ತನ್ನ ಹೇಳಿಕೆಯನ್ನು ಸಮರ್ಥಿಸಿಕೊಂಡಿರುವ ಕಮಲ್ ಹಾಸನ್, ‘ನಾನು ಕ್ಷಮೆ ಕೋರುವುದಿಲ್ಲ. ನಾನು ಪ್ರೀತಿಯಿಂದಲೇ ಹೇಳಿರುವುದು’ ಎಂದಿರುವುದು ಹಲವರ ಆಕ್ರೋಶಕ್ಕೆ ಕಾರಣವಾಗಿದ್ದರೆ. ಮತ್ತೊಂದೆಡೆ, ಜಾಲತಾಣದಲ್ಲಿ ಕನ್ನಡ ನಟಿ ರಮ್ಯ ಹಾಕಿರುವ ಪೋಸ್ಟ್ ಉರಿಯುವ ಬೆಂಕಿಗೆ ತುಪ್ಪ ಸುರಿದಂತಾಗಿದೆ. ಕಮಲ್ ಅವರ ಸಿನಿಮಾಗೆ ನಿಷೇಧ ಹೇರುವ ಆಗ್ರಹದ ಬಗ್ಗೆ ಟ್ವೀಟ್ ಮಾಡಿ ಪ್ರತಿಕ್ರಿಯಿಸಿರುವ ರಮ್ಯ, ‘ಅವರು ಅನುಚಿತವಾಗಿ ಮಾತನಾಡಿರುವುದು ಸತ್ಯ. ಆದ್ರೆ, ಅವರ ಸಿನಿಮಾವನ್ನು ಬಹಿಷ್ಕರಿಸುವುದು ಸ್ವಲ್ಪ ಜಾಸ್ತಿ ಆಗಲಿಲ್ಲವೇ? ಒಂದು ಸಣ್ಣ ಕ್ಷಮೆ ಕೊಡಬಹುದಲ್ಲವೇ’ ಎಂದು ಹೇಳಿದ್ದಾರೆ. ಸದ್ಯ ಇದು ನೆಟ್ಟಿಗರ ಅಸಮಾಧಾನಕ್ಕೆ ಕಾರಣವಾಗಿದೆ.
