ವೈಯಕ್ತಿಕ ಕಾರಣಕ್ಕೆ ಬಿಗ್​ಬಾಸ್​ನಿಂದ ಹೊರಬಂದ ಸ್ಪರ್ಧಿ ಆಸ್ಪತ್ರೆಗೆ ದಾಖಲು; ದೊಡ್ಮನೆಲಿ ಗೋಲ್ಡ್​ ಸುರೇಶ್​ಗೆ ಆಗಿದ್ದೇನು? | Gold Suresh

ಬೆಂಗಳೂರು: ಬಿಗ್ ಬಾಸ್ ಕನ್ನಡ 11ರ ಸ್ಪರ್ಧಿ ಗೋಲ್ಡ್ ಸುರೇಶ್ (Gold Suresh) ಯಾರಿಗೆ ಗೊತ್ತಿಲ್ಲ ಹೇಳಿ. ದೊಡ್ಮನೆಗೆ ಎಂಟ್ರಿಕೊಡುವ ಮೊದಲು ಮೈಮೇಲೆ ಸಿಕ್ಕಾಪಟ್ಟೆ ಗೋಲ್ಡ್​​​​ ಹಾಕಿಕೊಂಡು ವೇದಿಕೆ ಮೇಲೆ ಬಂದು ಸುರೇಶ್​​ರನ್ನು ಯಾರು ಮರೆಯಲು ಸಾಧ್ಯವೆ ಇಲ್ಲ.ಬೆಳಗಾವಿಯ ಅಥಣಿ ತಾಲೂಕಿನ ಪಾರ್ಥನಹಳ್ಳಿಯಿಂದ ಬಂದು ಬೆಂಗಳೂರಿನಲ್ಲಿ ಬದುಕು ಕಟ್ಟಿಕೊಂಡಿರುವ ಗೋಲ್ಡ್ ಸುರೇಶ್ ಬಿಗ್​ಬಾಸ್​ ಮನೆಯಲ್ಲಿ ತನ್ನ ಆಟದಿಂದ ಎಲ್ಲರ ಗಮನ ಸೆಳೆದಿದ್ದರು.‘

ಇದನ್ನು ಓದಿ: 90ರ ದಶಕದಲ್ಲಿ ಅರೆ-ನಗ್ನ ಫೋಟೋಶೂಟ್ ಮಾಡಿಸಿದ್ದ ನಟಿ; ಈ ಬಗ್ಗೆ ಮೌನಮುರಿದ ಮಮತಾ ಕುಲಕರ್ಣಿ ಹೇಳಿದಿಷ್ಟು.. | Mamta Kulkarni

ಉತ್ತಮವಾಗಿ ಆಟವಾಡುತ್ತಿದ್ದ ಗೋಲ್ಡ್​​ ಸುರೇಶ್​​​​ ಕ್ಯಾಪ್ಟನ್​​ ಆದ ವಾರದಲ್ಲೇ ತಮ್ಮ ವೈಯಕ್ತಿಕ ಕಾರಣಕ್ಕೆ ಕಾರ್ಯಕ್ರಮದಿಂದ ಹೊರಬಂದರು. ಆ ಸಮಯದಲ್ಲಿ ಹಲವು ಊಹಾಪೋಹಗಳು ಹರಿದಾಡುತ್ತಿದ್ದವು, ಆದರೆ ಅದಕ್ಕೆಲ್ಲಾ ಫುಲ್​ಸ್ಟಾಪ್​ ಇಡುವಂತೆ ಗೋಲ್ಡನ್​​ ಸುರೇಶ್​​​​ ದೊಡ್ಮನೆಯಿಂದ ಹೊರಬಂದದ್ದು ಯಾಕೆ ಎಂದು ತಿಳಿಸಿದ್ದರು.

