ಯುಪಿಐ, ಟ್ರೈನ್​ ಟಿಕೇಟ್​, ಸಿಲಿಂಡರ್​ ನಿಯಮಗಳಲ್ಲಿ ಬಿಗ್​ ಅಪ್ಡೇಟ್​: ಇಂದಿನಿಂದಲೇ ಹೊಸ ರೂಲ್ಸ್​ ಜಾರಿ | Rules

Rules : ಅಕ್ಟೋಬರ್​ ತಿಂಗಳು ಪ್ರಾರಂಭವಾಗುತ್ತಿದ್ದಂತೆಯೇ ಸರ್ಕಾರ ವಿವಿಧ ವಯಲಯಗಳಲ್ಲಿ ಅನೇಕ ಬದಲಾವಣೆಗಳನ್ನು ಜಾರಿಗೆ ತಂದಿದೆ. ಹೊಸ ನಿಯಮಗಳ ಪ್ರಕಾರ, ಬ್ಯಾಂಕಿಂಗ್​, ಪ್ರಯಾಣ, ಪಿಂಚಣಿ ಮತ್ತು ಅಂಚೆ ಸೇವೆಗಳಂತಹ ಕ್ಷೇತ್ರಗಳಲ್ಲಿ ಸಾಮಾನ್ಯ ಜನರ ಮೇಲೆ ಪ್ರಭಾವ ಬೀರಲಿದ್ದು, ಅಕ್ಟೋಬರ್​ 1 ರಿಂದ ಏನೇನು ಬದಲಾವಣೆ ಆಗಲಿದೆ ಎಂಬುದನ್ನು ಈ ಕೆಳಗೆ ನೀಡಲಾಗಿದೆ.

UPI ನಿಯಮದಲ್ಲಿ ಬದಲಾವಣೆ

ಇಂದಿನಿಂದಲೇ ಪ್ರಾರಂಭವಾಗುವಂತೆ ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ (NPCI) UPI ಅಪ್ಲಿಕೇಶನ್‌ಗಳಲ್ಲಿ P2P (ಪೀರ್-ಟು-ಪೀರ್) ಸಂಗ್ರಹ ವಿನಂತಿ ವೈಶಿಷ್ಟ್ಯವನ್ನು ನಿಲ್ಲಿಸಿದೆ. ಈ ಹಿಂದೆ ಇದು ಬಳಕೆದಾರರಿಗೆ ಹಣವನ್ನು ಪಾವತಿಸಲು ಮತ್ತು ಇತರರಿಗೆ ವಿನಂತಿಯನ್ನು ಕಳುಹಿಸಲು ಅವಕಾಶ ಮಾಡಿಕೊಟ್ಟಿದೆ. ಇನ್ನು UPI ವಹಿವಾಟುಗಳಲ್ಲಿ ಸಾರ್ವಜನಿಕರ ಸುರಕ್ಷತೆಯನ್ನು ಹೆಚ್ಚಿಸುವುದು ಮತ್ತು ವಂಚನೆಯನ್ನು ಕಡಿಮೆ ಮಾಡುವುದು ಇದರ ಮುಖ್ಯ ಗುರಿಯಾಗಿದೆ. ಆದರೆ, ಸಾಮಾನ್ಯ UPI ಪಾವತಿಗಳು ಮತ್ತು ವರ್ಗಾವಣೆಗಳು ಕಾರ್ಯನಿರ್ವಹಿಸುತ್ತವೆ.

ಇದನ್ನೂ ಓದಿ: ಏಷ್ಯಾಕಪ್​ ಟ್ರೋಫಿ ನಿಮ್ಮ ಆಸ್ತಿಯಲ್ಲ! ಕಪ್​, ಮೆಡಲ್​ ಹೊತ್ತೊಯ್ದ ಮೊಹ್ಸಿನ್​ ನಖ್ವಿಗೆ ಬಿಸಿಸಿಐ ಖಡಕ್​ ವಾರ್ನಿಂಗ್ | Asia Cup Trophy

