ದೆಹಲಿ: ಪ್ರತಿ ಹೊಸ ತಿಂಗಳು ಆರಂಭವಾಗುವ ಮುನ್ನ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ(ಆರ್ಬಿಐ) ಗ್ರಾಹಕರ ಹಿತದೃಷ್ಟಿಯಿಂದ ಬ್ಯಾಂಕ್ಗಳ ರಜಾಪಟ್ಟಿಯನ್ನು ಬಿಡುಗಡೆ ಮಾಡುತ್ತದೆ. ಅದರಂತೆ ಮೇ ತಿಂಗಳು ಮುಕ್ತಾಯವಾಗಲು ಕೆಲವು ದಿನಗಳು ಮಾತ್ರ ಬಾಕಿ ಉಳಿದಿದ್ದು, ಆರ್ಬಿಐ ಜೂನ್ ತಿಂಗಳ ಬ್ಯಾಂಕ್ ರಜೆಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.
ಇದನ್ನೂ ಓದಿ: ಕೆರಾಡಿ ಸ್ಟುಡಿಯೋಸ್ ಸಂಸ್ಥೆ ಮೂಲಕ ಮಾರ್ಕೆಟಿಂಗ್ ಕ್ಷೇತ್ರಕ್ಕೂ ಕಾಲಿಟ್ಟ ರಿಷಬ್ ಶೆಟ್ಟಿ!
ಜೂನ್ ತಿಂಗಳ ರಜಾ ಪಟ್ಟಿಯ ಪ್ರಕಾರ ಭಾರತದಲ್ಲಿ ಒಟ್ಟು 12 ದಿನಗಳು ಬ್ಯಾಂಕ್ಗಳು ರಜೆ ಇರಲಿವೆ. ವಾರದ ರಜೆ, ರಾಜ್ಯಗಳ ಪ್ರಾದೇಶಿಕ ರಜೆ ಹಾಗೂ ಹಬ್ಬಗಳಿಗನುಗುಣವಾಗಿ ಆರ್ಬಿಐ ಬಿಡುಗಡೆ ಮಾಡಿರುವ ಮುಂದಿನ ತಿಂಗಳ ರಜಾ ದಿನಗಳ ಪಟ್ಟಿ ಇಂತಿದೆ:
ಜೂನ್ 4: ಮೊದಲನೇ ಭಾನುವಾರ
ಜೂನ್ 10: ಎರಡನೇ ಶನಿವಾರ
ಜೂನ್ 11: ಎರಡನೇ ಭಾನುವಾರ.
ಜೂನ್ 15: YMA ದಿನ/ರಾಜ ಸಂಕ್ರಾಂತಿಯಂದು ಐಜ್ವಾಲ್ ಮತ್ತು ಭುವನೇಶ್ವರ್ನಲ್ಲಿರುವ ಬ್ಯಾಂಕ್ಗಳು ಕಾರ್ಯನಿರ್ವಹಿಸುವುದಿಲ್ಲ.
ಜೂನ್ 18: ಮೂರನೇ ಭಾನುವಾರ
ಜೂನ್ 20: ರಥ ಯಾತ್ರಾ ಕಾರಣದಿಂದ ಭುವನೇಶ್ವರ ಮತ್ತು ಇಂಫಾಲ್ನಲ್ಲಿನ ಬ್ಯಾಂಕ್ ಮುಚ್ಚಲ್ಪಡುತ್ತವೆ.
ಜೂನ್ 24: ನಾಲ್ಕನೇ ಶನಿವಾರ.
ಜೂನ್ 25: ತಿಂಗಳ ನಾಲ್ಕನೇ ಭಾನುವಾರ.
ಜೂನ್ 26: ಖಾರ್ಚಿ ಪೂಜೆಯ ನಿಮಿತ್ತ ಅಗರ್ತಲಾದಲ್ಲಿ ಬ್ಯಾಂಕುಗಳು ಮುಚ್ಚಲ್ಪಡುತ್ತವೆ.
ಜೂನ್ 28: ಬಕ್ರೀದ್ ನಿಮಿತ್ತ ಜಮ್ಮು, ಕೇರಳ, ಮಹಾರಾಷ್ಟ್ರ ಹಾಗೂ ಕಾಶ್ಮೀರದಲ್ಲಿ ಬ್ಯಾಂಕ್ಗಳು ಮುಚ್ಚಲ್ಪಡುತ್ತವೆ.
ಜೂನ್ 29: ಬಕ್ರೀದ್ ನಿಮಿತ್ತ ದೇಶದ ಹಲವು ರಾಜ್ಯಗಳಲ್ಲಿ ಬ್ಯಾಂಕ್ಗಳು ಬಂದ್ ಇರಲಿವೆ.
ಜೂನ್ 30: ರೆಮ್ನಾನಿ/ಈದ್-ಉಲ್-ಜುಹಾದ ಹಿನ್ನೆಲೆಯಲ್ಲಿ ಮಿಜೋರಾಂ, ಒಡಿಶಾದಲ್ಲಿ ಬ್ಯಾಂಕ್ ಮುಚ್ಚಲ್ಪಡುತ್ತವೆ.
ಈ ರಜೆಗಳು ಪ್ರಾದೇಶಿಕಕ್ಕೆ ಅನುಗುಣವಾಗಿ ಬದಲಾಗುತ್ತಿರುತ್ತವೆ ಎಂಬುದನ್ನು ಗ್ರಾಹಕರು ನೆನಪಿನಲ್ಲಿಟ್ಟುಕೊಳ್ಳಬೇಕು.(ಏಜೆನ್ಸೀಸ್)