Republic Day 2025 | ಸಂವಿಧಾನ ಸಭೆಯಲ್ಲಿನ ಏಕೈಕ ಮುಸ್ಲಿಂ ಮಹಿಳಾ ಸದಸ್ಯೆ; ಬೇಗಂ ಕುದ್ಸಿಯಾ ಐಜಾಜ್ ರಸೂಲ್ ಕುರಿತು ನಿಮಗೆಷ್ಟು ಗೊತ್ತು? | Begum Aizaz Rasul

ನವದೆಹಲಿ: ಗಣರಾಜ್ಯೋತ್ಸವ ಬರಲಿದೆ. ಭಾರತದ ಸಂವಿಧಾನವನ್ನು ಜನವರಿ 26 ರಂದು ಅಧಿಕೃತವಾಗಿ ಅಂಗೀಕರಿಸಲಾಯಿತು. ಭಾರತದ ಸಂವಿಧಾನ ರಚನೆಯಲ್ಲಿ 15 ಮಹಿಳೆಯರ ಪಾತ್ರ ಶ್ಲಾಘನೀಯ. ಭಾರತದ ರಾಜಕೀಯ ಮತ್ತು ಸಂವಿಧಾನ ರಚನೆಯಲ್ಲಿ ಐತಿಹಾಸಿಕ ವ್ಯಕ್ತಿತ್ವದ ಮಹಿಳೆಯೂ ಇದ್ದರು. ಅವರಲ್ಲಿ ಒಬ್ಬರು ಬೇಗಂ ಕುದ್ಸಿಯಾ ಐಜಾಜ್ ರಸೂಲ್(Begum Aizaz Rasul).

ಇದನ್ನು ಓದಿ: Kurukshetra | ಕುರುಕ್ಷೇತ್ರ ಯುದ್ಧದ ಕೊನೆಯಲ್ಲಿ ರಣಭೂಮಿಗೆ ದ್ರೌಪದಿಯನ್ನು ಶ್ರೀಕೃಷ್ಣ ಕರೆತಂದಿದ್ದೇಕೆ; ಪರಮಾತ್ಮ ಹೇಳಿದ್ದೇನು?

ಬೇಗಂ ಕುದ್ಸಿಯಾ ಐಜಾಜ್ ರಸೂಲ್.ಅವರ ಕೊಡುಗೆಗಳು ಮತ್ತು ಆಲೋಚನೆಗಳು ಇಂದಿಗೂ ಪ್ರಸ್ತುತವಾಗಿವೆ. ಇವರು ಸಂವಿಧಾನದ ಕರಡು ರಚನೆಯಲ್ಲಿ ಪ್ರಮುಖ ಪಾತ್ರವನ್ನು ವಹಿಸಿದ್ದು ಮಾತ್ರವಲ್ಲದೆ ಜಾತ್ಯತೀತತೆ, ಮಹಿಳಾ ಸಬಲೀಕರಣ ಮತ್ತು ಸಾಮಾಜಿಕ ಸುಧಾರಣೆಗಳಿಗಾಗಿ ಧ್ವನಿ ಎತ್ತಿದರು. ಅವರು ಭಾರತೀಯ ರಾಜಕೀಯದಲ್ಲಿ ಮಹಿಳೆಯರ ಪಾತ್ರಕ್ಕೆ ಉದಾಹರಣೆಯಾಗಿದ್ದರು ಮತ್ತು ಇಂದಿಗೂ ಹಲವರಿಗೆ ಸ್ಫೂರ್ತಿಯ ಮೂಲವಾಗಿದ್ದಾರೆ.

ಗಣರಾಜ್ಯೋತ್ಸವದ ಸಮಯದಲ್ಲಿ ಬೇಗಂ ಕುದ್ಸಿಯಾ ಐಜಾಜ್ ರಸೂಲ್ ಅವರ ಕುರಿತು ಒಂದಿಷ್ಟು ವಿಚಾರಗಳನ್ನು ಇಲ್ಲಿ ತಿಳಿಸಲಾಗಿದೆ. ಬೇಗಂ ಕುದ್ಸಿಯಾ ಐಜಾಜ್ ರಸೂಲ್ ಅವರು ಅವಿಭಜಿತ ಪಂಜಾಬ್‌ನ ಮಲೇರ್‌ಕೋಟ್ಲಾದಲ್ಲಿ 4 ಏಪ್ರಿಲ್ 1908 ರಂದು ಜನಿಸಿದರು. ಅವರು ನವಾಬ್ ಜುಲ್ಫಿಕರ್ ಅಲಿ ಖಾನ್ ಕುಟುಂಬಕ್ಕೆ ಸೇರಿದವರು. ಅವರು ನವಾಬ್ ಐಜಾಜ್ ರಸೂಲ್ ಅವರನ್ನು ವಿವಾಹವಾದರು.