ನನ್ನನ್ನೇ ನಂಬಿ ಹಲವು ಕುಟುಂಬಗಳಿವೆ. ನಾನು ಬಿಗ್ ಬಾಸ್ ಮನೆಗೆ ಹೋದ ನಂತರ ನನ್ನ ಪತ್ನಿ ಒತ್ತಡಕ್ಕೊಳಗಾದರು, ಬಿಜಿನೆಸ್ ಮ್ಯಾನೇಜ್ ಮಾಡಲು ಅವರಿಗೆ ಸಾಧ್ಯವಾಗಲಿಲ್ಲ. ಹೀಗಾಗಿ ಅನಿವಾರ್ಯವಾಗಿ ನಾನು ಮನೆಯಿಂದ ಹೊರ ಬರಬೇಕಾಯ್ತು ಎಂದು ಹೇಳಿದ್ದರು. ಆದರೆ ವಿಚಾರದ ಅದಲ್ಲ, ಗೋಲ್ಡ್​ ಸುರೇಶ್​​ ದಿಢೀರ್​​ ಅಂತ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಆಸ್ಪತ್ರೆಯ ಬೆಡ್ ಮೇಲೆ ಸುರೇಶ್ ಇರುವ ಫೋಟೋ ಮತ್ತು ವಿಡಿಯೋ ವೈರಲ್ ಆಗುತ್ತಿವೆ. ಯಾವ ಕಾರಣಕ್ಕೆ ಗೋಲ್ಡ್​ ಸುರೇಶ್​ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಸಂಪೂರ್ಣ ಮಾಹಿತಿಯನ್ನು ಇಲ್ಲಿ ತಿಳಿಸಲಾಗಿದೆ.

ಬೆಂಗಳೂರಿನ ಆಸ್ಪತ್ರೆಗೆ ದಾಖಲಾಗಿರುವ ಗೋಲ್ಡ್​ ಸುರೇಶ್​​​​ ದೊಡ್ಮನೆಯಲ್ಲಿರುವಾಗಲೇ ಕಾಲಿಗೆ ಪೆಟ್ಟು ಮಾಡಿಕೊಂಡಿದ್ದರು. ಬಿಗ್ ಬಾಸ್‌ನಲ್ಲಿದ್ದಾಗ ಟಾಸ್ಕ್ ನಿರ್ವಹಿಸುವ ಸಮಯದಲ್ಲಿ ಗೋಲ್ಡ್ ಸುರೇಶ್ ಕಾಲಿಗೆ ಪೆಟ್ಟು ಮಾಡಿಕೊಂಡಿದ್ದರು. ಆ ಸಮಯದಲ್ಲಿ ಕಾಲು ಮುರಿದೇ ಹೋಯ್ತು ಎಂದು ಗೋಳಾಡಿದ್ದರು. ಸುರೇಶ್ ಅವರ ಈ ಸಂಕಟ ಕಂಡು ಮನೆಮಂದಿ ಕೂಡ ಗಾಬರಿ ಆಗಿದ್ದರು. ಬಳಿಕ ಅವರಿಗೆ ಬಿಗ್ ಬಾಸ್ ಟೀಮ್ ಚಿಕಿತ್ಸೆ ನೀಡಿದ್ದರು.

ಬಳಿಕ ಕುಟುಂಬದಲ್ಲಿ ತುರ್ತು ಪರಿಸ್ಥಿತಿ ಎಂದು ದೊಡ್ಮನೆಯಿಂದ ಸುರೇಶ್ ಹೊರಬಂದಿದ್ದರು. ಆದರೀಗ ಅಂದು ಆಗಿರುವ ಗಾಯ ಉಲ್ಭಣಗೊಂಡಿದೆ. ಹಾಗಾಗಿ ಬೆಂಗಳೂರಿನ ಖಾಸಗಿ ಆಸ್ಪತ್ರೆವೊಂದರಲ್ಲಿ ಸುರೇಶ್ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇಂದು (ಫೆಬ್ರವರಿ 3) ಬೆಳಗ್ಗೆ ಸುರೇಶ್‌ಗೆ ಆಪರೇಷನ್ ಮಾಡಲಾಗಿದೆ. ಆತಂಕ ಪಡುವ ಅಗತ್ಯವಿಲ್ಲ, ಸದ್ಯ ಅವರ ಆರೋಗ್ಯದಲ್ಲಿ ಚೇತರಿಕೆ ಕಂಡಿದ್ದು 3 ದಿನಗಳ ಬಳಿಕ ಡಿಸ್ಚಾರ್ಜ್ ಆಗಲಿದ್ದಾರೆ ಎಂದು ಹೇಳಲಾಗುತ್ತಿದೆ.

https://www.vijayavani.net/samantha-ruth-prabhu-confirms-dating-raj-nidimoru-both-spotted-at-pickleball-event-amid-rumours