ರೈಲು ಟಿಕೆಟ್ ಬುಕಿಂಗ್ ನಿಯಮದಲ್ಲಿ ಬದಲಾವಣೆ

ಭಾರತೀಯ ರೈಲ್ವೆಯು ತತ್ಕಾಲ್​ ಟಿಕೆಟ್​ಗಳನ್ನು ಕಾಯ್ದಿರಿಸುವ ನಿಯಮಗಳನ್ನು ಬದಲಾಯಿಸಿದೆ. ಬುಕಿಂಗ್ ವಿಂಡೋ ತೆರೆದ ಮೊದಲ 15 ನಿಮಿಷಗಳಲ್ಲಿ, ಆಧಾರ್ ಪರಿಶೀಲನೆ ಹೊಂದಿರುವ ಬಳಕೆದಾರರು ಮಾತ್ರ ಟಿಕೆಟ್‌ಗಳನ್ನು ಬುಕ್ ಮಾಡಬಹುದಾಗಿದೆ. ಇನ್ನು ಈ ನಿಯಮವು ತತ್ಕಾಲ್ ಟಿಕೆಟ್‌ಗಳಿಗೆ ಮಾತ್ರ. ಇದು ವಂಚನೆ ಮತ್ತು ದುರುಪಯೋಗವನ್ನು ಕಡಿಮೆ ಮಾಡುವ ಗುರಿಯನ್ನು ಹೊಂದಿದೆ.

ಪಿಂಚಣಿ ಯೋಜನೆಯ ಶುಲ್ಕಗಳಲ್ಲಿ ಬದಲಾವಣೆ

ಪಿಂಚಣಿ ನಿಧಿ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ (PFRDA) ಪಿಂಚಣಿ ಖಾತೆಗಳಿಗೆ ಶುಲ್ಕಗಳನ್ನು ಬದಲಾಯಿಸಿದೆ. ಅಂದರೆ ಹೊಸ PRAN ಖಾತೆಗಳನ್ನು ತೆರೆಯುವ ಸರ್ಕಾರಿ ನೌಕರರು e-PRAN ಕಿಟ್‌ಗೆ 18 ರೂ. ಪಾವತಿಸಬೇಕು ಎಂದು ತಿಳಿಸಿದೆ.

ಸ್ಪೀಡ್ ಪೋಸ್ಟ್ ಸೇವೆಯಲ್ಲಿ ಬದಲಾವಣೆ

ಇಂಡಿಯಾ ಪೋಸ್ಟ್ ತನ್ನ ಸ್ಪೀಡ್​ ಪೋಸ್ಟ್​ ಸೇವೆಯಲ್ಲಿ ಹಲವಾರು ನವೀಕರಣವನ್ನು ಮಾಡಿದೆ. ಕೆಲವೊಂದು ಶುಲ್ಕಗಳನ್ನು ಪರಿಷ್ಕರಿಸಲಾಗಿದ್ದು, ಕೆಲವು ನಗರಗಳಲ್ಲಿ ಹೆಚ್ಚಿಸಲಾಗಿದೆ ಹಾಗೂ ಇನ್ನಿತರ ಕಡೆಗಳಲ್ಲಿ ಕಡಿಮೆ ಮಾಡಲಾಗಿದೆ. ಹೊಸ ಸೇವೆಗಳಲ್ಲಿ OTP ಆಧಾರಿತ ವಿತರಣೆ, ನೈಜ-ಸಮಯದ ಟ್ರ್ಯಾಕಿಂಗ್ ಮತ್ತು ಆನ್‌ಲೈನ್ ಬುಕಿಂಗ್ ಸೇರಿವೆ. ಇವು ಅಂಚೆ ಸೇವೆಗಳಲ್ಲಿ ಸುರಕ್ಷಿತ ವಿಧಾನವಾಗಿದೆ.

ಇದನ್ನೂ ಓದಿ: 40 ನೇ ವಯಸ್ಸಿನಲ್ಲಿ 2ನೇ ಮಗುವಿಗೆ ಜನ್ಮ ನೀಡಲಿದ್ದಾರೆ ಸೋನಮ್ ಕಪೂರ್! Sonam Kapoor Pregnant

ಎಲ್‌ಪಿಜಿ ಸಿಲಿಂಡರ್ ಬೆಲೆ ಏರಿಕೆ

ಪ್ರತಿ ತಿಂಗಳು ನಡೆಯುವಂತೆ, ಹೊಸ LPG ಬೆಲೆಗಳು ಹೊರಬರುತ್ತವೆ. ಅಕ್ಟೋಬರ್​ 1 ರಿಂದ ವಾಣಿಜ್ಯ ಎಲ್​ಪಿಜಿ ಸಿಲಿಂಡರ್​ ಬೆಲೆಗಳಲ್ಲಿ 15 ರೂ. ಹೆಚ್ಚಳ ಕಂಡಿದೆ. ಇನ್ನು ಗೃಹ ಬಳಕೆಯ ಅಡುಗೆ ಅನಿಲದ ಬೆಲೆಯಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ. (ಏಜೆನ್ಸೀಸ್​)

https://www.vijayavani.net/america-i-love-you-indian-womans-tearful-goodbye