ಭಾರತ ಸರ್ಕಾರದ ಕಾಯಿದೆ 1935ರ ಅಡಿಯಲ್ಲಿ ತನ್ನ ಪತಿಯೊಂದಿಗೆ ಮುಸ್ಲಿಂ ಲೀಗ್‌ಗೆ ಸೇರಿದರು. ಉತ್ತರಪ್ರದೇಶ ವಿಧಾನ ಪರಿಷತ್ ಚುನಾವಣೆಯಲ್ಲಿ ಸ್ಪರ್ಧಿಸಿದ್ದಾರೆ. 299 ಸದಸ್ಯರ ಸಂವಿಧಾನ ಸಭೆಯಲ್ಲಿ ಅವರು ಏಕೈಕ ಮುಸ್ಲಿಂ ಮಹಿಳಾ ಸದಸ್ಯರಾಗಿದ್ದರು. ಅಲ್ಪಸಂಖ್ಯಾತರಿಗೆ ಮೀಸಲಾತಿಯನ್ನು ವಿರೋಧಿಸಿದರು. ಪ್ರತ್ಯೇಕ ಮತದಾರರು ಮತ್ತು ಮೀಸಲಾತಿಯನ್ನು ತೆಗೆದುಹಾಕುವ ಸರ್ದಾರ್ ಪಟೇಲ್ ಅವರ ಪ್ರಸ್ತಾಪವನ್ನು ಅವರು ಬೆಂಬಲಿಸಿದರು.

1950ರಲ್ಲಿ ಮುಸ್ಲಿಂ ಲೀಗ್ ವಿಸರ್ಜನೆಯ ನಂತರ ಬೇಗಂ ಐಜಾಜ್ ಕಾಂಗ್ರೆಸ್‌ನ ಭಾಗವಾದರು. ನಂತರ ಅವರು 1952-1956 ರವರೆಗೆ ರಾಜ್ಯಸಭಾ ಸದಸ್ಯರಾಗಿದ್ದರು. ಅವರು 1969-1989ರವರೆಗೆ ಉತ್ತರಪ್ರದೇಶ ವಿಧಾನಸಭೆಯ ಸದಸ್ಯರಾಗಿದ್ದರು. ಅವರು 1969-1971ರ ನಡುವೆ ಉತ್ತರ ಪ್ರದೇಶದ ಸಮಾಜ ಕಲ್ಯಾಣ ಮತ್ತು ಅಲ್ಪಸಂಖ್ಯಾತ ಸಚಿವರಾಗಿದ್ದರು. ಚಿತ್ರರಂಗದಿಂದ ಹೊರಬಂದು ರಾಜಕೀಯದಲ್ಲಿ ಸಕ್ರಿಯರಾದಾಗ ಧರ್ಮಗುರುಗಳು ಆಕೆಯ ವಿರುದ್ಧ ಫತ್ವಾ ಹೊರಡಿಸಿದ್ದರು. ಅವರಿಗೆ 2000ರಲ್ಲಿ ಪದ್ಮಭೂಷಣ ಪ್ರಶಸ್ತಿ ನೀಡಲಾಯಿತು. ಅಲ್ಪಸಂಖ್ಯಾತ ಮತ್ತು ಮಹಿಳಾ ಹಕ್ಕುಗಳ ಕುರಿತು ಅವರ ಅಭಿಪ್ರಾಯಗಳನ್ನು ಭಾರತೀಯ ರಾಜಕೀಯದಲ್ಲಿ ಕ್ರಾಂತಿಕಾರಿ ಎಂದು ಪರಿಗಣಿಸಲಾಗಿದೆ. (ಏಜೆನ್ಸೀಸ್​)

https://www.vijayavani.net/christopher-columbus-was-not-from-italy-a-new-study-suggests