ಸದ್ಯದ ಯೋಜನೆಯ ಪ್ರಕಾರ ಬಿಸಿಸಿಐ ಈ ಬಾರಿ ಇಂಗ್ಲೆಂಡ್ನಲ್ಲೇ ಐಪಿಎಲ್ ಆಯೋಜನೆಗೆ ಮೊದಲ ಆದ್ಯತೆ ನೀಡಿದೆ. ಯುಎಇ ಮತ್ತು ಶ್ರೀಲಂಕಾವನ್ನು ಐಪಿಎಲ್ಗೆ ಮೀಸಲು ಬದಲಿ ತಾಣವಾಗಿ ಇಟ್ಟುಕೊಂಡಿದೆ. ಐಪಿಎಲ್ ಆತಿಥ್ಯಕ್ಕಾಗಿ ಇಂಗ್ಲೆಂಡ್ನ 4 ಕೌಂಟಿ ತಂಡಗಳಾದ ಮಿಡ್ಲ್ಸೆಕ್ಸ್, ಸರ್ರೆ, ವಾರ್ವಿಕ್ಶೈರ್ ಮತ್ತು ಲಂಕಾಶೈರ್ನಿಂದ ಬಿಸಿಸಿಐಗೆ ಈಗಾಗಲೆ ಆಹ್ವಾನ ಬಂದಿದೆ. ಐಪಿಎಲ್ ನೇರಪ್ರಸಾರ ಹಕ್ಕು ಹೊಂದಿರುವ ಸ್ಟಾರ್ ಸ್ಪೋರ್ಟ್ಸ್ ಸಂಸ್ಥೆ ಕೂಡ ಇಂಗ್ಲೆಂಡ್ನಲ್ಲಿ ಟೂರ್ನಿ ಆಯೋಜನೆಗೆ ಬೆಂಬಲ ಸೂಚಿಸಿದೆ. ಇಂಗ್ಲೆಂಡ್ನಲ್ಲಿ ಐಪಿಎಲ್ ಆಯೋಜಿಸುವುದು ವೆಚ್ಚ ಹೆಚ್ಚಿಸಲಿದೆ. ಆದರೆ ಪ್ರೇಕ್ಷಕರಿಗೂ ಪ್ರವೇಶ ನೀಡುವ ಅವಕಾಶ ಇರುವುದರಿಂದ, ಟಿಕೆಟ್ ಮಾರಾಟದ ಆದಾಯದಿಂದ ಈ ವೆಚ್ಚ ಸರಿದೂಗಿಸಿಕೊಳ್ಳಬಹುದು ಎಂಬ ಲೆಕ್ಕಾಚಾರವನ್ನು ಬಿಸಿಸಿಐ ಹೊಂದಿದೆ.
