ಐದನೇ ರನ್ನರ್​ಅಪ್​ ಆಗಿ BiggBoss ಮನೆಯಿಂದ ಹೊರಬಂದ ಭವ್ಯಾ ಗೌಡ ಪಡೆದ ಸಂಭಾವನೆ, ಬಹುಮಾನದ ಮೊತ್ತ ಎಷ್ಟು? ಫಿನಾಲೆ ವೇದಿಕೆಯಲ್ಲಿ ಬಹಿರಂಗವಾಯ್ತು ಅಸಲಿ ವಿಚಾರ

ಬೆಂಗಳೂರು: ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್​ಬಾಸ್​ (BiggBoss) ಮುಕ್ತಾಯದ ಹಂತಕ್ಕೆ ತಲುಪಿದ್ದು, ಇಂದು (ಜನವರಿ 26) ವಿಜೇತರ ಹೆಸರು ತಿಳಿದು ಬರಲಿದೆ. ಶನಿವಾರದ ಸಂಚಿಕೆಯಲ್ಲಿ ಸ್ಫರ್ಧಿ ಭವ್ಯಾ ಗೌಡ ಮನೆಯಿಂದ ಐದನೇ ರನ್ನರ್​ಅಪ್​ ಆಗಿ ಎಲಿಮಿನೇಟ್​ ಆಗಿದ್ದು, ಇಂದಿನ ಸಂಚಿಕೆಯಲ್ಲಿ ಟಾಪ್​ ಐದು ಕೆಂಟೆಸ್ಟೆಂಟ್ಸ್​ ಯಾರಾಗಲಿದ್ದಾರೆ ಎಂಬ ವಿಚಾರ ರಿವೀಲ್​ ಆಗಲಿದೆ.

ಕಲರ್ಸ್​ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಗೀತಾ ಧಾರಾವಾಹಿ ಮೂಲಕ ಖ್ಯಾತಿ ಪಡೆದ ಭವ್ಯಾ ಗೌಡ ಬಿಗ್​ಬಾಸ್​ (BiggBoss) 11ನೇ ಆವೃತ್ತಿಯ ಮೊದಲ ಕಂಟೆಸ್ಟೆಂಟ್​ ಆಗಿ ಮನೆಗೆ ಎಂಟ್ರಿ ಕೊಟ್ಟಿದ್ದರು. ಅಲ್ಲದೇ ಈ ಸೀಸನ್​ನಲ್ಲಿ ಬ್ಯಾಕ್ ಟು ಬ್ಯಾಕ್​ ಕ್ಯಾಪ್ಟನ್​ ಆಗುವ ಮೂಲಕ ಎಲ್ಲರ ಗಮನ ಸೆಳೆದಿದ್ದ ಭವ್ಯಾ 64,48,853 ಮತಗಳನ್ನು ಪಡೆಯುವ ಮೂಲಕ ಮನೆಯಿಂದ ಮೊದಲು ಎಲಿಮಿನೇಟ್​ ಆಗಿದ್ದಾರೆ. 5,23,89,318 ಕೋಟಿ ಮತ ಪಡೆದ ಸ್ಪರ್ಧಿ ಬಿಗ್​ಬಾಸ್​ ಟ್ರೋಫಿಗೆ ಮುತ್ತಿಕ್ಕಲಿದ್ದಾರೆ.

ಸಿಕ್ಕಾಪಟ್ಟೆ ಬೇಸರವಾಗುತ್ತಿದೆ ಒಂದು ದಿನ ಮಿಸ್‌ ಮಾಡಿದೆ ಅನ್ನುವ ನೋವಿದೆ. ಇವತ್ತು ಅಳಬಾರದು ಖುಷಿಯಿಂದ ಹೋಗೋಣ ಅಂದುಕೊಂಡಿದ್ದೇನೆ ಎಲ್ಲ ಸ್ಪರ್ಧಿಗಳನ್ನು ಎದುರಿಸಿ ಟಾಪ್‌ 6 ಸ್ಪರ್ಧಿಯಾಗಿದ್ದೇನೆ ಎನ್ನುವುದಕ್ಕೆ ಖುಷಿ ಇದೆ ಎಂದು ಭವ್ಯಾ ಮನೆಯಿಂದ ಹೊರಬಂದ ಬಳಿಕ ವೇದಿಕೆಯಲ್ಲಿ ನಿರೂಪಕ ಸುದೀಪ್‌ ಬಳಿ ಹೇಳಿಕೊಂಡಿದ್ದಾರೆ.

ಇನ್ನೂ ಭವ್ಯಾ ಗೌಡ ಅವರಿಗೆ ದೊಡ್ಡ ಮಟ್ಟದಲ್ಲಿ ಬಹುಮಾನ ಸಿಕ್ಕಿದೆ. ಬಿಗ್​ಬಾಸ್​ (BiggBoss) ಮನೆಯಿಂದ ಎಲಿಮಿನೇಟ್​ ಆಗಿ ಹೊರಬಂದ ಬಳಿಕ ಕಿಚ್ಚ ಸುದೀಪ್​ ಅವರನ್ನು ಭೇಟಿಯಾದ ಬಳಿಕ ಕಾರ್ಯಕ್ರಮದ ಪ್ರಾಯೋಜಕರಾದ ಶ್ರೀಕೃಷ್ಣ ಹಳ್ಳಿ ತುಪ್ಪದ ಕಡೆಯಿಂದ 2 ಲಕ್ಷ ರೂ., ಸುದರ್ಶನ್ ಸಿಲ್ಕ್ಸ್ ಕಡೆಯಿಂದ 1 ಲಕ್ಷ ರೂ. ಹಾಗೂ ಇಕೋ ಪ್ಲ್ಯಾನೆಟ್ ಎಲಿವೇಟರ್ ಕಡೆಯಿಂದ 50 ಸಾವಿರ ರೂ, ಬಹುಮಾನ ನೀಡಲಾಗಿದೆ. ಅಲ್ಲದೇ ಇಷ್ಟು ದಿನಗಳ ಕಾಲ ಬಿಗ್​ಬಾಸ್​ ಮನೆಯಲ್ಲಿ ಇದ್ದಿದ್ದಕ್ಕೆ ಪ್ರತ್ಯೇಕ ಸಂಭಾವನೆಯನ್ನು ಭವ್ಯಾ ಅವರು ಪಡೆಯಲಿದ್ದಾರೆ.

https://www.vijayavani.net/dont-know-what-wrong-he-did-harbhajan-singh-fumes-at-sanju-samson-snub

https://www.vijayavani.net/biggboss-offiaicl-voting-data-revealed-in-finale-stage