Beggar Buys iPhone : ಅನೇಕ ಜನರು ಐಫೋನ್ ಖರೀದಿಸುವ ಕನಸು ಕಂಡರೂ ದುಬಾರಿ ಬೆಲೆಯಿಂದಾಗಿ, ಅದನ್ನು ಇಎಂಐನಲ್ಲಿ ಅಥವಾ ತಿಂಗಳುಗಟ್ಟಲೆ ಹಣ ಉಳಿಸಿದ ನಂತರ ಖರೀದಿ ಮಾಡುತ್ತಾರೆ. ಆದರೆ, ಇಲ್ಲೊಬ್ಬ ಭಿಕ್ಷುಕ ಪೂರ್ತಿ ಕ್ಯಾಶ್ ನೀಡಿ ಐಫೋನ್ ಖರೀದಿಸುವ ಮೂಲಕ ಎಲ್ಲರ ಹುಬ್ಬೇರಿಸಿದ್ದಾನೆ. ಈ ಘಟನೆ ರಾಜಸ್ಥಾನದ ಅಜ್ಮೀರ್‌ನಲ್ಲಿ ನಡೆದಿದೆ.
ಭಿಕ್ಷುಕನ ಹೆಸರು ಶೇಖ್ ಷರೀಫ್. ಈತನಿಗೆ ಕಾಲುಗಳಿಲ್ಲದ ಕಾರಣ ಭಿಕ್ಷಾಟನೆ ಮಾಡಿ ಬದುಕು ನಡೆಸುತ್ತಿದ್ದಾನೆ. ಆದಾಗ್ಯೂ, ಒಟ್ಟು 1.7 ಲಕ್ಷ ನಗದು ಪಾವತಿಸಿ ಐಫೋನ್ 16 ಪ್ರೊ ಮ್ಯಾಕ್ಸ್ ಖರೀದಿಸುವ ಮೂಲಕ ಎಲ್ಲರನ್ನು ಅಚ್ಚರಿಗೊಳಿಸಿದ್ದಾರೆ. ಎಷ್ಟೇ ದುಡಿದರೂ ಐಫೋನ್ ಖರೀದಿಸಲು ಹೆಣಗಾಡುವ ಮಂದಿಯ ನಡುವೆ ಭಿಕ್ಷಕ, ಕೇವಲ ಭಿಕ್ಷೆ ಎತ್ತಿದ ಹಣದಲ್ಲಿ ಐಫೋನ್ ಖರೀದಿ ಮಾಡಿರುವುದು ನಿಜಕ್ಕೂ ಅಚ್ಚರಿಯ ಸಂಗತಿಯೇ ಸರಿ.
ಶೇಖ್ ಷರೀಫ್ ಐಫೋನ್ ಖರೀದಿಸುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಈ ವಿಡಿಯೋಗೆ ನೆಟ್ಟಿಗರು ಬಗೆಬಗೆಯ ಕಾಮೆಂಟ್ ಮಾಡುತ್ತಿದ್ದಾರೆ. ಭಿಕ್ಷಾಟನೆಯೇ ಅತ್ಯುತ್ತಮ ವ್ಯವಹಾರ, ಹೂಡಿಕೆ ಮಾಡುವಂತಿಲ್ಲ, ಕೆಲಸ ಮಾಡುವ ಅಗತ್ಯವೂ ಇಲ್ಲ, ಕಷ್ಟವೂ ಇಲ್ಲ, ಒತ್ತಡವೂ ಇಲ್ಲ ಎಂದು ಕೆಲ ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ.
A video of a beggar carrying an iPhone 16 Pro Max in Ajmer, Rajasthan has surfaced on the internet.
The alms seeker’s response to a particular question has amused netizens. pic.twitter.com/buFnD0ZoGE
— The Siasat Daily (@TheSiasatDaily) January 19, 2025
ದಿ ಸೈಸಾಟ್ ಡೈಲಿ ( The Siasat Daily ) ಹೆಸರಿನ ಎಕ್ಸ್ ಖಾತೆಯಲ್ಲಿ ವಿಡಿಯೋ ಪೋಸ್ಟ್ ಮಾಡಲಾಗಿದ್ದು, ವೈರಲ್ ಆಗಿದೆ. ಈ ವಿಡಿಯೋ ನೋಡಿ ನಿಮಗೆ ಏನು ಅನಿಸಿತು ಎಂಬುದನ್ನು ನಮಗೆ ಕಾಮೆಂಟ್ ಮಾಡಿ ತಿಳಿಸಿ. (ಏಜೆನ್ಸೀಸ್)
ಭಾರತ, ಪ್ರಧಾನಿ ಮೋದಿ ಹೊಗಳಿದ ಪಾಕಿಸ್ತಾನ ಯೂಟ್ಯೂಬರ್ಸ್ ಕಣ್ಮರೆ! ಗಲ್ಲಿಗೇರಿಸಿತೇ ಪಾಕ್ ಸೇನೆ? Pakistan