ಈ ಬಾರಿಯ ಬಿಗ್​ಬಾಸ್​ ವಿನ್ನರ್​ ಭವಿಷ್ಯ ನುಡಿದ ನೆಟ್ಟಿಗರು: ಲ್ಯಾಗ್​ ಮಂಜು, ರಾಜೀವ್​ ಅಲ್ಲ, ಮತ್ಯಾರು?

ಬೆಂಗಳೂರು: ಕನ್ನಡ ಬಿಗ್​ಬಾಸ್​ ರಿಯಾಲಿಟಿ ಶೋ ನಿರೂಪಣೆ ಮಾಡಲು ನಟ ಸುದೀಪ್​ಗಿಂತ ಬೇರೆ ಯಾರಾದರೂ ಉತ್ತಮ ನಟರಿದ್ದಾರಾ? ಎಂಬ ಪ್ರಶ್ನೆಯನ್ನ ಕೇಳಿದರೆ, ಅನೇಕ ವೀಕ್ಷಕರು ಸುದೀಪ್​ ಇಲ್ಲದೆ ಬಿಗ್​ಬಾಸ್​ ಶೋ ಊಹಿಸಿಕೊಳ್ಳಲು ಸಾಧ್ಯವಿಲ್ಲ. ಅಷ್ಟರ ಮಟ್ಟಿಗೆ ಕಳೆದ ಏಳು ಆವೃತ್ತಿಯನ್ನು ಸುದೀಪ್​ ನಡೆಸಿಕೊಂಡು ಬಂದಿದ್ದಾರೆ. ಪ್ರಸ್ತುತ 8ನೇ ಆವೃತ್ತಿಯಲ್ಲೂ ತಮ್ಮ ಛಾಪು ಮುಂದುವರಿಸಿದ್ದಾರೆ.

ಸುದೀಪ್​ ನಿರೂಪಣೆ ಒಂದೆಡೆಯಾದರೆ, ರಿಯಾಲಿಟಿ ಶೋ ಅನ್ನು ಯಾರು ಉತ್ತಮವಾಗಿ ಜಡ್ಜ್​ ಮಾಡುತ್ತಾರೆಂದು ಪ್ರಶ್ನಿಸಿದರೆ, ವೀಕ್ಷಕರಿಗಿಂತ ಬೇರೊಬ್ಬರಿಲ್ಲ ಎಂಬ ಉತ್ತರ ಬಂದೇ ಬರುತ್ತದೆ. ಬಿಗ್​ಬಾಷ್​ ಶೋಗೆಂದೇ ವಿಶೇಷ ವೀಕ್ಷಕರ ಬಳಗವಿದೆ. ಪ್ರತಿವಾರ ಯಾರು ಹೋಗಬಹುದು ಮತ್ತು ಯಾರು ಉಳಿದುಕೊಳ್ಳಬಹುದು ಎಂಬ ಭವಿಷ್ಯ ನುಡಿಯುತ್ತಾರೆ. ಅಲ್ಲದೆ, ಟ್ರೋಫಿ ಯಾರು ಗೆಲ್ಲಬಹುದೆಂದು ಸಹ ಹೇಳುತ್ತಾರೆ.

ಇದನ್ನೂ ಓದಿರಿ: ಐಸಿಯುನಲ್ಲಿದ್ದಾರೆ ರಮೇಶ್​ ಜಾರಕಿಹೊಳಿ, ಪರಿಸ್ಥಿತಿ ಗಂಭೀರ?

ಸ್ಪರ್ಧಿಗಳ ವರ್ತನೆ, ಆಟದ ರೀತಿ ಮತ್ತು ಅವರು ನೀಡುವ ಮನರಂಜನೆ ಮತ್ತು ನಡೆದುಕೊಳ್ಳುವ ರೀತಿಯನ್ನು ನೋಡಿ ವೀಕ್ಷಕರು ಬಿಗ್​ಬಾಸ್​ ವಿನ್ನರ್​ ಯಾರಾಗಬಹುದೆಂದು ಊಹಿಸುತ್ತಾರೆ. ಪ್ರಸ್ತುತ ಬಿಗ್​ಬಾಸ್​ 8ನೇ ಆವೃತ್ತಿಯು ಒಂದು ತಿಂಗಳು ಪೂರೈಸಿ ಮುನ್ನುಗುತ್ತಿದೆ. ಈಗಾಗಲೇ ಸ್ಪರ್ಧಿಗಳ ಬಗ್ಗೆ ವೀಕ್ಷಕರು ಜಡ್ಜ್​ ಮಾಡಿದ್ದು, ಉತ್ತರ ಮುಂದಿದೆ.

ಈ ಬಾರಿ ಉಡುಪಿ ಮೂಲಕ ಬೈಕ್​ ರೇಸರ್​ ಕೆ.ಪಿ. ಅರವಿಂದ್​ ಕುಮಾರ್​ ಗೆದ್ದೇ ಗೆಲ್ಲುತ್ತಾರೆಂದು ಬಹುತೇಕ ವೀಕ್ಷಕರು ಅಂದಾಜಿಸಿದ್ದಾರೆ. ಈಗಲೇ ಶೋ ಅನ್ನು ಅಂದಾಜಿಸಲು ಸಾಧ್ಯವಿಲ್ಲ. ಏಕೆಂದರೆ ಶೋ ಮುಗಿಯಲು ಇನ್ನು ಎರಡು ತಿಂಗಳಿದೆ. ಆದರೆ, ಈಗಲೇ ಅನೇಕ ನೆಟ್ಟಿಗರು ಅರವಿಂದ್​ ಗೆಲ್ಲಲಿದ್ದಾರೆಂದು ಭವಿಷ್ಯ ನುಡಿಯುತ್ತಿದ್ದಾರೆ. ಅರವಿಂದ್​ ಚೆನ್ನಾಗಿ ಆಡುತ್ತಿದ್ದು, ಮನೆಯವರಿಂದಲೇ ಮೆಚ್ಚುಗೆ ಪಡೆದಿದ್ದಾರೆಂದು ಹೇಳಿದ್ದಾರೆ. ಆದರೆ, ನೆಟ್ಟಿಗರು ಅಂದಾಜಿಗೆ ಉತ್ತರ ಸಿಗಬೇಕೆಂದರೆ ಶೋ ಮುಗಿಯೋವರೆಗೂ ಕಾಯಲೇಬೇಕಿದೆ. (ಏಜೆನ್ಸೀಸ್​)

https://www.vijayavani.net/jaya-bachchan-to-campaign-for-tmc/

https://www.vijayavani.net/gujarat-ips-officer-shunted-after-bjp-workers-alleged-attack/

https://www.vijayavani.net/uttar-pradesh-chief-minister-yogi-adityanath-receives-first-dose-of-covid-19-vaccine/