆಸ್​ ಫ್ಲೋರೆಸ್​ ಪ್ರಕಾರ ಏಪ್ರಿಲ್​ 1ರಿಂದ ಜುಲೈ 19ರವರೆಗೆ ರಸ್ತೆ ಬದಿಗಳಲ್ಲಿ ಒಟ್ಟು 3 ಸಾವಿರಕ್ಕೂ ಹೆಚ್ಚು ಶವಗಳು ಪತ್ತೆಯಾಗಿವೆ. ಇವರೆಲ್ಲರೂ ಕೋವಿಡ್​ನಿಂದ ಸತ್ತಿರುವ ಶಂಕೆ ಇದೆ ಎಂದು ಹೇಳಿದ್ದಾರೆ.

https://www.vijayavani.net/rahul-gandhi-says-people-were-promised-ram-raj-got-gundaraj/