ಪಾಕಿಸ್ತಾನದ ದಾಳಿ ಭೀತಿ ಇದೆ. ಹೀಗಾಗಿ ಪಂದ್ಯ ರದ್ದುಗೊಳಿಸಲಾಗುತ್ತಿದೆ ಎಂದು ನೇರವಾಗಿ ಹೇಳಿದ್ದರೆ ಪ್ರೇಕ್ಷಕರು ಗಾಬರಿಯಾಗುವ ಮತ್ತು ಕಾಲ್ತುಳಿತಗಳಾಗುವ ಸಾಧ್ಯತೆ ಇತ್ತು. ಹೀಗಾಗಿ ಬಿಸಿಸಿಐ ಒಂದೊಂದಾಗಿಯೇ ಸ್ಟೇಡಿಯಂನ ಫ್ಲಡ್ಲೈಟ್ಗಳನ್ನು ಆ್ ಮಾಡಿತು ಮತ್ತು ಫ್ಲಡ್ಲೈಟ್ನಲ್ಲಿ ತಾಂತ್ರಕ ದೋಷವಿದೆ. ಹೀಗಾಗಿ ಪಂದ್ಯ ನಡೆಸಲು ಸಾಧ್ಯವಾಗುತ್ತಿಲ್ಲ ಎಂದು ಮೊದಲಿಗೆ ತಿಳಿಸಿತು. ಇದರಿಂದ ಪ್ರೇಕ್ಷಕರು, ಗಾಬರಿಯಾಗದೆ ಶಾಂತವಾಗಿ ಮೈದಾನದಿಂದ ನಿರ್ಗಮಿಸಲು ಸಾಧ್ಯವಾಯಿತು. ಈ ಮೂಲಕ ಬಿಸಿಸಿಐ ಶೆಲ್ ದಾಳಿ ಭೀತಿಯ ಪರಿಸ್ಥಿತಿಯನ್ನು ಯಶಸ್ವಿಯಾಗಿ ನಿಭಾಯಿಸಿತು. ಧರ್ಮಶಾಲಾದಿಂದ 100 ಕಿಲೋಮೀಟರ್ ದೂರದಲ್ಲಿರುವ 2 ಪ್ರಮುಖ ನಗರಗಳಲ್ಲಿ ಏರ್ ರೈಡ್ ಸೈರನ್ ಮೊಳಗಿದ್ದವು. ಧರ್ಮಶಾಲಾದಲ್ಲಿ ಸ್ಥಳಿಯ ಆಡಳಿತದ ಬೆಂಬಲದೊಂದಿಗೆ ಬಿಸಿಸಿಐ ಪರಿಸ್ಥಿತಿಯನ್ನು ಸಮರ್ಥವಾಗಿ ನಿಭಾಯಿಸಿತು.
