ರಾಜಸ್ಥಾನ ವಿಧಾನಸಭೆ ಚುನಾವಣೆ: ಎರಡನೇ ಪಟ್ಟಿ ಬಿಡುಗಡೆ ಮಾಡಿದ ಬಿಜೆಪಿ, ವಸುಂಧರಾ ರಾಜೆ ಸೇರಿದಂತೆ 54 ಅಭ್ಯರ್ಥಿಗಳಿಗೆ ಟಿಕೆಟ್

ರಾಜಸ್ಥಾನ: ರಾಜಸ್ಥಾನ ವಿಧಾನಸಭೆ ಚುನಾವಣೆಗೆ ಬಿಜೆಪಿ ತನ್ನ ಎರಡನೇ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದು, 54 ಅಭ್ಯರ್ಥಿಗಳಿಗೆ ಬಿಜೆಪಿ ಟಿಕೆಟ್ ನೀಡಿದೆ. ಈ ಕುರಿತು ಬಿಜೆಪಿ ಪತ್ರಿಕಾ ಪ್ರಕಟಣೆ ಹೊರಡಿಸಿದೆ.

ಅಕ್ಟೋಬರ್ 20ರಂದು ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ.ನಡ್ಡಾ ಅವರ ಅಧ್ಯಕ್ಷತೆಯಲ್ಲಿ ಕೇಂದ್ರ ಚುನಾವಣಾ ಸಮಿತಿ ಸಭೆ ನಡೆದಿದೆ. ಸಭೆಯಲ್ಲಿ 54 ಅಭ್ಯರ್ಥಿಗಳ ಹೆಸರನ್ನು ಅಂಗೀಕರಿಸಲಾಯಿತು.

ರಾಜಸ್ಥಾನದ ಮಾಜಿ ಸಿಎಂ ವಸುಂಧರಾ ರಾಜೆ ಅವರಿಗೆ ಝಲ್ರಾಪಟನ್ ನಿಂದ ಬಿಜೆಪಿ ಟಿಕೆಟ್ ನೀಡಿದೆ. ಇದಲ್ಲದೆ, ಪಕ್ಷವು ಅಮೇರ್‌ನಿಂದ ಸತೀಶ್ ಪೂನಿಯಾ, ತಾರಾನಗರದಿಂದ ರಾಜೇಂದ್ರ ರಾಥೋಡ್ ಮತ್ತು ನಾಗೌರ್‌ನಿಂದ ಜ್ಯೋತಿ ಮಿರ್ಧಾ ಅವರನ್ನು ನಾಮನಿರ್ದೇಶನ ಮಾಡಿದೆ.

ಇದರೊಂದಿಗೆ ಧರಿಯಾವಾಡದಿಂದ ಕನ್ಹಯ್ಯಾಲಾಲ್ ಮೀನಾ, ಮಾಲ್ಪುರ-ತೋಡರೈಸಿಂಗ್‌ನಿಂದ ಕನ್ಹಯ್ಯಾಲಾಲ್ ಚೌಧರಿ, ಜೋಧ್‌ಪುರ ಸುರ್‌ಸಾಗರ್‌ನಿಂದ ದೇವೇಂದ್ರ ಜೋಶಿ, ಜಾಲೋರ್‌ನಿಂದ ಜೋಗೇಶ್ವರ್ ಗಾರ್ಗ್, ಬಿಕಾನೇರ್-ವೆಸ್ಟ್‌ನಿಂದ ಜೇತಾನಂದ ವ್ಯಾಸ್ ಮತ್ತು ಅಶೋಕ್ ದೋಗ್ರಾ ಅವರಿಗೆ ಬಿಜೆಪಿ ಟಿಕೆಟ್ ನೀಡಿದೆ.

ಬಿಜೆಪಿ ಬಿಕಾನೇರ್-ಪೂರ್ವದಿಂದ ಸಿದ್ಧಿ ಕುಮಾರಿ, ಪೋಖ್ರಾನ್‌ನಿಂದ ಮಹಂತ್ ಪ್ರತಾಪ್ ಪುರಿ, ಚೌಹ್ತಾನ್‌ನಿಂದ ಅದುರಾಮ್ ಮೇಘವಾಲ್, ಜಲೋರ್‌ನಿಂದ ಜೋಗೇಶ್ವರ್ ಗಾರ್ಗ್, ಸಿವಾನಾದಿಂದ ಹಮೀರ್ ಸಿಂಗ್ ಭಯಾಲ್ ಅವರನ್ನು ಕಣಕ್ಕಿಳಿಸಿದೆ. ಇದರೊಂದಿಗೆ ಮಹಾರಾಣಾ ಪ್ರತಾಪ್ ವಂಶಸ್ಥ ವಿಶ್ವರಾಜ್ ಸಿಂಗ್ ಮೇವಾರ್ ಅವರಿಗೂ ಬಿಜೆಪಿ ಟಿಕೆಟ್ ನೀಡಿದೆ. ಬಿಜೆಪಿ ಅವರನ್ನು ನಾಥದ್ವಾರದಿಂದ ತನ್ನ ಅಭ್ಯರ್ಥಿ ಎಂದು ಘೋಷಿಸಿದೆ.

ರಾಜಸ್ಥಾನ ವಿಧಾನಸಭಾ ಚುನಾವಣೆಗೆ ಬಿಜೆಪಿ 41 ಅಭ್ಯರ್ಥಿಗಳ ಮೊದಲ ಪಟ್ಟಿಯನ್ನು ಈಗಾಗಲೇ ಬಿಡುಗಡೆ ಮಾಡಿದೆ.

https://www.vijayavani.net/congress-releases-first-list-of-33-candidates-for-rajasthan-assembly-elections