ಜುಲೈ 25ರಂದು ಬೆಳಗ್ಗೆ 8.30ಕ್ಕೆ ಮನೆಯ ಬಾಗಿಲು ಬಡಿದ ಶಬ್ದ ಕೇಳಿದ್ದು, ಮನೆಯೊಡತಿ ಕವಿತಾ ಪ್ರತಿಕ್ರಿಯಿಸಿರಲಿಲ್ಲ. 9 ಗಂಟೆಗೆ ಬಾಗಿಲು ತೆರೆದು ನೋಡಿದಾಗ ಯಾರೂ ಇರಲಿಲ್ಲ. ಮನೆಯ ಸಿಸಿಟಿವಿ ಮೇಲೆ ನಿಗಾ ಇಡುತ್ತಿರುವ ಕುಂದಾಪುರ ಸೈನ್ ಇನ್ ಸೆಕ್ಯೂರಿಟಿ ಸಂಸ್ಥೆ ಈ ಕುರಿತು ಮನೆಯವರಿಗೆ ಕೂಡಲೇ ಮಾಹಿತಿ ನೀಡಿದ್ದು, ಸ್ವಿಫ್ಟ್ ಕಾರಿನಲ್ಲಿ ಆಗಮಿಸಿದ 6-8 ಮಂದಿ ಗೇಟ್ಗೆ ಗುದ್ದಿ ತೆರೆಯಲು ಯತ್ನಿಸಿದ್ದಾರೆ. ಬಳಿಕ ಇನ್ನೊಂದು ಕಡೆಯಿಂದ ಕಾಂಪೌಂಡ್ನಿಂದ ಜಿಗಿದು ಬಂದಿದ್ದಾರೆ. ಅಧಿಕಾರಿಗಳ ಸೋಗಿನಲ್ಲಿ ಬಂದ ಆಗಂತುಕರ ಪೈಕಿ ಒಬ್ಬಾತ ಸಫಾರಿ ಧರಿಸಿದ್ದು, ಇತರ ನಾಲ್ವರು ಪೊಲೀಸ್ ಸಮವಸ್ತ್ರದಲ್ಲಿದ್ದರು. ಒಟ್ಟು ಎಂಟು ಮಂದಿ ಕೃತ್ಯದ ಸಂದರ್ಭ ಇದ್ದರು. ಘಟನೆಯಿಂದ ಕೋಟ ಪರಿಸರದ ಜನತೆ ಆತಂಕಗೊಂಡಿದ್ದರು.
