ಬೆಂಗಳೂರು: ಪ್ರತಿಬಾರಿ ಬಿಗ್ಬಾಸ್ ಶೋ ಆರಂಭವಾದಾಗ ವೀಕ್ಷಕರ ಕಣ್ಣು ಸ್ಪರ್ಧಿಗಳ ಆಯ್ಕೆ ಮೇಲೆ ಬಿದ್ದಿರುತ್ತದೆ. ಇದಾದ ಬಳಿಕ ಯಾವ ಸ್ಪರ್ಧಿಗಳು ಬಿಗ್ಬಾಸ್ ಮನೆಯಲ್ಲಿ ಹೆಚ್ಚು ದಿನ ಉಳಿಯಲಿದ್ದಾರೆ ಎಂಬ ಲೆಕ್ಕಾಚಾರ ಶುರುವಾಗುತ್ತದೆ. ಈ ಬಾರಿಯ ಸ್ಪರ್ಧೆಗಳ ಆಯ್ಕೆ ವಿಚಾರಕ್ಕೆ ಬಂದಾಗ ಬಹುತೇಕ ವೀಕ್ಷಕರಿಗೆ ಖುಷಿಯಾಗಿದೆ.
ಬಿಗ್ಬಾಸ್ ಶೋ ಅಂತಾ ಬಂದಾಗ ಮನೆಯೊಳಗಿನ ಚರ್ಚೆಗಿಂತ ಮನೆಯ ಹೊರಗಿನ ವಾದ-ವಿವಾದವೇ ಜಾಸ್ತಿ. ಬಿಗ್ ಮನೆಯಲ್ಲಿ ವಿವಾದದ ಅಲೆ ಎದ್ದಾಗಲೂ ಸಹ ವೀಕ್ಷಕರು ಸ್ಪರ್ಧಿಗಳಾಡುವ ಮಾತಿನ ರೀತಿಯಲ್ಲಿ ತಮ್ಮದೇ ರೀತಿಯಲ್ಲಿ ವಿಶ್ಲೇಷಣೆ ಮಾಡುವುದನ್ನು ನೋಡಿರುತ್ತೇವೆ. ಹೀಗೆ ಅನೇಕ ರೀತಿಯಲ್ಲಿ ಸ್ಪರ್ಧಿಗಳನ್ನು ವೀಕ್ಷಕರು ಗಮನಿಸುತ್ತಿರುತ್ತಾರೆ.
ಇದನ್ನೂ ಓದಿರಿ: ಮನೆಯಲ್ಲೇ ಕುಳಿತು ಆರಾಮಾಗಿ ಹಣ ಗಳಿಸುವ ಆಸೆ ಇದ್ರೆ ಈ ಸ್ಟೋರಿಯನ್ನೊಮ್ಮೆ ಓದಿ..!
ಕಾರ್ಯಕ್ರಮ ಆರಂಭವಾಗಿ ಮೊದಲ ವಾರದ ಅಂತಿಮ ಬಂದಿದ್ದು, ಈಗಾಗಲೇ ಎಲ್ಲ ಸ್ಪರ್ಧಿಗಳ ಚಲನಾವಲನವನ್ನು ವೀಕ್ಷಕರು ಗಮನಿಸಿದ್ದಾರೆ. ಹೀಗಾಗಿ ಈ ಬಾರಿ ಬಿಗ್ ಬಾಸ್ ಮನೆಯಲ್ಲಿ ವಿವಾದದ ಅಲೆಯನ್ನು ಎಬ್ಬಿಸುವ ಜತೆ ಭಾರಿ ಸದ್ದು ಮಾಡುವ ಸ್ಪರ್ಧಿಗಳು ಯಾರಾಗಲಿದ್ದಾರೆ ಎಂಬುದನ್ನು ವೀಕ್ಷಕರು ಹೆಸ್ ಮಾಡಿದ್ದು, ಅವರ ಹೆಸರು ಈ ಕೆಳಕಂಡಂತಿದೆ.
ವೀಕ್ಷಕರ ಪ್ರಕಾರ ನಿಧಿ ಸುಬ್ಬಯ್ಯ, ಶಮಂತ್ ಬ್ರೋ ಗೌಡ, ಕೆ.ಪಿ. ಅರವಿಂದ್ ಮತ್ತು ವೈಷ್ಣವಿ ಗೌಡ ಮನೆಯಲ್ಲಿ ಹೆಚ್ಚು ಸದ್ದು ಮಾಡಲಿದ್ದಾರಂತೆ. ಆದರೆ, ಇನ್ನು ಕೆಲವರ ಪ್ರಕಾರ ಮಂಜು ಪಾವಗಡ ಸಖತ್ ಮನರಂಜನೆ ನೀಡಲಿದ್ದಾರಂತೆ. ಇನ್ನು ಪ್ರಶಾಂತ್ ಸಂಬರಗಿ ವಿವಾದದ ಸುರಿಮಳೆಗೈಯಲಿದ್ದು, ಈ ಬಾರಿಯ ಬಿಗ್ಬಾಸ್ ಕಳೆದ ಆವೃತ್ತಿಗಿಂತ ಕೊಂಚ ವಿಭಿನ್ನವಾಗಿರಲಿದೆ ಎಂದು ವೀಕ್ಷಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. (ಏಜೆನ್ಸೀಸ್)