ನಿಯಮವನ್ನು ಜಾರಿ ಮಾಡಿರುವುದನ್ನು ನೋಡಿದರೆ... BCCIಗೆ ಎಚ್ಚರಿಸಿದ ಆಸ್ಟ್ರೇಲಿಯಾದ ಮಾಜಿ ಸ್ಟಾರ್ ಆಟಗಾರ

ನವದೆಹಲಿ: ಕಳೆದ ಕೆಲ ದಿನಗಳ ಹಿಂದೆ ಮುಕ್ತಾಯಗೊಂಡ ಬಾರ್ಡರ್​-ಗವಾಸ್ಕರ್​ ಟ್ರೋಫಿ, ನ್ಯೂಜಿಲೆಂಡ್​ ವಿರುದ್ಧದ ಟೆಸ್ಟ್​ ಸರಣಿಯಲ್ಲಿ ಟೀಮ್​ ಇಂಡಿಯಾ ಕಳಪೆ ಪ್ರದರ್ಶನದಿಂದಾಗಿ ಸೋಲುಂಡಿದ್ದು, ಆಟಗಾರರು ಹಾಗೂ ಕೋಚ್​ ನಡುವೆ ಒಮ್ಮತ ಮೂಡದೆ ಇರುವುದು ಇದಕ್ಕೆ ಪ್ರಮುಖ ಕಾರಣ ಎಂದು ಹೇಳಲಾಗಿದೆ. ಈ ನಿಟ್ಟಿನಲ್ಲಿ ಆಟಗಾರರು ಹಾಗೂ ಕೋಚ್ ನಡುವೆ​ ಶಿಸ್ತು ಮತ್ತು ಏಕತೆಯನ್ನು ಮೂಡಿಸಲು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ( BCCI ) 10 ಅಂಶಗಳ ಮಾರ್ಗಸೂಚಿಯನ್ನು ಹೊರಡಿಸಿದ್ದು, ಸದ್ಯ ಈ ವಿಚಾ ರ ಪರ-ವಿರೋಧಕ್ಕೆ ಕಾರಣವಾಗಿದೆ.

ಬಿಸಿಸಿಐ (BCCI) ಜಾರಿಗೆ ತಂದಿರುವ 10 ನಿಯಮಗಳ ಕುರಿತಾಗಿ ನಾಯಕ ರೋಹಿತ್​ ಶರ್ಮ ಸೇರಿದಂತೆ ಹಲವು ಹಿರಿಯ ಆಟಗಾರರು ಅಸಮಾಧಾನ ಹೊರಹಾಕಿದ್ದರು. ಇದೀಗ ಈ ಬಗ್ಗೆ ಇಯಾನ್​ ಹೀಲಿ ಮಾತನಾಡಿದ್ದು, ಬೇರೆ ರಾಷ್ಟ್ರಗಳು ಇದೇ ರೀತಿಯ ಪರಿಸ್ಥಿತಿಗೆ ಹೋಗದಂತೆ  ಜಾಗರೂಕರಾಗಿರಿ ಎಂದು ಆಸ್ಟ್ರೇಲಿಯಾ ಕ್ರಿಕೆಟ್​ ತಂಡದ ಮಾಜಿ ಆಟಗಾರ ಇಯಾನ್​ ಹೀಲಿ ಎಚ್ಚರಿಸಿದ್ದಾರೆ.

ಖಾಸಗಿ ಸುದ್ದಿವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಈ ಬಗ್ಗೆ ಮಾತನಾಡಿರುವ ಇಯಾನ್​ ಹೀಲಿ, ಭಾರತೀಯ ಕ್ರಿಕೆಟ್ ಅಧಿಕಾರಿಗಳಿಂದ ಕಟ್ಟುನಿಟ್ಟಾದ, ಬಲವಾದ ಪ್ರತಿಕ್ರಿಯೆಯು ತಮ್ಮ ರಾಷ್ಟ್ರೀಯ ತಂಡದ ಶಿಸ್ತು ಕೆಟ್ಟದಾಗಿ ಜಾರಿಕೊಳ್ಳಲು ಅವಕಾಶ ಮಾಡಿಕೊಟ್ಟಿದೆ. ಈ ಮೂಲಕ ತಮ್ಮ ತಂಡಕ್ಕೆ ಮರುರೂಪ ನೀಡಲು ಅಲ್ಲಿನ ಕ್ರಿಕೆಟ್​ ಮಂಡಳಿ ಮುಂದಾಗಿದೆ. ಇದು ಅಸಾಧಾರಣ ಸಮಸ್ಯೆಗಳಾಗಿದ್ದು, ದೀರ್ಘಕಾಲದವರೆಗೆ ಅನುಮೋದಿಸದೆ ಹೋಗಬಹುದು ಎಂಬುದು ನನ್ನ ಅನಿಸಿಕೆ. 

ಈ ನಿಯಮವನ್ನು ಜಾರಿ ಮಾಡಿರುವುದನ್ನು ನೋಡಿದರೆ ಬಹುಶಃ ಆಟಗಾರರು ಹಾಗೂ ಮ್ಯಾನೇಜ್​​ಮೆಂಟ್​ ತಂಡವನ್ನು ಪ್ರತಿನಿಧಿಸುವ ಕನಸನ್ನು ಅಗೌರವಗೊಳಿಸಿದ್ದಾರೆ. ಆಸ್ಟ್ರೇಲಿಯಾ  ಜೊತೆಗೆ ಇತರ ದೇಶಗಳು ಪರಿಣಾಮಗಳನ್ನು ಗಮನಿಸದೆ ಪರಿಸ್ಥಿತಿ ಎಲ್ಲಿಯವರೆಗೂ ಹೋಗಬಹುದೆಂಬುದರ ಬಗ್ಗೆ ಜಾಗರೂಕರಾಗಿರಿ ಎಂದು ಬಿಸಿಸಿಐಗೆ (BCCI) ಆಸ್ಟ್ರೇಲಿಯಾ ಕ್ರಿಕೆಟ್​ ತಂಡದ ಮಾಜಿ ಆಟಗಾರ ಇಯಾನ್​ ಹೀಲಿ ಎಚ್ಚರಿಸಿದ್ದಾರೆ.

https://www.vijayavani.net/actor-darshans-gun-license-suspended-by-police

https://www.vijayavani.net/elon-musks-wild-dance-steals-show-at-trump-inauguration-celebrations